Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Ich suche für unsere Hochzeit...    ›   Hochzeitsartikel    ›   Mery`s Gutschein gesucht
Mery`s Gutschein gesucht
 1 .. 10 11 12 13 14 .. 17
becca  am 22.08.2010

Re: Mery`s Gutschein gesucht

@mond26 Herzlichen Dank für deinen Tipp! Habe die Unterlagen bestellt...mal schauen ob ein Gutschein dabei ist.
Gruss Becca



scale  am 06.09.2010

Re: Mery`s Gutschein gesucht

Hallo zäme

Habe die Unterlagen auch bestellt. Aber nur den Gutschein für Herren erhalten. Hat noch jemand einen für die Damen? Wäre sehr dankbar.



Sasi  am 17.09.2010

Re: Mery`s Gutschein gesucht

Ich habe noch einen 25% Merys-Gutschein (Damen). Verkaufe ihn für Fr. 300.-



elchalten  am 17.09.2010

Re: Mery`s Gutschein gesucht

@ sasi: warum denn verkaufen und nicht einfach weitergeben?



Carmile  am 18.09.2010

Re: Mery`s Gutschein gesucht

han grad möse smile ab de letschte comments. das isch de markt - agebot und nachfrage. die guetschi sind wahnsinnig beliebt, somit würdi min (sofern i no eine het, han die dozmol abgeh, wo i nonig gwüsst han wie rar sie sind) au verkaufe. aber für en günstige pris zwüschet 40 und 80 fr., denn 300 fr. findi jetzt gad echli gar höch und es lohnt sich nur bimene kleid ab 1500 fr. überhaupt no für de guetschi ergatteret.

isch denn die aktion jetzt nur im 2010 gsi zum jubiläum? wohrschinlich scho, hm? also muesi ar nögste hochzitsmess, wo i sicher gang eifach so us gwunder, nümm an merys stand sprinte?

grüesslis



nimbini  am 18.09.2010

Re: Mery`s Gutschein gesucht

@carmile, ja das sind würklich nur guetschii gsi fürs 25jährige jubiläum! und ich find agebot/nachfrag hin oder her, so en guetschii wo meh gratis an ere mäss überchunnt und dänn no will gwünn demit mache, wil meh sis chleid halt nöd i dem lade gfunde händ, absolut gar nöd richtig! ob jetzt 40 franke oder 300! ich finds eifach nur absolut fräch!

bin sowieso de meinig, dass die im mery's doch eifach d'priise vo ihrne chleider aghobe händ i dem jahr, damit sie trotz ihrne guetschii no en happige gwünn mached! das isch halt eifach e netti marketing-aktion zum kohle mache, wil d'chleider sind det definitiv im höchere bereich! emal mis isch andersch tüür gsi und ich han trotz 25% guetschii immer no meh für mis chleid zahlt als viel anderi brüüt ohni guetschii.....



Carmile  am 18.09.2010

Re: Mery`s Gutschein gesucht

hey nimbini

es git ebe au immer lüt wos nöd würkli schätzet wenn me ihne en guetschi zuestellt, han das do leider im forum au möse merke und han es zitli lang mol vo diverse abüter guetschi verschickt und en ufwand dämit gha. s'schneller isch de gschwinder prinzip isch drum nöd würkli befriedigend gsi. und wenn öppis chlises verlangsch, merksch schnell wer au würkli interesse hät und dankbar isch und nöd nur eifach mol sich gschnell iloggt und nochher nie me is forum chunt und mit em guetschi verschwindet.

meinsch würkli de merys hät dprise so stark aghobe? wo i zwomol döt gsi bin, hani de idruck gha dass vode prisklass her wie de liluca sind. mittlers prisfeld im verglich zumene sung sing, me samyra fashion und me zoro im premiumsegment. de chez janine isch mer au no es bitz günstiger vorcho.

dörfi froge wieviel du denn zahlt häsch, jetzt no trotz guetschi?

wenns prise liecht ahebet findi das völlig ok, sus rentiert sich die aktion für sie jo überhaupt nöd. zumal me als brut jo nur eis kleid postet und denn sgschäft höchstens de kollegin fürs nöchst folgend johr empfiehlt wos denn kei aktion me hät. also kei folgekauf. somit werdets gwünn va. dur mehrverkäuf gmacht ha, wobi i nöd glaub dass dur die dmarketingaktion komplett ufgfange werde chönt. wenns natürli aber gad 1/3 höher sind wie sus, denn isch es def. ztür.

liebe gruess und schös weekend



nimbini  am 18.09.2010

Re: Mery`s Gutschein gesucht

ja die gfahr lauft meh halt immer, wänn meh im forum mitteilt, dass meh irgendwelchi guetschii z'vergäh hät! da gits definitiv lüüt, wo nur drum i das forum imechömed und glaub mer, das gits no viel meh anderi lüüt, wo au tagtäglich i das forum chömed zum idee hole und sammle und sich tips hole und wo nie öppis dri schriebed oder sich de anderne mitteiled, da lauft ja öppe ufs gliche use! mit dem muess meh eifach rächne, wänn meh da inne soviel priis git.... suscht müessteds für das forum nämlich en monatliche bitrag verlange, so dass au nur die chönd profitiere, wo au würklich interessiert sind und au was dezue biträged! aber so isch halt eifach s'läbe, die eine sind dankbar und vo de anderne ghörsch nie meh öppis...

mis chleid chostet trotz 25% immer no 3'135 franke! ich finds enorm tüür und voll über em budget, aber es isch definitiv s'einzige gsi, wo's bi mir eifach nur wow gmacht hät und wo ich sogar devo träumt han und darum han ich mich trotz em priis für das chleid entschiede.... klar, ohni die 25% wär mini schmerzgrenze definitiv überschritte gsi, aber so chani no demit läbe! trotzdem glaubi immer no, dass die ihri priise nöd nur minim aghobe händ sondern grad um einiges.... wil brüüt azoge häts garantiert meh als i anderne jahre! ich bin ehrlich gseit au nur go luege, wil ich de guetschii gha han und bin natürlich froh, bini gange!

muess aber dezue säge, dass de service und bedienig echt top gsi sind (hani au im chez janine so erläbt, hingäge la passion und pronuptia sind eifach nur schlächt gsi) und ich hoffe, das bliebt au so, wänni dänn mis chleid dörf go abhole....



Dee  am 18.09.2010

Re: Mery`s Gutschein gesucht

Ja de Merys isch halt scho eher i de türere Klass. Bin eigentlich au nur hii, wil i en Guetschii gha han. Aber ich han jetzt s gfühl gha, dass die Kleider wo ich probiert han, im Bereich vo dene im Liluca glege sind.... i anderi Läde bin i denn gar nümm go luege, wil i denn mis Kleid gfunde han im Merys. Bin au rächt zfriede mit em Service, hingege im Liluca bin i total enttüscht worde.

Weiss halt au nid, wieviel de Name rechfertigt zum türeri Priise verlange.....

die Krönung unserer Liebe am 4.6.2010 und 2.10.2010



elchalten  am 20.09.2010

Re: Mery`s Gutschein gesucht

ich find nachfrage hin oder her. mann muss doch nun wirklich nicht aus allem profit schlagen. fuer mich ist es ein geben und nehmen :-) es kommt doch immer etwas zurueck. manchmal frueher, manchmal spaeter. mir machts spass, wenn ich jemandem helfen kann, der andere dadurch geld spart, und nicht die horrenden margen der anbieter finanzieren muss...

ausserdem find ich, die preise vorher anzuheben, damit man dann solche aktionen durchfuehren kann, voll daneben. die verdienen sich ja immer noch ein heidengeld, auch wenn sie die 25% abziehen. das ist das selbe, wie die geschaefte, die beim ausverkauf jedes kleidungsstueck noch in jeder groesse und jeder farbe haben... hat doch nichts mit ausverkauf zu tun... tststs...

aber schluss am ende hat ja der kunde immer die freie wahl, ob er sich darauf einlassen will oder nicht. ich meide solche aktionen lieber - und warte auf ein angebot, wo man WIRKLICH sparen kann :-)

lg

.oO°Oo...Two Souls, One Heart. Two Hearts, One Love...oO°Oo.



 1 .. 10 11 12 13 14 .. 17

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.