Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Ich suche für unsere Hochzeit...    ›   Hochzeitsartikel    ›   Suche Guetzliausstecher Braut-Bräutigam
Suche Guetzliausstecher Braut-Bräutigam
 1 2
Piglet  am 12.03.2009

Suche Guetzliausstecher Braut-Bräutigam

Hallo zusammen
Wir hatten die Idee als Gastgeschenk an unserer Hochzeit Guetzli zu backen. Die sollten natürlich passend zum Anlass geformt sein. Am liebsten wären mir Ausstecher in Braut und Bräutigam-Form (können auch zwei separate sein natürlich) oder auch einfach Mann und Frau (so WC-Türen-Figuren-mässig).
Ich habe mir schon fast die Finger wundgegooglet aber alles was ich finde ist in Deutschland und wird nicht in die Schweiz verschickt.
Vielleicht hat ja jemand von euch eine Idee/Tipp/Hinweis?



fraztaz  am 12.03.2009

Re: Suche Guetzliausstecher Braut-Bräutigam

Hallo Piglet

Du häsch doch vorher so basteltipps gää. i denä bastellädä hei si mängisch o so förmli, viellicht dört mau fragä. oder imä huuswaarägschäft. i bi scho recht erstunt xi, was sii dert amigs so hei, wenn i öppis gsuecht ha.

übrigens: find i ä mega gueti idee!

Am 05.09.09 isch es sowiet!

Zuletzt bearbeitet am 12.03.2009



Frangipani  am 12.03.2009

Re: Suche Guetzliausstecher Braut-Bräutigam

Ja, die Idee isch voll cool! Was häsch dänn vor für en Teig z mache?



Miracle  am 12.03.2009

Re: Suche Guetzliausstecher Braut-Bräutigam

Hall Piglet.

Wie wärs mit selber mache mit ämä Set wod chasch chaufe für CHF 39.:

http://www.back-art.ch/new/page_product_...ber-Machen.html

Oder suscht selber Wiisblech kaufe und selber Forme schnide, büge und platt drucke.... äs bitzli handwerchliches Gschick und fertig sind diä Forme.

gits än Mailänderli-Teig oder än Nussige?



fraztaz  am 12.03.2009

Re: Suche Guetzliausstecher Braut-Bräutigam

he miracle da isch ja ä höllä gueti siitä. 2 puzzleteili wärid o no härzig oder d'ballerinä mit ..... s'passende mänliche hani nonig gfundä (viellicht em astronaut???)

Am 05.09.09 isch es sowiet!



fraztaz  am 12.03.2009

Re: Suche Guetzliausstecher Braut-Bräutigam

oder d'nussknackerfigur? ..... diä sind ja sogar no fasch günschtiger, wie wenn mes im ladä geit go chaufä.

Am 05.09.09 isch es sowiet!



Miracle  am 12.03.2009

Re: Suche Guetzliausstecher Braut-Bräutigam

Fraztaz: Gell isch cool...oder än Fuessballspieler, falls er eine..

oder

äs Doppelherz als Symbol für gmeinsami Liebe

oder

zwei Puzzleteile als Symbol "mir ghöred zämä"

evtl. kombiniere mit anderen Uusstecher



fraztaz  am 12.03.2009

Re: Suche Guetzliausstecher Braut-Bräutigam

ja isch super! i bachä drum o no gärn. i mues glaub gad d'bstellig ufgää

Am 05.09.09 isch es sowiet!



Piglet  am 12.03.2009

Re: Suche Guetzliausstecher Braut-Bräutigam

Hoi zäme

@miracle: merci för dä link, das esch genau das woni gsuecht ha, ha aber nor os Dütschland gfonde gha!

Klar, Puzzliteili wäre ou schön oder es Doppelhärz. Muess gloub mau no dr Brütigam froge was är derzue meint!

Ha dänkt öpis Schoggigs bzw. wenni zwöi verschedeni Forme mache öpis bruns ond öpis hells oder so. Mini Favorite sind jo Schoggi-Pfäffer-Guetsli, mhhhh...
Es dönkt mi ebe so Guetsli wäre doch emmerhen chli spezieller aus Hochzitsmandle. Ond ou gönstig zom mache (aus Brutpaar muess me jo schliesslech ofs Budget luege...)

E gse scho, es esch genau rechtig gsi die Frog do z'stöue, hihi...



surri  am 12.03.2009

Re: Suche Guetzliausstecher Braut-Bräutigam

Sali Ladys

I ha no e chline Typ für allin wo Guetzli backe wänd. I ha an unsere zivile Hochzit Tüfeli ( manne) und Aengeli ( fraue) backe. I ha sie als Tischchärtli brucht. Lueget das euchi Forme nit z'viel chlini Details händ di breche ggern ab. Trotz mehle. Also muend ihr viel Zit irrechne!

Cu Surri

tolli Idee


Glücklich verhürotet sit em 19.12.08 mir chönnes chumm erwarte 22.08.09



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.