Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Ich suche für unsere Hochzeit...    ›   Location    ›   Hochzeitslocation im Raum Liechtenstein/Sarganserland/Toggenburg für ca. 120 Gäste
Hochzeitslocation im Raum Liechtenstein/Sarganserland/Toggenburg für ca. 120 Gäste
 1
spatz5  am 15.02.2010

Hochzeitslocation im Raum Liechtenstein/Sarganserland/Toggenburg für ca. 120 Gäste

Wir sind auf der Suche nach einer Hochzeitslocation im Raum Liechtenstein/Sarganserland/Toggenburg für ca. 120 Gäste plus Tanzfläche.

Viele Lokalitäten, die wir angeschaut haben sind leider zu klein.
Wir brauchen einen Raum/Saal, in dem wir mit ca 120 Gästen essen und vor allem feiern können.

Kennt jemand eine solche Lokalität? Unser Wunschtermin wäre irgendwann Ende August, Anfang September... wenn die Daten noch nicht ausgebucht sind...
P.S. Am liebsten mit einer Möglichkeit auch draussen einen Apéro einnehmen zu können

Danke und allen eine gute Suche



silver83  am 17.02.2010

Re: Hochzeitslocation im Raum Liechtenstein/Sarganserland/Toggenburg für ca. 120 Gäste

hoi spatz5, han dier "üsers" resti. ich bin vor 2 johr am nä hz gsi mit 110 oder 120 lüt. das wer den zfoti 12-16 bi (isch würkli gad das fäst gsi, as hät fornä den no ä tanzbühni wo mä guet platz hät)
http://www.ilge-vilters.ch/pdf/ilge_praesentation.pdf

es hät dussä en schönä sitzpaltz vor em saal wo mä au go rauchä muess, da zresti rauchfrei isch. und zässä isch super fein, ich findä im priis au vollkommä ok und es hett no zimmer für gäst wo nid hei wön fahrä.

also fast vergässä es isch in 7324 Vilters und eifach nur zempfehlä!

Lg

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag



Carmile  am 17.02.2010

Re: Hochzeitslocation im Raum Liechtenstein/Sarganserland/Toggenburg für ca. 120 Gäste

hey spatz

mer machet jo üses hochzit bi wartau (10 min vo vaduz und 10 min vo bad ragaz entfernt, eigentlich gad zwüschet dene zwo ort) und zwor im restaurant heuwiese. üse apero isch im quellehof bad ragaz.

was ich soo liebend gern gha het, wär es schloss haldestei bi chur unde..http://www.schlossoper.ch/media/archive2...aldenstein.html isch sehr schön für en apero, oder e trauuig verusse. isch bi üs im juli aber leider scho usbuecht gsi.

was de wo ganz anderst isch, wär sschloss hallwyl. es wasserschloss im thurgau, das hetti au ase gern gha. aber ebe, au scho weg. i würd a eurer stell möglichst rasch was ussueche (bi üs sind sogar scho di junge, zwägä pfärrer weg in wil, währet 4 monat usbuecht a jedem sa. hallo??)

säg doch sus mol was er eu vorstelet, abgseh vode lüt. also vom stil her und vom pris..mer sind ide region liechtestei, bad ragaz, chur, quinte..recht umegfahre und chan dr. evtl. einige tipps geh. wönd er au no e kirche?

liebe gruess



spatz5  am 06.03.2010

Re: Hochzeitslocation im Raum Liechtenstein/Sarganserland/Toggenburg für ca. 120 Gäste

Hallo silver83
Danke viilmal für din Tipp. Mir händ üs das chli ahglueged, swär ä Option gsi, aber i Zwüschäziit häm mir sGfühl, häm mer än Ort gfunde, wo üs meh entspricht.

Hallo Carmile
Danke für dini Tipps. Bad Ragaz isch für üs bereits chli zwiit weg, vo det wo mer wänd (scho eher sehr i de nöchi FL oder Toggi). SReschti Heuwiese häm mir au scho ahglueged gha. Sisch zwar würkli irsinnig schön und sÄssä muss au de Hammer sii, aber mit ca. 200.- /Person für dLocation/Ässä/Getränk isch es für üs ztüür... mir händ zimli sicher 120 Gäst (iiglade sind rund 140).
Zu denne 200.- chunt ja denn no die ganz Deko, dMusik, dShuttleservice, etc.
Was ich nid gschribe han, mir händ rund 60-70 Persone, wo möglichst söttäd chönä i de Nöchi übernachte... und au das chunt no uf üses Budget...
Drum höm mir üs Budgetmässig uf 120.-/P. bis max. 150.-/P für Location/Ässä/Getränk entschide.
Ich wünsch dir no ä wunderschöni Hochziit!

Was mir no gfunde händ:

Im Toggenburg: www.sellamatt.ch
Sisch ä Alp und drum chli urchig, aber shetti sehr viel Platz, sie mached super Buffet, shät grad e Kapellä und Übernachte cham mer au vor Ort.

Im FL: www.lawenasaal.li
Än sehr schöne Saal für ca. 140P. Da muss mer aber alles no organisiere (Catering, Musik etc.)

Im FL: http://veranstaltungsstaetten.vaduz.li/p....aspx?roomid=22
Ballenlager: isch en grosse, schöne Saal für ca. 200P. Au da muss mer alles no organisiere.

Im Östriich: (grad bi Feldkirch) Schloss Amberg : www.schloss-amberg.at
Sisch es "Schloss", bez. miner Meinig nah eher ä Burg, aber sehr schön, mit eme grosse Garte und sie stelled es Zelt uf für ca. 140P. Mer chan alles über sie bezieh, sie organisiered eim alles.
Mir händ üs jetzt für die Variante entschide, vor allem, well mer möglichst nid viel wänd selber umerenne :-) Priislich isch es je nach dem was mer alles will, aber es liit definitv i üsem Rahme, dass heisst max. 120.-/P für Location/Ässä/Getränk... dä Rescht isch ja eh individuell.




peja  am 06.03.2010

Re: Hochzeitslocation im Raum Liechtenstein/Sarganserland/Toggenburg für ca. 120 Gäste

@spatz

restaurant gade im toggenburg isch viellicht no was.. www.gade.ch det chöntisch vilicht grad sganze restaurant miete, will äs isch nid soo gross, aber total gmüetlich.. vom stil her, wie halt ä gade isch.. slokal findi super!!

bi dä sellamett isch dä vorteil, das äs det grad äs kappelli hät..

oder dä alpenrose im toggi.. www.stumps-alpenrose.ch det isch sässe super, u äs isch au grad äs hotel.. villicht grad guet zum schlafe? wobi au vo dä sellamatt oder gade det i dalperose chasch gah zum schlafe..

grüessli



Flintstones  am 16.07.2010

Re: Hochzeitslocation im Raum Liechtenstein/Sarganserland/Toggenburg für ca. 120 Gäste

I merk grad, i muss glaubs mitem Schatz in nögschter Zit chli überall go ässe und go luege goh ... Weiss gar nit so richtig, wo mir möchted fiire. Eigentli hetted mir gern "üsers" Reschti gnoh, aber das chönti vom Platz her knapp werde. Mir sind zwar "nur" öppe 60 Lüt, aber i möcht au nit, dass mir zu eng müend sitze. Tanze wär au kein Seich .

Stump's Alperose isch gnennt worde... Cha mir do öpper bitz meh verzelle? Wie sind die priislich so? I ha eigentli nur guets köhrt vo dene, aber ha so bitz s Gfühl, dass es recht tüür chönti si. Isch nit so, dass mir s billigschte sueched, aber bruched scho au nit grad en Gourmettempel... Schön, gmüetlich und fein sölls sie. Und en Vorteil wär scho au, wenn mir und d Gäscht wo möchted, döte chönd übernachte.

Und kennt öpper vilicht d Sunne, z Wildhus??? Wobi mir scho bewusst isch, dass d Alperose türer isch. Hilfe, wär cha mir es paar Infos lifere?

Grüessli
Flintstones



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.