| Location Region Murten / Seeland |
|
|
1 2
|
benudle  am 19.09.2007
Location Region Murten / Seeland
Hallo zusammen
Wir sind auf der Suche nach einer geeigneten Location im Raum Murtensee / Bielersee oder so, kann auch Region Bern sein, müsste einfach ein schöner Saal sein.
Das Problem, wir heiraten am 7. Juni 2008, an diesem Tag beginnt die Fussball-EM, das heisst, vielerorts werden die Spiele auf Grossleinwand übertragen, das wiederum bedeutet, entweder sind die Räume ausgebucht oder in unmittelbarer Nähe gibt's jede Menge Krach.
Kann mir jemand gute Tipps geben, wo wir das Hochzeitsfest machen könnten?
Merci viumau.
Gruess, Beni.
|
|
|
Sibylle am 19.09.2007
Re: Location Region Murten / Seeland
Hallo benudle!
jitz simer scho drü wo am 07.06.2008 hürate es het nämli no e zwöiti sibylle wo ou denn hüratet
wettet dir de inä beiz oder süscht nöime mit party service
mir sy zum byspiel irä halle bim nachber bur mit partyservice!
dir heit d ringe scho usegläse? wie gseh sie us?
|
benudle am 19.09.2007
Re: Location Region Murten / Seeland
Hehe. Herrlech. Der 7.6. isch drum der Geburi vo minere Verlobte. U vorauem o es Datum, wo mir Manne üs chöi merke ;)
Nei, eigetlech wette mer eifach öppis ussergwöhndlechs, nid eifach ine Beiz sondern nöime ine Schüür oder e Hütte mit Partyservice (oder evtl der Nachbar la choche, dä isch Chuchischeff...)
Genau so wie Du's meinsch, hei mer üs das eigetlech o so vorgstellt.
Ringe hei mer scho, si extrem schön, halb rotgold, halb wissgold, bim Angi het's no e Diamant druf. Wük sehr schön.
|
Sibylle am 19.09.2007
Re: Location Region Murten / Seeland
chasch gäng luege wie langs no gehit bidene em countdowns
mi papi het o denn geburi u sie hei 1980 ou a däm datum ghürate heig zwar e chli grägnet aber nächst jahr isch sicher schön!!!!:
dä mit dr beiz inne hocke heimer ebe ou nid wöue darum ir schüür vom nachber bur, de chöi dje meiste heitorkle...
chunnt ou viu billiger vorallem d getränk chasch über d landi nä inkl. küehlwage und was nid bruchsch retour gäh.
kennsch e ke bur wo würd d schüür userume für äuä tag?
d ringe si sicher wunderschön.
findes no schön dass da mau e maa mitmacht! chapeau!!!!
|
benudle am 19.09.2007
Re: Location Region Murten / Seeland
Nei, Buur kenni kene, leider. He nu, mau luege, we sech de wük nüt würd la finge, de gö mer haut de uf e Güsche. Herrlechs Panorama uf die schönschti Stadt vo der Wäut... oder so... 
Hei ja zum Glück no es Momäntli Zit. Bi etz no am luege mit der aute Mühli z Deisswil, wär o no gediege dert.
|
Sibylle am 19.09.2007
Re: Location Region Murten / Seeland
de viel glück, ja gehit no e moment und glich wirsch gseh das gehit de gleitig verbi!
bern? bi drum e heiwehbärnere, wohne dr liebi d wäge sit 5 jahr im kanton solothurn!
lg usem bucheggberg
bi üs ir nächi hets e hof wo so hochzytsesse ire extra für das usboute schüür abietet in aetigkofen (buurekaff ufäm hogger obe)im internet gloub z finde unter "isch hof"!
|
benudle am 19.09.2007
Re: Location Region Murten / Seeland
ieu, i wohne o im kanton soledurn, aber i bi stadtbärner. wohne eifach da, wüu mini verlobti in züri u i in bärn büglet. aber bi froh, wenn i de ändlech wieder zrügg darf
merci vilmal, das glück wirdi bruche.
|
Nadine_TN am 20.09.2007
Re: Location Region Murten / Seeland
Hoi Benudle, mir hürote am 08.08.08 standesamtlich zArlese und am 09.08 kirlich in Ligerz. Mir hän sanschliessende Fescht in La Neueville im Jean Jacque Rousseau.....ich cha dir sage: e absolute Traum. Me chas Restaurant ganz miete (Saal plus Veranda) und isch direkt am See. Dr Saal isch mit ere Glasfront usgstattet und so het me ständig direkti Sicht uf dr Bielersee. Mir sind dört ane cho und sin uf dr erschti Blick total begeischteret gsi. Dr Saal verlangt allerdings e mind. Anzahl vo 70 - 80 Personen. Falls dir weniger sind hän sie aber no e separate Hochzitsraum, wo dr ganz Garte inbegriffe isch. Au wunderschön und vor allem sehr privat.......
Do isch dHomepage: www.jjrousseau.ch/index.php?id=20
Wer weiss, vilicht würd euch das genau so gfalle wie uns.......liebi Griessli Nadine
|
benudle am 21.09.2007
Re: Location Region Murten / Seeland
Hallo zämä
Merci für Öii Tipps. Ha etz mini Location gfunge, es isch die auti Mühli Deisswil. Eigetlech genau das wo mer sueche, e Ort wo mer chöi tue wie mer wei. Richtig geniau.
So, gange etz no es paar Täg uf Mallorca. När chumeni hei u am 5. Oktober geit's uf ds Standesamt.
Wünsche Öich allne e gueti Zit. Und sobald d'Fötelis vom Standesamt da si, ghei ig se uf üsi Websitte:
http://angiben.piranho.ch
Liebi Grüess, Beni.
|
Sibylle am 21.09.2007
Re: Location Region Murten / Seeland
guete morge, juhui frity!
fröit my dass dir s richtige gfunde heit. mallorca tönt sehr verlockend, nämet de chly wärme mit hei!
dir heit das jahr am 5.10.2007 scho ziviltrouig?
daniel & sibylle 19.01.01= 30.05.2008 / 07.06.2008
|
|
|
1 2
|
Anmelden
