Hallooo zäme!

Mir hei sit hüt üse Pfarrer, resp. ä Pfarrerin (?tönt komisch?) item, i bi henne froh dass das eso ribigslos klappet het, ha da inne scho gläse, dass teu henne müeh hei gha.

Üsi Trouzüge gäbe ou Vollgas. Isch u schön z xeh, dass si sech so fescht Müeh gäbe und offesichtlech ä riese Fröid dranne hei :-D

@Judith -
Genau, das bi ig wo i Pronuptia geit... aber haut ersch i 1.5 Mönet. Hoffe ächt i finge de öppis.. bi da no chli skeptisch!

Bis gliii,
Liebi Grüessli

Mir troue üs am 06.06.2009

• Zitieren

hallo zäme
freutmi vo andere Bärnerinne zläse, wo im 2009 hürate.

Mir hürate am 29.8.2009.

Im Moment si mir amene Restaurant suche (Umgäbig Thun oder Richtig Bärn). Üs hät zwar öpis gfalle, aber de müesstme ca. 60 min fahre, isch chli wit. Schüsch het üs no nüt würkelch überzügt. Die meiste Ort si so im bürleche-rustikale Styl und da gfaut üs äbe nid so oder de isches de grad es u tüürs u nobus Gourmet-Restaurant. Wie heit dir euches Lokal gfunde?

• Zitieren

nicht registriert

@chrissy

cha dir z.b. 2 buurehöf in sigriswil empfähle. fam. hans graber u fam. fritzt santschi. di beide mache hochyte uf äm hof. mir wärde bir familie graber üsi trouig ha. trinkhalle i interlake cha ig eifach vo der rümlichkeite u vor lag här vorschla.
fröie mi scho ganz fescht.

am 15. nov. ch ig de ändlich chleider go probiere, hoffe ig cha mi de entscheide.




mir hürate am 05.09.09.

• Zitieren

Hallo zäme!

Es isch cool, wie wyt dir scho aui sit mit plane. Mir hei wär mire Diplomarbeit no nid so viu Zyt gha zum Restaurants gah aluege. Darum freue i mi für aui wo scho so wyt planet hei.
I ha im Internet es schöns Restaurant gseh. Äs heisst Hotel du lac u isch z Därlige. Leider isch es für üs scho usbuechet gsi!
Danke a aui wo mir scho Vorschläg gmacht hei!
Si haut immer no uf der Suechi!

• Zitieren

Hi!

Jetz hei mer doch no e Lokalität gfunge zum Fiire! Mir gö is Gwattzentrum.

Geschter hett mi mini Schwöschter überredt, gah Chleider z probiere! I hätt nie dänkt dass das so viu Spass macht! I gloub mis Chleid hani scho gfunge!
I gah de im Januar no einisch gah luege, wiu i nid zu früeh es Chleid wott, faus sich bi mir no viu veränderet!
So, Mädels, i mäude mi wieder ab und hoffe dass bi euch aues guet louft! Mir hei bi aune Entscheidige no e chlei müeh üs z einige!

Üsi Trouig isch am 25.7.09 ufem Schiff
Ziviu düe mer sehr wahrschinlech a mim Geburtstag hürate!

• Zitieren

@Izzy
i hürate am 25.07.2009 its sueche mir ou no es catering für zapèro. mir wärdes grad diräkt vor drchile mache-am thunersee. hesch du scho öpper gfunde wo chasch empfälle? i welere chile tüet ir hürate?
grüessli Lena

• Zitieren