| Berner-Hochzeiten 2009 |
|
|
1 2 3 4 5 6 7
|
Chrissy  am 21.10.2008
Re: Berner-Hochzeiten 2009
Hoi Zäme!
Dr Seepark hei mer o in Erwägig zoge, aber im Gwattzentrum isch es grösser und i wott direkt a See chönne gah! Eifach super!
Na ja, jetz si mer a der Gästelischte, wo auso viu Diskussionsstoff wird si!
Da mir ufem Thunersee mit em Schiff wärde si, düe mir dört s Catering in Aspruch näh!
Mir gö nid id Chile, wiu mi Verlobt das gar nid wott. So hani haut gseit, de düe mer ufem Wasser hürate!
Ä Fotograf wei mer o no sueche. Är sött aber nid so tüür si. Musig hei mer dänkt, dass mer e DJ organisiere. D chame d Lutsterchi no chli istelle!
Mini Kollegin hett ds Catering vom Migros gha. Leider isch aues scho chli abgstange gsi, aber nid so schlächt. I weiss süsch kes Catering.
Liebe Gruess
|
|
|
aengeli  am 21.10.2008
Re: Berner-Hochzeiten 2009
Hallo zäme
Mir hürate am 3. Juli 2009 im Zivilstandsamt Burgdorf (das heisst, we üs de niemer meh dr Termin vor der Nase wägschnappt, aber i bi da guter Dinge).
Aber süscht hei mr im Fau no grad gar nüt planet, da mrs no gar nid so lang definitiv wüsse. Sythär bini täglich am hirne, wo mr ächt ds Feschtli söue mache, wo genau ds chline Apero grad nach dr Trauuig, wass i de söu alege ( i wett trotz "nur"ziviler Hochzyt glich irgendwie in wyss...) etc etc. Vor luter herrje chani chum meh schaffe düre tag 
Aber da verzeue ig Euch sicher nüt nöis...
Grüessli, Aengeli
|
Chrissy am 21.10.2008
Re: Berner-Hochzeiten 2009
I gloub i bi o sehr schlimm mit em verzelle. Vilicht gah i viune ufe Geischt wenn i vor Hochzyt rede!
Mini Trouzügin hett gseit, mi Verlobt söu nid mit cho s Chleid ussueche. Wie machet dir das?
I wott vor em Schiff aber no gah Föteli mache (Paarföteli)!
|
aengeli am 21.10.2008
Re: Berner-Hochzeiten 2009
chrissy i verstah das, im moment chönnti anduurend übers hochzyt rede.. zum glück gits ja das forum hie... mir göh enand wenigstens nid ufe närv 
i dänke, we du di schatz gärn wettisch mitnäh, de darfsch du das.. das chunnt doch geng chli ufd istellig drufah.
|
Chrissy am 21.10.2008
Re: Berner-Hochzeiten 2009
I gloub i bi o sehr schlimm mit em verzelle. Vilicht gah i viune ufe Geischt wenn i vor Hochzyt rede!
Mini Trouzügin hett gseit, mi Verlobt söu nid mit cho s Chleid ussueche. Wie machet dir das?
I wott vor em Schiff aber no gah Föteli mache (Paarföteli)!
|
Chrissy am 21.10.2008
Re: Berner-Hochzeiten 2009
Warum chunnt das no einisch?
Na ja, i bi o froh um das Forum. De chame mou luege, wie guet mer ir Zit si!
Wie machet dir das mit em Chleid ussueche?
|
aengeli am 21.10.2008
Re: Berner-Hochzeiten 2009
I gah dänk mau mit mire trouzügin allei gah ussueche, oder besser gseit, gah ussondiere. Aber nid, wüui mi Fründ nid wott mitnäh, sondern wüu är i so Läde e Krise bechunnt, weni mi stundelang dür kleider due wüehle. Aber weni nur ungfähr weiss, i weli richtig dass di ganzi Kleideruswahl geit, de nimi ne de glich mau no mit, wüu i gärn wett, dass si Azug de ou zu mim Chleid passt irgendwie..
Dir syt sicher besser ir Zyt aus mir... mir hei no fascht nüt.. wüu mr ja grad erscht agfange hei, und no nid gnau wüsse, wie wo was...
|
Chrissy am 21.10.2008
Re: Berner-Hochzeiten 2009
Du, ds Wichtigschte hani immer gseit isch ds Schiff und ds Restaurant. Aues angere isch doch no planbar.
I gloub mis Troumchleid isch das woni us erschtst inegschloffe bi. I gah sicher no mit de Trouzüge gah luege, aber i gloub nid, dass i no es bessers finge!
Mir si uf Huttwil gange, i Mode MInder. D Beratig isch super gsi! Empfählenswärt!
|
aengeli am 21.10.2008
Re: Berner-Hochzeiten 2009
Dert gahni de sicher ou no häre. (Aber ersch so im januar, müesse no paar kilo wäg ) Hesch di g achtet, hets dert ou ganz schöni, schlichti kleider. Da ig zur zivil hürate wetti äbe nüt wo zfescht pompös isch... irgendwie hani da ganz konkreti vorstellige, und de hani aube angst, dassi nüt finde wo mine vorstellige entspricht...
|
Chrissy am 21.10.2008
Re: Berner-Hochzeiten 2009
Ja, es hett schlichti Chleider. I ha nämlich eigentlich o so eis gsuecht. Schlussändlich hani glich es pompösers gno zum luege wies geit. Das isch aber ds Beschte gsi, nid zum dänke!
Bi mir isch o es Fitnessprogramm am Starte! 2-3 mal pro Wuche. De sötte sicher no 5 Kilo abe!
|
|
|
1 2 3 4 5 6 7
|
Anmelden
