| Bräute 2013 |
|
|
1 .. 1853 .. 3703 3704 3705 3706 3707 .. 3732 .. 3757
|
himbeer  am 28.09.2016
Re: Bräute 2013
danke für eui tipps, das tönt super! ich glaub ich mach e mischig us schinkegipfeli und öpis selbergmachts. nochli gmüesdip und den isch ja no de chueche und s süesse, wird bestimmt für all öpis ha.
so min junior cha jetz endli selber ufsitze und machts au regelmässig, immerhin knapp vorem 1. geburtstag. er isch würkli ganz en gmüetliche, hahaha
|
|
|
elea am 03.10.2016
Re: Bräute 2013
guete morge zeme
das tönt cool met de Schieferplatte snet musch denn es beld schecke ;)
himbi, mer hend au sone chlii maa wos gar ned presant het gha :) esch au "erst" knapp vorem erste geburi ghöcklet. und met laufe heter sech au zit glo bes 16mt. me het das gar ned gstört. so escher no länger mis chline chrabbel Baby gsi  
ganz e doofi frog, esch de geburi vom chlline shco das wochenend gsi oder stoht de nor bevor?  sorry, ha secher weder schlecht glese 
|
snet am 04.10.2016
Re: Bräute 2013
Hallo Miteinander
@elea: Ja und die Schieferplatte ist echt der perfekte Abstellort für Gläser & Co!
Also M. hat damals mit 7 Monaten gesessen, aber gelaufen ist er erst mit 15 Monaten und ab 11 Monaten ist er einfach immer selbst aufgestanden und wusste nicht mehr weiter :-)
@himpi: Also die Fotos von den Süssigkeiten an der Geburiparty waren ja schon mal mega!
|
himbeer am 04.10.2016
Re: Bräute 2013
ich finds eigentlich au super so und mega entspannt. er isch wenigstens immer öppe det wo ich ihn anetue, haha. er chunnt zwar erstunlich wiit mit rutsche und schiebe. d ärztin wott ihn jetz aber glich scho i 3 mönet namal gseh anstatt i 6. er zieht sich ebe au nirgends ufe aber ich glaub, er isch eifach nonig uf die idee cho, haahahaha
|
himbeer am 04.10.2016
Re: Bräute 2013
ou und ja, er hät gester geburi gha
@snet: die süssigkeiten waren der hammer! sein grossmami hat einen kuchen bestellt und meine schwester die cupcakes, mega toll!
|
elea am 05.10.2016
Re: Bräute 2013
guete morge zeme
wiso wet si ehn denn i 3 mt nomol gseh?
i ha do recht en entspannte chinderarzt. er macht noll druck wege laufe und jez wegem rede. so chani Emmer as antwort ge wenn öper frog wiso er nonid vell redet "de k-Arzt seit sig oke so  "
oh so schön und wi eschs der so gange a sim erste geburi? besch bez wehmüetig worde?
mer gönd höt as RHCP Konzert und am fritig flüge mer scho ed ferie. freu mi scho mega
|
Lilly4  am 05.10.2016
Re: Bräute 2013
hallo ihr liebe!
so ich meld mi au mal wieder  hoffe es gaht allne guet!!
snet, leider hani e absag übercho :-/ han 2 stellene offe gha, die eint hätti chöne ha, hät mer aber leider nöd sooo mega zuegseit und die ander hätti sofort agnoh wenni e zuesag becho hätti, han dänn aber ebe e absag becho... janu, hät eifach nonig gegesietig gstumme :) geschter hani aber grad wieder öpis entdeckt hihi...
elea, gönder am fr id ferie? soo cool!!! scho packt? und hüt abig wünschi eu dänn ganz viel spass am konzert 
himbeer, was hät där dänn dä chinderarzt gseit? eifach nur daser eue chli schneller wieder möcht gseh? muesch nur luege, uf eimal machter dänn alles uf s mal und chasch gar nüm nah mit luege
bi eusere chli wäri vor wär sie nöd so abentür luschtig sie kennt nüd!!!! aber ich dänk liet sicher au da dra will sie no en grössere brüeder hät und vieles vo ihm abluegt...
|
sonne13 am 05.10.2016
Re: Bräute 2013
huhu zäme!
schick auch wieder mol es liebs grüessli lies ab und zue mol aber ich weiss alle gar ned was schriibe - offebar hani es stinklangwiiligs läbe
eusi chliine sind vor churzem scho 2 worde! es goht soooo schnell verbii! mängisch wirdi no bitz wehmüetig, aber süscht bini voll happy mit euser chliine family! s alter vo de beide isch eifach bombe, sie reded wie büecher, singed us voller kehle und hend uuuuh freud a de spielchuchi und ihrne bäbi. det ghörsch di denn alle wieder sälber rede wenns vorem bäbeli höckled und säged: was es ned guet, hmm? oder: muess ned anst ha, de doktol es e liebe, dä macht nüd. tued nol es müüli luege und id öhhli... usw - do chönntsch es buech schriibe. ich finds herrlich!
ah jo, 2-johreskontrolle hend mer au gha. euse nimmts also sehr easy und ged ned viel uf so teschts. er frogt gwüsses zügs und frogt eim, ob mer mit de entwicklich zfriede isch. ich bi no froh. und will eusi mädels immer schreied bim arzt hed er zerscht plüschtierli undersuecht, mega härzig!
sodeli, ich muess cho wieder! macheds guet und für die wo hend: schöni ferie!!!
|
himbeer am 10.10.2016
Re: Bräute 2013
hoi mitenand!
ja ich bi selber au total entspannt, ich weiss au nöd warum d ärztin ihn namal wott gseh i 3 mönet. sie hät gfrögt öb er scho lauft und ich ha gseit er chrücht ja nonig mal und er zieht sich halt au nonig a de möbel uf oder so. sie hät nur gmeint "ja er hät ja no 6 mönet ziit". ich gseh ja das er motorisch immer fortschritt macht und de wird denn scho laufe, da hani gar kei angst. ich finds eh komisch, ich ha immer gmeint laufe mit 12 mönet seg eher früeh und jetz tüend all so als wärs total normal das chind mit eis chönd laufe und weiss ich was alles no... ich säg immer er konzentriert sich halt ufs esse und plappere, haha. au wenn det no nix verständlichs usechunnt
|
Lilly4 am 10.10.2016
Re: Bräute 2013
hallo zäme
himbeer, super bisch so relaxt und lahsch där kein druck mache! ich find ebe au mit 1 laufe isch eher frühe... dä luis isch zwar 1 wuche nach sim geburi richtig, allei gloffe aber mis mami z.b. hät mer au gseit das es bi mier bis zum 16te monet gange isch, däfür hani au schnell und viel gschnäderet :-) hät jede sini stärchene und vorallem sies eigene tempo! beiflusse chamers ja eh nöd gross, sie machets wenns sowiit sind... isch aber no luschtig, dä luis und t estelle händ in etwa bi allem öpe s gliche tempo :) ich ha aber au s gfühl dass die zweite allg bitz schneller sind, wills halt au scho gwüschterti zum abluege händ
|
|
|
1 .. 1853 .. 3703 3704 3705 3706 3707 .. 3732 .. 3757
|
Anmelden
