| Bräute 2013 |
|
|
1 .. 1870 .. 3738 3739 3740 3741 3742 .. 3750 .. 3757
|
himbeer  am 12.06.2017
Re: Bräute 2013
hallo zäme!
mir händ es sehr schöns weekend verbracht, de chli und ich händ sturmfrei gha und händ viel schöns zäme gmacht :-) ha au e hochzitspause gha, das hät au guet tah. nächst weekend hani e trauig in savognin, da nimmi mini manne aber mit und mir chönd hoffentlich nochli d berge gnüsse, freu mi scho!
|
|
|
elea am 12.06.2017
Re: Bräute 2013
guete morge zeme
schön Emma hender so tolli Ferie gha. all gsund weder hai cho und guets wetter hend ehr au gha! was wet me meh? :)
du besch scho recht em Endspurt langsam demfall  gohts der aber emmerno guet oder henkts der langsam es bezeli ah? besch ja au scho em 3te Trimester!
merci, mer gohts sehr sehr guet rad! Noll Bechwerde und füehl mi super :) be die 24igste ssw. vori grad no Kontrolle gha und em Baby schiints tiptop zgo. gnüsses au grad sehr. s velle zabble und gingge em buch fendi eifach s beschte am ganze schwanger si  
schaffsch du jez no bes zode geburt Emma oder hesch scho ufghört/reduziert?
ou savognin so schön himbi. ja wend scho det besch amene wochenend, passt ja das super wenn ehr de grad en Familie usflog chönet drus mache? gönder de zobe weder zrog oder pfuse der dete?
|
Emma13 am 12.06.2017
Re: Bräute 2013
Cool himpi, gnüssets demfall in Savognin!
Elea, ja het würkli guet ta und s isch ebe glich no schön wenn mär die letzte Ferie zdritte bewusst chan gnüsse, di nöchste werdet denn zvierte sii Wenn gönd ihr uf Dänemark?
Danke, gaht mär tiptop, chan mi zum Glück überhaupt nöd beklage, hoffe s blibt no lang eso. Ich schaffe no mini 50%, gaht au no ganz guet, han jetzt aber im Gschäft gseit dasi no bis Mitti/Endi Juli wird schaffe und denn aber gern möcht ufhöre, möcht scho no (im beschte Fall) es paar Wuche für mich ha bevors denn losgaht, hoffe dasi denn au es Arztzügnis überchume 
Oh wie schön, freut mi sehr dass so zwäg bisch und s Würmli guet wachst und scho so aktiv stramplet ihihi wunderbar die Trittli, ich gnüsses au mega, grad geschter Abig hani so müesse grinse, de Chlii het uu lang de Hitzgi gah und min Buch het nur no grüttlet  wie fassts din Chline/Grosse uf? Verstaht er scho dass es Baby chunt?
|
himbeer am 12.06.2017
Re: Bräute 2013
mir blibed ei nacht dobe, freu mi scho :-)
oh so schön zghöre, dasses eu beidne bzw. vierne guet gaht.
ui mir sind letzt wuche no bim architekt gsi für es ersts meeting. es isch super gsi und ich bi 200% sicher, das mer eus für de richtig entschiede händ... aber meingott, da wird no einiges uf eus zuecho a planig, ziitufwand und natürlich finanziell... uiuiuiiiiii
|
elea am 12.06.2017
Re: Bräute 2013
ja das denki ebe au Emma. nomol ganz bewusst z3te weg esch mega schön! freu mi au fest druf. mer flüget übernöchst sonntig ab. also i bez weniger als 2 Woche. freu mi scho mega. obwohls mer no so wit weg schiint well bes denn no so vell lauft und los esch... Termine em Büro etc...
schön klappets no so guet met dine 50% ja verstohni au dass den au mol aber wetsch ufhöre. eifach de nomol au zit ellei metem chline (bald grosse) verbringe. und halt eifahc bez d ruhe vorem sturm gnüsse du grad e frog. hesch jez du bide 2te SS (nomol) en geburtsvorbereitskurs bsuecht? mer hend bim erste mol en crahs kurs gmacht hends jo denn aber ergendwie gar ned brucht weggem KS. aber mini FA meint i sell eine bsueche. Fends aber ergendwie total unnötig. wi hesch du das gmacht? 
hesch demfall d trittli au so gern? geht ja au serig wos ned ooo gern hend i wets das am liebschte nonstop ha :) geht eim au Emmer so es guets gfüehl wenn me weiss dass no alles oke esch metem chend.
i glaub er tscheggets recht guet. er duds Baby vell umarme und metem buch kuschele. wet au Emmer gspühre wenns Baby dud gengge. und er vo au vell vo sech a vom Baby rede, wasi natürli mega herzig fende. wenn mer zb zeme bade seit er dass s Baby au dud met eus bade oder das s Baby au met ed ferie chunt blibt nomeno z hoffe dass er denn emerno freud het wenns denn au do esch aber emmerhen hanis gfüehl er tschegget das es en veränderig geht.
be de au ganz gspannt wis bi euch wird si! de V. het ja au so mega freud a sim brüederli so widu amigs verzellsch!
ou himbi so schön mache der ganz es ganzes wochenened drus gönder de ines Hotel oder neme der en feriewohnig?
ui so spannend geht's demfall jez weder witer metem huus! super hesch so es guets gfüehl bi euchem Architekt. das esch goldwert!
öber was hender denn jez scho so gredete? eifach so bez was er alles wend ha und er macht jez mol di erste Planige und zeichnet mol bez grundriss. oder vo foht me do gnau ah?
|
himbeer am 12.06.2017
Re: Bräute 2013
elea, ich ha mer vor eusem termin au nix chöne vorstelle. ich ha gwüsst, das er so erkundigunge igholt hät bi de gmeind etc, aber mir sind denn det acho und sie händ scho es gländemodell baut gha, mega viel skizze gmacht und so... anhand vo sine erste skizze händ sich denn bi ihm scho frage ergeh wo mer det versuecht händ z kläre... also so richtig konkret isch no nix, aber sie gäbed uf all fäll mega gas.
mir händ eus im vorfeld mega viel gedanke gmacht, was mer wänd und was nöd. jetz lueged mer mal, was realistisch isch... haha
Zuletzt bearbeitet am 12.06.17 13:48
|
Emma13 am 12.06.2017
Re: Bräute 2013
Elea ohh demfall au scho bald, gnüssets denn ganz fest ihr 3 inkl. Buchbewohnerli
Genau, möcht gern eifach no es paar Wuche Ziit ha zum abefahre und de Chlii no ganz allei gnüsse, wenni drah denk das er grosse Brüeder wird und denn au bitz chürzer trette muess, wirdi grad emotional... die cheibe SS-Hormon
Nei, ich han kein Geburtsvorbeitigskurs meh bsuecht, hans jetzt au nöd für nötig empfunde. Han ide erste SS eine gmacht und de au recht informativ gfunde aber ganz ehrlich, während de Wehe denksch denn wohl au nöd zrugg und machsch und schnufsch wie's ders dete erklärt hend  und ich denke als Zweitmami weiss mär jetzt ja, abgseh vode Art vo de Geburt, wie was meh oder weniger lauft, wenn also nöd so Lust druf hesch, denn glaubi langet de Crash-Kurs vom erste Mal und dini gsammlete Erfahrige als Mami.
Oh ja ich gnüsse die Trittli au sehr, obwohls amigs scho fast bitz weh tuet
Jöö so herzig eue Chlii, denn freut er sich ja scho richtig, sone herzigs Alter findi zum d SS vom Mami miterlebe, er wird ganz sicher en stolze grosse Brüeder mine frögt scho ganz ungeduldig wenns denn endli August isch, s isch doch jetzt langsam warm worde!! (han ihm immer gseit, s Baby chunt im August, wenns denn warm isch und sunnig  )
|
Lilly4  am 12.06.2017
Re: Bräute 2013
hallo ihr liebe
meld mi au no schnell schnell bevor mer use gönd
emma, eui ferie tönet wunderschön und sehr erholend und au daser da no e wuche gha händ und dänn no mit viel sunneschii - perfekt 
elea, so herzig freud sich eue chli au scho so uf s baby wie dä v. vo dä emma stell mer das ganz süess vor und i ca. 2 wuche gahts au scho los id ferie? juhu bi eus isch es scho am sa. so wiit und sött no einiges bsorge + termine hani au no... gsehns jetzt scho, t wuche wird flüüge und scho hockemer im auto richtig toscana hihi
ui himbeer, händs grad chli vollgas gäh? hehe aber mega ufregend! wenn isch dänn eue plan das es fertig sött wärde? ich wär ja sooo überforderet mit all däne entscheidige
sodeli, wünsch allne en schöne nami
|
snet am 12.06.2017
Re: Bräute 2013
Sorry, nur kurz... ich bin zuhause und warte. Es ist langsam recht unangenehm und ich habe öfters Schmerzen, die aber irgendwie nicht wirklich geburtsfördernd sind... und das in der 40. ssw. So, ich lege mich wieder hin :-)
|
elea am 12.06.2017
Re: Bräute 2013
tönt so so spannend himbi! und natürli mega wie sech euche Architekt müeh geht! wi gseit, das esch vell wert wenn me merkt me esch ned eifach projekt EFH nr XY!
ich verstoh din voll Emma. de gedanke dra dass denn de (jezno) chlii bez muss zrog stecke macht mi au bez trurig. aber i hoffe i chane denn so guet wi möglich ibezieh, aber mer werde gseh wis denn effektiv esch :)
cool, merci för din imput. ha ebe au sgfüehl s ganze Infant-handling chunt de scho weder före. und ebe hend mer scho ganz vell gseit dass bide Geburt under de wehe denn automatisch machsch was der am beste goht und esch ja denn au no en habemme det wodi bez chan füehre. guet, denn spari mer die zit unds Geld :)
s einzige wasi weder mache eschs SS-yoga. ha das s letschtmol so gnosse und esch so entspannend gsi dasi denkt ha ich wet mer das weder gönne :)
oh yoh dasch mega herzig ja esch Emmer so schwer ehne probiere z erkläre wie langs no goht, si hend jo ke ahnig vo mönet etc. ja aber wi du seisch es esch wörkli schön wisi d SS wohrneme und wenn er em Baby zb musig vorspellt denn schmerz mis herz eifach nomeno
s "beschte" hetter neuli brocht: e kolleg vo eus het ehn gfrogt ober sech ofs Baby freut und er denn bejot. und wo de kolleg witer gfrogt het was er denn metem Baby wet spele wenns do esch seit de chli "Baby abschloh" ke ahnig vo wo er das het, und i be mer secher er weiss au gard ned was da heisst, aber mer send gstorbe mer hoffe jez natli glich ned das ers macht
aber genial was för seich si jez amigs scho uselönd
oh lily ehr mönd nomeno e Woche warte? so toll musch lueeg die Woche wird flüge :) freued sech di chline 2 scho fest ufd ferie?
hey snet! schön vo der zghöre! hm vellecht sends ja geburtsfördern und es goht scho es bezeli öpis? wer weiss! dröck der emo fest dume dass d Warterei gli ome esch . send ehr fang all 3 bez ungeduldig oder Nemes dini manne dehai locker?
|
|
|
1 .. 1870 .. 3738 3739 3740 3741 3742 .. 3750 .. 3757
|
Anmelden
