Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Bräute 2013
Bräute 2013
 1 .. 1868 .. 3733 3734 3735 3736 3737 .. 3747 .. 3757
Emma13  am 03.04.2017

Re: Bräute 2013

Hihih himpi han din Biitrag erst jetzt gläse... du au mit dine 100 Mails... viel Spass

Ohh Dubai, glaubi dases schön gsi isch, hender chli chöne Sunne tanke.. ihihi Rambazamba im Flugzüüg, bin au gspannt wie euse Flug nöchst Monet lauft, da de Chli jetzt uf de eigeti Sitz muen, mir flüget denn ca 3 Stund



himbeer  am 03.04.2017

Re: Bräute 2013

haha emma, häsches au gschafft? ich bi scho wieder ferieriif nachem erste tag zrugg im büro. aber ich has au nur halb so streng gno wieni hett sölle.

oh ja ihr sind ja zügled, so toll! mir händ eus inzwüsche für en architekt entschiede und händ agfange mit de planig, hani eu das scho verzellt?

mir händ ufem rückflug de trick 77 agwendet, hät funktinioniert; ich ha zwei sitz buecht und eine i de mitti freiglah und de isch denn au tatsächlich frei blibe, also hät de chli glich en eigne gratissitz gha. wenn mer nächst mal flüged im oktober ischer aber au scho 2 und denn hät er ja eh en eigne sitz. bi scho gspannt wie er sich det benimmt, aber es isch mer denn au glich denn gahts nur 90 minute oder so.



Lilly4  am 03.04.2017

Re: Bräute 2013

himbeer, ha t fötelis gseh uf fb, mega cool! isch es heiss oder sehr heiss gsi? mir sind im summer 2013 gsi, hät eus erstuunlich guet gfalle und s shoppe det wür gern wieder mal gah! ohje das mitem flüge händ mir au gha, extrem mühesam gsi :-/ ABER chan di viellicht bitz beruhige, mit 2i gahts scho besser isch bi eus zumindescht so gsi, womer mitem luis gfloge sind woner knapp 1 gsi isch - horror!!! nöd gschlafe, nöd chöne still sitze ... aber letscht jahr mit 2 und em eigete sitz isch es suuuper guet gange händ sogar beidi dä flug dur pennt - herrlich das jahr werdet mir im juni mitem auto gah, aber im auguscht dänn au wieder flüge

hey so cool händer eu für en architekt entschiede! wie gseht dänn die wiiteri planig us? so ufregend!! ich wär aber glaubs maasslos überforderet mit däne vielne entscheidige womer muess träffe

emma, mega schön sinder jetzt i dä neue wohnig und hät alles so guet klappet!! und au dass dä vale guet gschlafe hät die wohnig häts eifach MÜESSE si



elea  am 04.04.2017

Re: Bräute 2013

guete morge zeme

lily, du bi eusem chline froge au u vell ob er es meitli esch. obwohl i ehn wine bueb alegge und er au e buebe Frisur het. aber er esch halt im gsecht sone fiine
ui beni grad froh vo der au zghöre dass dini plazenta no witer ufe esch! :)

ou himbi Dubai? soooo cool!!! i wörd ja au gern met de Familie go (be bes jetzt erst einisch met de kollegin gsi). aber be au bez zkeptisch wege de längi vom flug. bessch vell zom schoppe cho? :)
hender es Hotel gha oder en feriewohnig?
ou ja, jetzt wods lily seit, wie gats jez witer met de planig vom huus? mache jez d architekte mol ertsi entwurf oder wi lauft das ab?

Emma, hey so toll esch s zügle so ribigslos und schnell gange! scho henders gschafft und jetzt chasch di voll ufs Baby zimmer irechte störze

danke, ha ja mol gschrebe met de Übelkeit esch besser. tja zgfrüeh gfreut die letscht Woche esch di schlemmscht gsi bes jez. so bald i au nor e mandle is muul gno ha hani gmeint mer treits de maage um aber deför eschd Energie bez zug cho, das esch ja schomol öpis wie gohts der? eschs besser blibe bi der?

phu ja das leidige Kita Thema.... gester hemmer e grossi telefonier aktion gmacht und allne Kita die umgebig aglüte. entweder seges sofort ke platz, si wörde eus ufd Warteliste due und chöne aber ned sege wi lang das es goht. oder si hend 30-40% mindestufenthalt die Woche. mer wend ja nur en tag (20%). meh liit finanziell ned dinn.... und all wo vode Stadt subventioniert sind send volll UND hend e mindestufenthalt vo 30%
s coole esch ebe, well mini schwögerin mer am wochenend gseit het si foht ab mai ah weder 60% schaffe und vo denn ah bruchti sis s grosi (aso si hets natürli ned met dene wort gseit). und mer chönte ja euse chlii ebe zo ehne brengt. ha jo verzellt das ei weg ca 30min esch (ergo i wörd 2h am tag hin und her fahre). und ehres huus esch absult ned chliichind grecht (gar ned sicher). jetzt het min maa gester en gueti Idee gha, er het gseit, sell si doch ehres Baby zo eus bringe. mer hend (bes ofd windle) alles för es Baby (spellsache, bettli, wippe, chrabbeldecki, chleidli). und i be mer sogar sehr sicher das s grosi wörd s Baby dehai bi ehre abhole und met ehre zo eus fahre (liit för si nemli grad uvem weg). wenn si fair wer denn miech si das met. send ja nor wege ehri i dere doofe Situation! so chönte mer d zit zo mim muetterschaftsurlaub überbrucke und denn chliich endi johr of es plätzli i eusere favorite Kita hoffe. ja i luege jetz mol ob si das metmacht..... phhhuu füehl mi di ganz zit so gstresst wege dere unglöste Situation....

Emma musch de verzelle wis gange esch met flüge jetzt woner sin eigete sitz het! be gspannt ob das besser lauft als ovem schoss oder ob si det erst recht wend ometrune



himbeer  am 04.04.2017

Re: Bräute 2013

lilly, s wetter isch perfekt gsi! so zwüsche 28 und 34 grad aber immer mit chli windli und s wasser isch no im erste moment sochli uf de chüehle siite, also würkli no e abchüehlig. mir häts perfekt passt so. go shoppe sind mer gar nöd ehrlich gseit, mir sind ebe nöd in dubai selber gsi sondern imene andere emirat und drum nur ein tag id stadt go sightseeing mache. nächstmal würdi natürli no en tag zum shoppe iplane, hihi.

mir sind imene hotel gsi elea, für chind würkli super. aber s nächst mal würi es andres neh wo chli nächer a de city isch. so fürs erst mal isches aber perfekt gsi und drum au biz günstiger als dubai selber, hani mir säge lah. ich finds e gueti destination für familieferie. de flug isch jetz grad a de grenze gsi mit eusem energiebündel, aber ich glaub gern dasses besser wird wenns wieder chli älter sind.

hui wägem huus, tja mir sind jetz mal d grundlage am aluege bzw. de architekt. also er hät de grundbuechuszug bstellt und luegt bauordnig ah vom grundstück, nachher werded mer mal zämehöckle zum die erste details bespreche bzw. händ mer recht viel scho überleit und ihm scho mal e liste mit eusne idee geh. ich bi froh dass mer jetz öpper händ wo eus chli seit wies wiitergaht ;-)

die kitasituation isch würkli mega doof elea, das würd mer au ufem mage ligge. aber dini idee tönt eigentilch guet, da cha dini schwägerin ja fast nöd nei säge.



snet  am 05.04.2017

Re: Bräute 2013

Guten Morgen Miteinander

@himpi: Ferien mit Kind sind halt schon anders und etwas anstrengend, dass mussten wir auch lernen Wir hatten zum Glück 2x einen Gratissitzplatz, aber ich empfand es trotzdem als anstrengend. Dieses Jahr werden wir die Ferien wohl ausfallen lassen.

@lilly: Ich habe nun noch viele Kleider an der Kinderbörse gekauft, da war schon auch viel in Rosa/violett dabei, aber auch in gelb, beige, etc. Ich werde mal schauen, was ich so anziehen werde.

@Emma: Schön ist der Umzug so reibungslos verlaufen! Dann war ja diese Wohnung echt für euch bestimmt. Ich schaue gerade auch nicht mehr wegen Wohnungen, die neue Aufteilung der Wohnung ist ziemlich gut so. Wieviel Miete zahlt ihr denn für die "Eigentums-Wohnung"?

@elea: Also ich finde die Idee deines Mannes wirklich gut! Wieso sollten denn alle einen Umweg machen nur wegen deiner Schwägerin, wenn die Lösung so einfach wäre. Ich würde schon auch auf die favorisierte Kita gehen...

@me: Wir hatten wieder Untersuch und nun liegt das Kleine "richtig". Weiss gar nicht wie damit umgehen, da ich schon Angst vor einer normalen Geburt habe.



Emma13  am 06.04.2017

Re: Bräute 2013

Mooorge zäme

Himpi oooh cool, eui Ferie tönet super! Und perfekt das ihr eu für en Arichtekt entschiede hend, uf wenn isch de Huusbau plant?

Ja mir sind ja scho mal gfloge wo de Chli scho 2 gsi isch und en eigene Sitz gah het, zum spiele und esse isches guet gange aber zum schlafe het er glich zu mir in Arm wele, denn hani eifach wieder nach somene Gurt gfröget, denke das wird au jetzt keis Problem si.

Elea aaaach nei, dummi Übelkeit!!! Das tuet mär mega Leid, wünsch der ganz fest dases bald verbi isch. Bi mir isches dasmal ja au bis ide 18.ssw gange aber jetzt endgültig verbi. Hender eui Familie und Fründe mittlerwile igweiht? Wie hends reagiert? Oje, scho chli müehsam mit dere Kita-Situation, het nöd denkt dases so ewig langi Listene gitt... aber find d Idee vo dim Ma au guet, wür ja meh Sinn mache als umgekehrt.

Snet mir zahlet jetzt zimli gnau 2600.- inkl. 1 Garageparkplatz, eigentli no recht human für was d Wohnig alles zbüte het, mir hend sogar en Gschirrspüeler wo d Restziit vom Wäschgang uf de Bode projeziert ahah unnötig ich weiss aber würkli alles High Tech und bi eus ide Stadt sind d Priise uu höch, ebe Eigentumswohnige chan mär gar nöd aluege (zumindest nonig i eusem Alter) und d Mietprise sind Standart 2600 - 2800.-, findi scho recht übertriebe. Ja amigs muess mär eifach grad s richtige im richtige Moment gseh, wenns bi eu jetzt grad passt, denn pressierts ja au nöd. Oh schön, lieht di Chlii jetzt richtig, ich verstahn dini Sorge, wenn der ä Spontangeburt überhaupt nöd chasch vorstelle, denn chasches vilicht mit dim FA bespreche, ide Regel gönds ja uf Ängst vom Mami i.



elea  am 10.04.2017

Re: Bräute 2013

guete morge zeme

ja shoppe met emne chliine chind esch amigs au ned sooo luschtig wie wenn me zb met enre kollegin chan go

jo flog esch jo gleb scho 4 oder 5 h of Dubai, ned? do hetti gleb jez no Respekt metem chline so "lang" go flüge". aber esch ja generell Emmer es Lotto. si chöne en guete tag ha oder en schlechte

be gspannt wis bi euchem huus witer goht. haltisch eus bez uvem laufende? ;) ui ja das gluabi,dass froh besch hender jez öper wo bez seit was als nöchst astoht.

snet, mache der gar ke ferie meh vor de Geburt? bzw nemmt denn din maa ferie nach de Geburt?

jez hesch ja zom glöck no 2mt zit zom di bez em chopf uf en spontani Geburt vorzbereite. aber wenns der wörkli so schwer fallt wördi mol met enre Hebamme rede. eifach ehre dini ängst erkläre. mini Hebamme het mer mol gseit, Geburt gieng Emmer eifacher wennd müettere wösse was i ehrem körper passieri. eifach das si ned vo allem so öberrumplet send. und plane chame ja sowiso nüt wenns um Geburt goht eventuell helft der ja au das hypno birthing buech, wod Emma empfohle het, bez zom eneri rueh finde?

Emma, weiss ja ned wo ehr wohnet, aber för en neui wohnig MIT garageplatz fendi 2600.- agmesse. chostet bi eus au so vell. geht sogar 3,5z wohnige för 2800.-

ja mer hends de Familie gseit. sini Familie het aso ned vell dergliche do. ha aber au nüt anders erwatet, hend mi vell vorgwarnt dass sech d begeisterig bim 2te zrug haltet. deför het sich mini Familie sehr gfreut. aber i minere Familie werde au bez meh emozione zeigt wi i dere vo mim maa

d betreuuigs Situation gseht Moment so us be eus... ha ja das mini schwögerin vorgschlage, dass si ebe ehrli chli zo eus sell bringe. de seit si, ja winis wörd fende wenn mer eus wörde Woche wiis abwechsle. sprech, einisch brengt si ehres chend und einisch mer euses. zom einte fendis frech dass si vo mer verlangt dass ich all Woche hin und her fahre, si baer ned zo dem bereit esch. und au wenn euse bueb nor all 2 Woche bi ehne esch, esch ja ehres huus chlich nonid chendersicher.
i ha de mol met minere schwimu gredet, ond si esch bez sauer of mini schwögerin worde well die ehre gegenöber emmerno kes wort gseit het wenn si weder wet go schaffe ond ob si öberhaupt wet of 2 chend ufpasse. i be die gsi wo mini schwimu informiert het. denn het mini schwimu zo mer gseit "mer esch egal was si macht. i be jede zischtig bi euch so lang wi ehr mech bruchet. si muss selber en lösig för ehri probelm fende"
jetzt esch mer eigentli scheiss egal was mini schwögerin macht. mini schwimu luegt secher no bes ich de mueterschafts Urlaub ha und das esch s wechtigste för mech. ha de au minere schwögerin nöm gschrebe. wenn si weder chunt segi, chasch dis chend dohe brenge wend wetsch, aber i fahre ned 1m, wel mis chend esch schliesslech versorgt
jetzt hemmer au schön zit zom luege för es Kita plätzli oder met mim mami, well mer das jo de erst afang nöchst johr bruche. :)



Emma13  am 10.04.2017

Re: Bräute 2013

elea ja d Mieti isch definitiv agmesse, d Priise sind zum Teil au bi eus no einiges höcher findi echt schlimm! Mir hend jetzt s Glück gah, dass das ältere Ehepäärli wo d Wohnig kauft het, sich für ihri Wohnig e jungi Familie gwünscht het (s isch au imene Chindsgi/Schuelquartier) und drum de Mietpriis extra eher tüüf ghalte het, also würkli mega mega fair.

ihihi jöö schön het sich wenigstens dini Familie so gfreut

Phuuu das isch ja en Kampf mit dinere Schwögerin... also scho mal super dass dini Schwimu so offe und ehrlich gsi isch und sich für eu isetzt, das isch ja super und eso fülsch di wenigstens nöd im Stich glah und chasch uf sie zelle. Also finde au dass sie s Baby zu eu chan bringe, s gitt wohl gnueg gueti Gründ warum's eso besser isch. Verstahns aber dass so Situatione eim chönd belaschte, mär wett ja nöd weg so Sache müesse striite... Hoffe sie isch denn au iverstande.

Mir hend sones tolls Wuchenend gah, das Wetter isch ja herrlich gsi, hends mega gnosse



himbeer  am 10.04.2017

Re: Bräute 2013

so mädels, ich bi au wieder im land! ha es lustigs weekend in belgrad verbracht. leider isch s wetter nöd ganz so toll gsi wie da, aber mir händ e gueti ziit gha! ich glaub de chli isch gester chli bös gsi mit mir, er hät mi gar nöd gross begrüesst woni zruggcho bi. und die nacht isch sehr schlecht gsi, er isch eifach 2 stund wach gläge. ich ha aber ghört es seg die nacht no bi vielne schlecht gsi, wägem vollmond. händ ihr öpis gmerkt?

ich halt eu gern ufem laufende mitem huus, uf jede fall händ mer scho die erste rechnige übercho... es tuet sich also öpis, hahaha.

oh ja das isch super mit dinere schwimu, elea. richtig erliechternd, das z läse. ich finds au biz komisch vo dinere schwägerin, dass sie gar nonig mit ihre gredet hät? sehr speziell.



 1 .. 1868 .. 3733 3734 3735 3736 3737 .. 3747 .. 3757

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.