| Passwort vergessen?
Sie sind nicht angemeldet.  Anmelden
Bräute 2013
 1 .. 1868 .. 3734 3735 3736 3737 3738 .. 3746
10.04.17 14:09
elea 

Re: Bräute 2013

wow Emma, das esch ja mega hend euchi vermieter extra en jungi Familie welle und de priis dementsprechend tüüf agsetzt. geht nöm vell so soziali lüt :)

ja i be au öper wo gar ned gern Konflikt het wi du seisch, be froh loht eus mini schwimu ned lo hocke ond i muss mer jez nöm de chopf wege dem zerbreche.

ou ja s wetter esch genial schön! hoffe es blibt jetzt es paar Woche so schön. so balds de weder 30grad esch, eschs mer de scho weder z heiss

wie gohts der eigentli so? musch no vell vorbereite för euches chline büebli? hender eigentli scho en Name oder Sender no am studiere?


ou yeah himbi besch z Belgrad gsi!!! hammer! i be letscht jahr gsi und ha die Stadt gliebt! wet so gern weder mol go! schad henders metem wetter ned so breicht! hender au so vell gesse?
ui ja mach der ke chopf, woni 3 täg weg gsi ben het de chlii chum de chopf nach mer ufdreiht woni cho ben. hamer das aso ganz anderst vorgstellt
mer hend nüt gmerkt wegem Vollmond. muss aber au sege dass er sech generell momentan streubt zom is bett go, aso eschs domme due bi eus dehai nüt speziells

10.04.17 14:45
Emma13 

Re: Bräute 2013

Himbi du glücklichi, bisch ja immer unterwegs! Schön hesches gnosse. Oje isch er chli beleidigt gsi und het dich drum extra wele wach bhalte? Nei, mir merket de Vollmond eigentli nöd bi eusem Chline bzw. chanis nöd ufs schlafe zruggfüehre...

elea, hoffe die Situation löst sich glii emal.

ihih nei, 30 Grad bruchi jetzt au nöd aber so schöni Früehligstäg, da chönti mi drahgwöhne.. find das so gmüetlich. Aber ufd Ostere gsehts ja leider scho wieder nüm so guet us

Danke, s gaht mär tiptop, han eigentli Null Beschwerde, chan mi überhaupt nöd beklage nur findis amigs schad dasi d SS nöd so chan gnüsse, eifach will di 2. SS so "nebet bii" lauft, hans ide 1. viel bewusster chöne gnüsse und jetzt ligi am Abig amigs im Bett, gspür es Trittli und denke "ouuu ja, du bisch ja au no da" s isch eifach zviel Action tagdur dasi mir bewusst chönti defür Ziit neh. Defür isches mitem Grosse grad uu schön, er freut sich mega fest ufs Baby und mir suechet alli zäme no nacheme Name er tuet sich aktiv mitbeteilige und das isch halt scho mega herzig das er d Schwangerschaft so guet chan miterlebe. Mite neue Wohnig bini au d Kinderzimmer vode Chind neu am irichte, s brucht aber no chli Deko und Schniggschnagg. Wie gahts dir? Übelkeit?

10.04.17 17:27
himbeer 

Re: Bräute 2013

hihi ja ich ha bis am fritig au nöd gwüsst, dassi uf belgrad gang, mir mached ja immer sone überraschigsstädtereis und das isch d destination dasjahr gsi. ou ja s esse hani fantastisch gfunde, mir händ usschliesslich sehr guet und vorallem au sehr günstig gässe. ich denk aber zums würkli gnüsse sind mer chli zfrüeh gsi, im summer isches sicher richtig schön. jetz häts halt no gregnet und viel so restaurant dusse und die boot am fluss sind no zue gsi. aber trotzdem sehr es cools weekend gsi.

haha ja genau elea, er hät chum de chopf dreht. hät mer schochli en stich geh. aber ich glaub er isch würkli beleidigt gsi dassi ihn dihei glah ha, wie d chatz amigs. er isch ebe au no chli am chränkle gsi am weekend mit fieber, so laht mer sis chind eigentlich nöd gern zrugg, aber er isch ja i de beste händ gsi.

12.04.17 08:23
snet 
Re: Bräute 2013

Guten Morgen Miteinander

@Emma: Ja, das ist ja wirklich ein guter Preis für so eine Wohnung! Wir bezahlen etwas weniger als ihr, aber haben auch keinen Einstellhallenplatz. Ich dachte aber, dass ihr nicht in der Stadt wohnt oder täusche ich mich? Bei uns in der Stadt muss man für eine "anständige" 4.5 Zimmer Wohnung schon mit 2'500 rechnen, es gibt aber auch günstigere Angebote, aber dann ist man halt eher in den weniger tollen Quartieren.

@elea: Nein, ich habe keine Ferien mehr bis zum errechneten ET. Ich hoffe mal, dass ich dann ab Juni nicht mehr arbeiten gehen muss... Aber irgendwie mag ich nicht so recht bei der FA jammern. Ich habe noch viele Ferientage, aber die will ich nicht einfach schon vor der Geburt aufbrauchen. Mein Mann ist ja sowieso selbständig, er kann ja "Ferien" beziehen, wie er will, resp. wir führen gar nie Buch darüber (über Stunden oder Ferien).

Ich werde nach den Osterferien mal einen Termin mit der Hebamme abmachen. Hypnobirthing ist gar nichts für mich, auf so "Gspürsch-mi" Sachen kann ich mich so gar nicht einlassen.

Schön, dass die Betreuungssituation sich entspannt hat. Ich finde es schon lustig, dass die Schwägerin ständig Forderungen stellt, aber noch nicht mal das Gespräch mit der "Betreuuerin" sucht.

@himpi: Ich war vor ein paar Jahren in Belgrad um Ostern und mir hat es auch sehr gut gefallen. Es war aber auch sehr schönes Wetter.

@me: Wir haben heute Hochzeitstag.

18.04.17 08:23
himbeer 

Re: Bräute 2013

happy hochzeitstag, snet

du, ich bin auch überhaupt nicht der "gspürsch-mi" typ und hypnobirthing wäre wohl auch nix für mich gewesen, ich hab aber das buch "der achtsame weg durch schwangerschaft und geburt" gelesen und das hat mir echt geholfen. es geht in erster linie um wahrnehmung und atmung, ähnlich wie im yoga, das hat mir gut gefallen. vielleicht magst du mal reinlesen, insbesondere die ersten kapitel fand ich sehr hilfreich. ich hab meine ausgabe leider gerade ausgeliehen.

18.04.17 15:44
elea 

Re: Bräute 2013

hallo zeme

haha Emma, eusi hüetti Situation het sech wörkli plötzli glösst. mini schwögerin het ja ehri chlii au ned welle zo eus fahre und jetzt plötzli chan ehre maa sin frei tag glich schiebe komisch he jetzt cha mini schwimu no schön luege bes zode Geburt und för nöchst jahr hemmer jez zit zom e lösig fende :) be froh hani bi dem seich ned metgmacht und het sech jez alles ufglöst!

Emma dunkts di ned au, wenns der schlecht goht die SS denn besch der de Schwangerschaft vell meh bewusst, als wi wend ke symptom hesch? jetzt woni ke Problem meh ha met Übelkeit goht d SS eher mol vergesse wie denn woni Emmer dra "erenneret" worde ben :) oder hesches du ned so gha?

soso schön wi sech euche chlii aktiv a allem dud beteilige. er freut sech secher scho fest das es en bueb geht? oder wers ehm egal gsi wenner es schwöschterli becho hetti?


ja stemmt himbi, hesch glaub au scho vo euchne überraschigs reisli verzellt. fendi en mega cooli sach!
ja guet und günstig chame esse z Belgrad, dasch nüt em verglich zo do! d boot am fluss send genial. send det au mol ine Club of somene boot. hammer gsi :)
aber ebe deför zahlsch die nebesaison secher au no bez weniger före flug und förs Hotel. het alles vor und nochteil.


nei snet, döfsch secher ke ferietäg bruche vor de Geburt! und musch ja au ned jammere bide FA. die froge doch amigs scho vo sech us obd wetsch reduziere bim schaffe. emo mini het ab de 28ssw Emmer gfrogt wis goht metem schaffe. und sehr wenigi fraue schaffe bis Zode gbeurt äne. esch normal das e einisch nöm mag. vorallem bide 2te SS! und du hesch ja de Termin im Juni. hetti gleb jede verständniss wend scho em mai würdsch ufhöre! lueg eifach so wid magsch und wis för e stemmt!

no nochträglech alles gueti zom 3. Hochzitstag snet! hender öpis speziells gmacht?


ou himbi, din buechtip nemmi mer au grad z herze! tönt ganz spannend!


hoffe ehr hend alli schöni Ostere gha und hend d Freitäg chöne gnüsse!?
mer send leider bez dehai gfesslet gsi. de chlii het en übli mage-darm gha! esch so wit gange dass eus de chenderarzt i Notfal gschickt het. de chlii het 10h nöme bislet. si hend ehn aber ambulant chöne behandle und mer hend am gliche obe weder hai chöne. er het tagelang nome kotzet und mer hend em akord putzet. esch ganz übel gsi jetzt chunts nömme obe use sondern unde use. aber emmerhen chaner weder wasser trinke und bez ässe esch bez schad gsi wege ostere, wel mer natürli ned hend welle das er öper asteckt, hemmer niened he chöne zode Familie.
gemäss Ärztin sigs momentan ganz schlemm met mage-darm bi chender. send ehr bes jez verschohnt blebe?

19.04.17 11:25
snet 
Re: Bräute 2013

Hallo Miteinander

@himpi: Danke vielmals. Ich weiss eben gar nicht, ob ich überhaupt irgendetwas lesen soll. Habe ich ja bei M. auch nicht gemacht, weder Erziehung, Schlafen noch weiss ich was...

@elea: Ok, ist ja sehr speziell mit der Schwägerin. So ein Riesen Theater um nichts aufzutun... Verstehe ich also nicht ganz. Wollt ihr trotzdem die Kita Anmeldung machen?

Also ich werde jeden Tag an die SS erinnert, weil es so in meinem Bauch rumpelt

Ich war letztes Mal beim Untersuch in der 30. SSW und das Thema wurde überhaupt nicht angeschnitten... Und ich weiss auch gar nicht wie das angehen. Ich möchte einfach nicht noch im Juni zu Kundenterminen gehen.

Danke, wir hatten aber schon den 4. Hochzeitstag. Wir waren in der Hochzeitslocation essen.

Das klingt ja gar nicht gut mit der Magendarmgeschichte. Zum Glück habt ihr euch nicht auch noch angesteckt! M. war einfach erkältet und nun hat es mich getroffen, bringe meine Erkältung seit 1 Woche nicht weg, ist etwas mühsam.

19.04.17 16:43
elea 

Re: Bräute 2013

hahahaha, ja wer rechne cha esch em Vorteil. send ja scho 4 johr her

ja hesch aber au metem M. alles super easy gha. hesch di guet erholt vom KS, super esser, super schlöfer. wa hetsch der do welle för tips hole?

ja aso da wege de kundetermine musch secher em Chef sege. und wen jez merksch dass nöm magsch schaffe, seisch de fa "i mage nöm schaffe". das chasch ganz ohni jommere sege. de schribt si di chrank und guet esch :)

20.04.17 08:54
Emma13 

Re: Bräute 2013

Hoiiii zäme

@snet ah nei, mir wohnet nöd ide Stadt Züri, eifach imene chlinere Städtli 20min vo Züri aber s het sich da so gmacht ide letzte Jahre, grosse Coop, 2 Migros, Manor, H&M etc., neui Quartier sind entstande und halt super Verbindige zu Züri dases halt recht tüür worde isch zum wohne, defür aber au sehr konfortabel

Ich verstahn, dass langsam nüm möchtisch schaffe, denke das sötti ja au keis Problem si, dass es paar Wuche vor ET chasch chrankgschriebe werde. Muesch ja nöd jammere aber halt eifach säge dass nüm so magsch und froh wärsch wenn denn und denn chöntisch ufhöre. Ich han ide erste SS sehr e taffi FÄ gah wo nöd so eifach Zügnis usgstellt het, han aber glich 4 Wuche vor ET dörfe ufhöre und das het mir würkli uu guet ta. Hoffe dasi dasmal au ca. im Juli chan abschlüsse.

@elea phuuuu was für es Züg mit dinere Schwögerin das ganze hin und her... aber hey, hauptsach s het sich jetzt erledigt, und es tönt jetzt super so. Hoffe s blibt au debi und das ihr das endli chönd als abgschlosse aluege.

Ja du hesch recht, wo's mir no schlecht gange isch, isches natürli presenter gsi, jetzt gahts mär au guet und willi halt de ganzi Tag beschäftigt bin, hani gar nöd würkli Ziit zum drahdenke, isch wohl au normal. Aber jetzt gspüri s Chline langsam stärker und das isch uu schön. ihihi ich glaube am Chline isches zimli egal öbs es Meitli oder Bueb gitt, er freut sich eifach ufs Baby und seit jetzt scho das er ihm denn d Autöli gitt zum spiele und so... ihihi nimmt mi Wunder öbs denn so blibt wenns uf de Welt isch

Ou nei, das tönt nachere heftige Magedarmgripp bi euem Chline, das tuet mär leid, s isch amigs uu schlimm bide Chind, hoffe ihm gahts besser und ihr werdet verschont. Mir hends das Jahr au scho gah, sind mal im März alli zäme es paar Täg nachenand chrank gsi, churz aber heftig.

So, allne en schöne Tag.

02.05.17 16:57
snet 
Re: Bräute 2013

Hallo Miteinander

Es wurde ja schon lange nichts mehr geschrieben.

@elea: ja, 4 Jahre schon! Unglaublich.

Ich habe meine FA heute gefragt in wiefern ich mich auf die Geburt vorbereiten soll. Sie findet den Himbeerblättertee gut, haltet aber nichts von der Dammmassage. Den Epi-No findet sie auch gut, aber das möchte ich eigentlich nicht machen. Und sonst findet sie auch nicht, dass ich mich detailliert damit auseinandersetzen muss.

Sind bei euch alle wieder gesund?

@emma: achso, ok. Ja in ZH ist halt alles etwas teurer. Habe sogar letztens eine Wohnung in Küsnacht ZH ausgeschrieben gesehen und 3.5 Zimmer für 2'700 fand ich schon viel.

Ich wünsche mir irgendwann noch eine grössere Wohnung, bin aber überzeugt, dass sich in ein paar Jahren etwas ergeben wird.

Hehe, meine ehemalige FA war krass drauf, sie hat mich bis zum Schluss nicht krankgeschrieben. Trotz zig Beschwerden.

@me: also ich hatte heute mal wieder einen Arzttermin und es ist alles in Startposition. Ich muss nun noch 5h pro Tag arbeiten, auch weil mir oft schwindlig und übel wird. Damit ist auch sichergestellt, dass ich nun nicht mehr auf auswärtige Kundentermine gehen muss. Noch 6 Wochen bis zum ET.

 1 .. 1868 .. 3734 3735 3736 3737 3738 .. 3746
wirklich   natürlich   eigentli   Zuletzt   himbeer   einfach   Problem   langsam   schaffe   Zeremonie   Kollegin   irgendwie   vorallem   gspannt   Hochzit   eigentlich   schnell   natürli   richtig   bearbeitet