Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Bräute 2013
Bräute 2013
 1 .. 1871 .. 3739 3740 3741 3742 3743 .. 3750 .. 3757
Emma13  am 12.06.2017

Re: Bräute 2013

Lilly ja du seisches, isch würkli entspannend gsi obwohl mär ja mit 3 Kiddies unterwegs gsi sind, isches erstunlich guet gange und mir Eltere (+ Kollege) hends au gnosse. Hey cool, isches scho sowiit bi eu? Gönder 2 Wuche? Wünsch dir demfall en erfolgriichi Wuche, dass no alles magsch durebringe wo'd möchtisch und den ganz tolli Ferie.

Huiii snet, du machsches spannend, denn hoffi doch dass d Wehe glich scho geburtsfördernd sind und ihr scho bald eues Baby dörfet willkomme heisse

Elea, ja gäll s wird sicher chli en Umstellig sii mit zweine, stell mi mal uf e strengeri Afangsphase ii aber denke das wird sich denn gli mal ipendle (hoffes zumindest )

Ja gsehni au chli so mitem Geburtsvorbereitigskurs, merksch denn sowieso mal schnell während de Wehe was guet tuet und was weniger. Oh super gönnsch dir s Yoga wieder, hesch scho agfange? Ich han dasmal irgendwie nöd so Lust dezue gah, alli Kürs voni ide Umgebig gfunde gah han weret erst am spötere Abig gsi und irgendwie magi gar nöd so am Abig extra irgenwo hi zfahre drum lahnis blibe, wird mär aber glaubs no es paar SS-Massagene gönne, die sind für mich s letzt mal e Wohltat gsi

Ahahaha nei jetzt hani so müesse lache so lustig, ab so Ussage chan mär sich amigs fast nöd erhole so herzig, er wirds denn scho nöd würkli mache



elea  am 21.06.2017

Re: Bräute 2013

hallo zemme

send all die badi und die ferie dass do so totenstille herscht? ;)

d lily esch ja mittlerwiile au die ferie! lesischs zwar nöm, aber hoffe ehr hend en super zit und gnüsseds ganz fescht :)

Emma, merci för din tip betreffend geburtsvorbereitigskurs. be froh z ghöre dass du au seisch es esch bim 2te mol nöm nötig.

ui ja das verstohni, wenni scho dehai wer und extra nomol use müsst zom ergend e kurs zmache werri au ned so motiviert. s yoga esch jez no gäbig welli grad direkt nachem schaffe chan go und wells au grad neben gschäft esch. so chomi de eifach bez spöter hai. es dud so guet, eifach zom bez abefahre und relaxe. körperlech hanis gfüehl nötzt gar nüt d Lehrerin schonet eus mega :)

ui SS-Massage tönt ganz toll! wo gosch das go mache? zomene Physiotherapeut oder ines spa?
und wie gohts der öberhaupt jez met de hetz und em grosse buch? magsch es no verträge?

so, i ha jez au no de letscht nomitag woni schaffe, denn send entli ferie :9 am sonntig flüge mer ab uf Dänemark. freued eus scho sehr :)

wönsche euch allne e ganz e schöni nomitag!



Emma13  am 22.06.2017

Re: Bräute 2013

Hoi zäme

Ou, jetzt bini wohl langsam allei bliebe, alli ide Ferie oder am Mamiglück gnüsse

Elea, ja das isch natürli mega praktisch wenn s Yoga so chasch kombiniere, tuet sicher guet au bitz abschalte und sich bewusst ufs Baby chöne zkonzentriere. S letzt mal hani d SS-Massage inere Ayurveda-Praxis gmacht, mega entspannend gsi... han sogar immer en feine Tee dezue übercho muess mal en Termin abmache für im Juli.

Phuuu die Hitz setzt mär mega a... han ja scho es September-Baby gah aber de Summer det isch ja wettertechnisch gar nüd gsi, bzw. Topwetter für Schwangeri dasmal merkis scho recht, zum Glück hani (no) kei Wasserilagerige, hoffe das bliebt mär wieder erspart. Wie gahts dir?

So schön, gnüsset eui Ferie ganz fest, bin scho gspannt was denn zbrichte hesch, sicher uu lässig und chinderfründlich Dänemark. Gueti Reis und denn ganz schöni Ferie

Snet, isch s Baby mittlerwile da? Hoffe ihr sind scho fest am kuschle und wenn nöd, dases sicher nüm allzu lang gaht...

Zuletzt bearbeitet am 22.06.17 15:23



snet  am 23.06.2017

Re: Bräute 2013

@elea & lilly: geniesst eure Ferien!

@emma: ich bin immer noch am kugeln. Aktuell SSW 42... du kannst dir ja etwa vorstellen wie es mir dabei geht. Bei mir haben die Wehen eingesetzt, aber nach 24h gab es trotzdem keinen Fortschritt. Nach Medikamentengabe sind sie dann ganz abgeklungen. Ich muss bald zum KS, habe also keine Hoffnung mehr auf eine normale Geburt.



himbeer  am 26.06.2017

Re: Bräute 2013

@snet: herzliche gratulation noch auf diesem weg

@elea: schöni ferie, gnüsseds!

@emma: ich bi no da bis endi juli, muess nochli warte uf d ferie. aber ich freu mi au scho mega und swetter isch ja super gsi bisher zum au da chli bädele.



Lilly4  am 04.07.2017

Re: Bräute 2013

hallo zäme

ich hoff es gaht eu allne guet? sinder s schöne wetter am gnüsse?
mir sind au scho wieder zrug vo eusne erschte ferie... händ e wunderschöni wuche i dä toscana verbracht... wird mit sicherheit nöd s letscht mal gsi si sehr z empfehle

snet, au nomal vo mier herzlichi gratulation zu euere chline muus! ich hoff es gaht eu allne guet und isch alles sowiit guet verloffe!! ganz e schöni kennelernziit



snet  am 04.07.2017

Re: Bräute 2013

Hallo Miteinander

@emma: wir waren auch in keinem GVK. Irgendwie fand ich den letzten schon unnötig. Hast du mittlerweile aufgehört mit Arbeiten?

@elea: ich hoffe ihr habt ganz viel Spass in Dänemark. Und ja, wir waren tatsächlich ständig in der Badi :-)

@lilly: bei euch gab es sicher viel Pasta & Vino. Wir würden auch gerne in die Ferien gehen, aber irgendwie trauen wir uns das noch nicht zu. Dafür nächstes Jahr und Ende Sep gehe ich noch mit einer Kollegin ein paar Tage weg.

@me: F. ist nun schon 10 Tage alt. Im letzten Moment haben noch die Wehen eingesetzt, leider endete es aber trotzdem in einem KS und das nach vielen Stunden Wehen. Die Kleine macht es gut und ist fast so pflegeleicht wie der Grosse, sie hat einfach ein grosses Bedürfnis nach Nähe.



himbeer  am 05.07.2017

Re: Bräute 2013

schön, von euch zu hören, snet, und super, dass es euch allen gut geht

mir händ d ferie no vor eus, ich freu mi sehr! muess jetz vorher aber no recht gas geh ;-)



Emma13  am 07.07.2017

Re: Bräute 2013

Hoi zäme

Lilly oh so schön hender so super Ferie gah, freut mi für eu! Und jetzt s herrliche Wetter da gnüsse, au nöd schlecht

Snet au vo mir nomal alles Gueti zude Geburt vo eure Tochter! Oje chan der demfall nahfühle mit KS nach stundelange Wehe... aber trotzdem super hend d Wehe schlussendli glich spontan igsetzt und eues Baby het sich s Geburtsdatum selber dörfe uswähle. Freut mi hender eu scho so guet iglebt z'vierte.

Nei ich schaffe no mini 50%, gaht eigentli au no tiptop. Min Chef isch di nöchste 3 Wuche ide Ferie und denn isches scho nöd schlecht wenn ich no da bin. Endi Juli würi denn aber scho gern ufhöre, das wäret denn gueti 2 Wuche vor ET.

Allne e schöns Wuchenend!



elea  am 12.07.2017

Re: Bräute 2013

guete morge zeme

snet, au of dem weg nomol herzlichi Gratulation zom chline schätzeli! si esch zockersüess und i freu mi fest för euch dass es so guet lauft! au mega schön wi de M. freud het a ehre. zo recht

himbi, ou so schön ehr chönet emmerno d vorfreud ofd ferie gnüsse :) musch no vell vorbereite?
oder Sender sogar scho weg? (chome nöm noche wer wenn fort esch )

Emma, ben grad baff dass du no magsch 50% schaffe! mer henke d nomitäg jez scho langsam ah. ha de Emmer röggeweh glaube ned dassi mag die volle 3 täg schaffe bes 2 Woche vor ET wie du! du besch taff

mer send letscht DO zrug cho vo Dänemark! und mer hend di schönschte ferie gha (set mer z 3te send)! s erste mol wo niemert chrank esch die ferie euses feriehüsli esch en traum gsi, reese garte, schwede ofe und rengsome wald. erholig pur. hend so vell chöne underneh wells so vell lässigi Sache geht det wome chan met de chline mache. ei tag vor de ferie hemmer zwar no e chline notfall gha, well de chlii metem Laufrad umgheit esch und sini lippe zwösche de zähn gha het. het es rechts loch ge, aber zom glöck ohni näihe, aber e schöni chrieger narbe hetter jez und chum semmer dehai gsi het eus de altag grad weder packt. bi eus die Region hets am samschtig so gstürmet und alles öberschwemmt, set den esch mi maa im durisatz metem RFO und chont amigs nor die nacht för 5h hai zom schlofe und douche. schluchet ehn mega und mech welli di ganz zit ellei be metem chline hette all grad weder ferie nötig

so gnue ego-post jez wünsche euch allne e ganz en schöne tag und hoffe ehr freuet euch au so wini öber di gmässigte temparature. du, Emma emo secher gell



 1 .. 1871 .. 3739 3740 3741 3742 3743 .. 3750 .. 3757

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.