Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Bräute 2013
Bräute 2013
 1 .. 1871 .. 3740 3741 3742 3743 3744 .. 3751 .. 3757
himbeer  am 17.07.2017

Re: Bräute 2013

guete morge mitenand!

ich muess no e wuche durehebe, mir gönd de kommend samstig id ferie. ha no 3 arbeitstäg im büro vor mir woni eifach ALLES no muess mache und ufgleise und denn hani no 2 täg zum poste, packe und putze... und natürli no die nächste hochzite nach de ferie vorbereite, hihi

bi drum grad chli im schuss....



snet  am 18.07.2017

Re: Bräute 2013

Hallo Miteinander

@himpi: Ich wünsche euch ganz tolle Ferien! Wohin geht es eigentlich?

@emma: Ich muss schon sagen, dass diese Wehen schmerzhaft waren. Ich hätte nicht gedacht, dass es doch so weh tut und ich habe erst nach 7h eine PDA gekriegt. Ich habe damals auch 2 Wochen vor ET aufgehört, aber es wurden ja dann noch etwas mehr Tage draus. Aber ich war oft in der Badi, habe das echt genossen.

@elea: Schön habt ihr eure Ferien so genossen! Wie seid ihr denn eigentlich nach Dänemark gereist? Auch mit dem Camper oder seid ihr geflogen? Wie sieht die Lippe des Kleinen aus?

Ui, ich kann mir vorstellen, dass dein Mann lange im Einsatz war bei den Unwettern. Den Kanton Aargau hat es ja besonders getroffen. Bei mir sind die Tomaten durch den Sturm umgekippt.



himbeer  am 18.07.2017

Re: Bräute 2013

wir gehen nach italien snet, wie jedes jahr, hihi. da muss ich nicht studieren, weder beim packen noch beim fahren noch beim restaurant aussuchen



elea  am 18.07.2017

Re: Bräute 2013

hallo zeme

ui nei snet seg das ned weg de wehe, macht mer grad angst
mer send of Kopenhagen gfloge und denn hemmer det es Mietauto gnoh. ha ke lost gha of stundelangs autofahre :)
ja es het erstuhnlech lang duret bes es ganz zue gwachse esch und er het jez au en narbe. mer werde gseh ob sech die met de johre wird verwachse und obs blibt.


hey himbi wönsch euch denn ganz ganz tolli ferie in italie und vorallem das die Woche schnell verbi go met all dem stress!



Emma13  am 20.07.2017

Re: Bräute 2013

Hoi zäme

Elea ohh das freut mi hender so schöni Ferie gah! Tönt ja alles perfekt bis uf de Unfall vom Chline autsch... blöd mite Narbe, hoffe fest dass mär mite Jahre nüm viel devo gseht. Wie gahts dir? Wie wiit bisch jetzt? Ja, ich verstahn dich, ich han zwar kei grossi Beschwerde aber s wird immer astrengender... ich merks jetzt wieder mit dem heisse / schwüele Wetter, das macht mär recht z'schaffe. Han am Mäntig die letzti Kontrolle bim FA und hoffe denn dasi würkli uf Endi Juli chrankgschriebe wird, möcht scho gern es paar Wuche Ziit für mich ha, zum mich psychisch vorbereite und de Gross eifach no bitzli allei chöne gnüsse...

Himbeer aaah Italie isch immer e gueti Wahl! Gnüssets! Mir gönd sicher nöchst Jahr wieder, freuet eus scho druf.

Snet oh ja, Wehe sind schmerzhaft, muess mär glaubs selber gspüre zum's chöne beurteile ich han imene lange Gspröch mite Hebamme jetzt entschiede dasi wieder e Spontangeburt versueche wenn sich de Chli spontan bis 39+ uf de Weg macht. De KS-Termin isch bi 39+1 agsetzt aber ich hoffe fest, dases vorher vo alleige losgaht. Min Grosse isch ja au bi 39+0 cho drum bini positiv igstellt und falls glich en KS gitt, chani demit lebe... d Wahrschinlichkeit dases spontan nöd klappt isch natürli höcher umso grösser und schwerer s Baby wird, 39+1 isch drum en guete Kompromiss. Wie gahts dinere Chline? Wie het de Gross reagiert?

Bi eus het definitiv de Countdown gstartet -4 Wuche... scho unglaublich wie schnell die 9 Mönet verbigange sind. Uf de einte Siite bini froh gahts langsam richtig Endspurt und uf de andere bini scho chli nervös und hoffe ich chan das denn händle mit mine 2 Jungs

Zuletzt bearbeitet am 20.07.17 08:49



elea  am 24.07.2017

Re: Bräute 2013

guete morge zeme

danke Emma es goht mer ned schlecht. be jez die 30igste ssw :)
höt hani weder US und de luege mer ob sech s Baby entli dreiht het. hoffes so fescht! sost semmer ganz fescht am buebe nöme studiere. meitli Name hemmer. aber met dene buebenäme dömmer eus so so schwer ja sost chani eigentli ned chlaage. be au froh send d Temparatire weder bezeli abe. aber gspühre halt au s*.Trimester berebizeli. sodbrenne het agfange und röggeweh wenni de ganz tag em Büro hocke. aber das send ja nomeno wehwehli, ghört ja dezue drom chani ned jommere

hesch scho ufghört schaffe oder dusch die Woche no? jo gell, eifach zom no bez rueh ha vor de Geburt und wi du seisch de chlii (oder bald de gross) no fescht elei zgnüsse. das chani mega guet verstoh!
super hender e kompromess gfonde und es KS Datum agsetz. das glaubi natürli, dass je meh zit s Baby zom wachse esch je grösser werds und je ehner harzets de bide Geburt. aber esch wörkli schön hender e tolli lösig gfonde wo vorallem för dech au stemmt! nomescho dass di eifach au em chopf bez chasch vorbereite of en allfällige KS. esch secher eifacher und stressfreier so als weder en not-KS! aber vellecht macht sech euche chli bueb ja scho vorher ove weg :) be gspannt wis de schlussentli wird si aber sost ganz allgemein gohts der no guet (bes druf das es halt sehr astrengend esch)?

fraue, chorzi frog: mer hends doch mol vo so "Tröpfli" gha under de Geburt. also als Schmerzmittel oder? jez hani höt morge öpis glese und mi grad gfrogt ob das die send oder ob mer vo öpis anderem gredet hend:
http://www.watson.ch/Schweiz/Gesundheit/...py-Button%C2%BB

Zuletzt bearbeitet am 24.07.17 07:46



Emma13  am 24.07.2017

Re: Bräute 2013

Halli hallo :)

Elea wow au scho ide 30.ssw? S gaht so schnell unglaublich... druck der d Duume für de US hüt, dass sich s Chline dreiht het und sust hets ja no bitzli Ziit ich han hüt au wieder Kontrolle, vermuetli di letzt vor de Geburt. Huiii ja das verstahni mite Buebename-Suechi isch bi eus dasmal au eher schwierig gsi, en Meitliname hettemer sofort gah aber euses Büebli hets eus wele schwer mache ihihih hoffe ihr findet bald de passendi Name und wer weiss, vilicht brucheter ja gar keine und chönd uf eue Meitliname zrugggrife

Freut mi gahts der im Grosse und Ganze guet, abgseh vode übliche Wehwehli... obwohl, Ruggeweh isch sicher gar nöd agnehm jupppii endli sind d Temperature abe, ahhh da bini weisch wie froh! Die Wuche schaffi sicher no bzw. ich hoffe mini FÄ schriebt mich denn hüt chrank dasi würkli nur no die Wuche muess schaffe. Möchtisch du bald reduziere wegem Ruggeweh?

Ja bin uu froh hani de KS-Termin so spat chöne asetze, ide Regel wird er ja 2 Wuche vor ET gmacht, das hani denn scho bitz früeh gfunde. Ich starte morn i di 37.ssw und wird mitem Himbeerblättertee afange, vilicht macht sich de Chlii so au bitz vorher uf de Weg, eigentli würis uu gern nomal spontan probiere aber wett au nüd erzwinge, s chunt wie's muess. Und sust gahts mär ganz guet danke. Kei grossi Beschwerde und ich gnüsse min Babybuuch merke halt eifach dasi langsam nüm so mag, s isch alles dopplet so astrengend und ich wird denn sicher au froh sii dasi mi wieder normal chan bewege ihihi

Ou ja, Ultiva das sind die Tröpfli hmm nöd so überzügend was i dem Artikel staht... mir hends bide erste Geburt gseit s schadi weder am Mami no am Chind will d Würkig sehr churz isch bzw. schnell vom Körper abbaut wird, d Pumpi aber ide letzte Phase vode Geburt nöd söll benutzt werde will s Baby sust bitz "apathisch"/müed chön würke nach de Geburt. Dases aber soo umstritte isch, hetti jetzt au nöd denkt... Schad, hans nämli würkli öpis guets gfunde, vilicht würkli will mär das Gfühl het dass mär selber chan bestimme wenn mär d Tröpfli brucht und d Würkig halt sehr schnell itrifft und mär d Wehe so bitz bedusleter wahrnimmt und besser "wegsteckt".



Lilly4  am 24.07.2017

Re: Bräute 2013

guete morge zäme... ah hüt hät dä tag guet gstartet... dä gross halbi 9ni ufgstande, die chli pennt sogar no spühret wohl grad dä rege chch... hätti also nüd dägege wenns immer eso wär

wow elea, au scho i dä 30 ssw! s gaht soo schnell... isch es dier au so vor cho? viel glück hüt am termin, das eues würmli sich trüllt hät!!! gisch eus dänn bscheid fühlsch di eigentli anderscht als i dä 1. ss? am am chline gahts wieder guet nach sim umfall? sicher en riese schock gsi

emma, dier au ganz en schöne termin hüt und hoffentli chunsch es zügnis über so chasch es dänn no chli gnüüsse super händers so chöne mache mitem ks termin... viellicht macht sich dä chli ja glich no vorher uf dä weg und häsch nomal e chance zum natürlich gebäre und falls nöd, wärsch wenigstens besser druf vorbereitet als bim erschte mal das isch scho viiel wert! s chund so wies muess, hauptsach sind all wohl uf <3

hui ohni die tröpflis wär ich gstorbe ich weiss aber no wies mer unter dä geburt gseit händ das ichs sehr guet verträge (sind wüki mini fründe gsi ) und uf dä enspurt händs dänn au gseit müends es weg lah... hans dänn aber glich dra lah, sie händs eifach zuehschruubt, und ich wiiterhin (ohni würkig) druckt hät dä psyche guet ta



elea  am 24.07.2017

Re: Bräute 2013

au ja wend jez moprn scho die 37ssw besch eschs ja höchsti zit zom bez chörzet ztrette. do schribt si di secher chrank. so das au wörkli no di churze paar letschte Woche chasch entspanne. so guet wime halt met emne chline bueb chan entspanne gell ;)
aber sost esch alles guet gange bim US? escher gsond und munter?


ui was 2 Woche vor ET? das donkt mi aso au recht vell bi mer hends ja de KS au of 39+1 agsetz. 2 Woche vorher hetti jez aso au bez vell gfonde. schluss entli dud ja jede tag em buch guet. aber so esch bi euch de Termin ja ideal gwöhlt. de hetter au no bez zit zom sechs öberlegge ober selber sin Geburtstag wetti bestimme. be of all fell gspannt wenner denn wörkli chunt :)
jaaaa gell dTemparature die Woche send e traum be au froh mussi sege. und för de eschs grad nomol dopplet en erliechterig chani mer vorstelle sell jez eifach no bez so blibe!

gell das esch no en krasse brecht wege dene tröpfli. muss sege het mi scho au bez schreg donkt. vellecht beni au bez naiv aber i has gfüehl sost esch me doch eher sehr vorsictig was me enre schwangere frau geht (medis etc). de eschs so schwer zum vorstelle das das so schädlech sell si.....

ah, ja US esch höt öbrigens super gange. ond... es Baby het de chopf donde! juhuuuuuuuu be so so happy ond erliechteret! d FA het de scho gseit, ja es chan sech theoretisch ja emmerno zrug dreihe aber d Chance stönd guet dass wens jez inere guete Position esch das es denn au so blibt. freu mi so mega :) eifach nor zom wösse uf was me sech chan vorbereite (klar schluss entli chas au ganz anderst cho). aber bide erste SS Emmer das hin und her ob er sech echt dreiht oder ned und de erst e Woche vor ET zwösse das es denn en KS geht... äch da het mi gnervt. drum vertsohni di so guet Emma, das froh besch weisch jez wenn das KS Termin wer und wenns vorher chunt chunts vorher. eifach das me sech psychisch bez of öpis chan istelle /vorbereite!

lily, anderst eigentli ned gross. i glaube i gnüsses nomeh wi bim erste mol. aso eifach vorallem d bewegige vom chend. ich liebe das so so abgöttisch ABER ha jez scho gmerkt dass es dasmol meh weh dued wi letschtmol (also dTritt). aber het secher au ebe met de laag ztue...

merci förd nochfrog nachem chline. ja es goht em tiptop. het das super weggsteckt. ossert wenner umgheit frogt er jez Emmer ob er blüetet
jez hemmer gester aber gseh dass di eint schufle bez donkler esch as di ander. wösse jez ned ob das en normali verfärbig esch oder ob ehm ei zahn abstirbt. lüte die Woche gleb mol am Zahnarzt ah zoms go zeige. wenns so wer chame ja ned vell mache, wer halt eifach schad.... :/



snet  am 25.07.2017

Re: Bräute 2013

Hellö

@himpi: Viel Spass in den Ferien und geniesse Pizza, Pasta & Vino!

@emma: Wie war dein FA-Termin? Ich verstehe nicht ganz weshalb man schon einen KS-Termin abgemacht hat? Also bei mir hat man ja auch sogar bis zur 42. SSW gewartet obwohl ich ja schon einen KS hatte. Und kam dann "nur" mit 3.2kg auf die Welt.

Der Grosse macht das super toll mit der kleinen Schwester, ist absolut nicht eifersüchtig und wills stets helfen. Gestern hat er sie sogar gewaschen in der Badewanne :-)

@elea: Super, dass sich das Kleine gedreht hat, dann steht ja einer normalen Geburt, wie du sie dir gewünscht hast, nichts mehr im Weg!

Also die Wehen habe ich ja 7h ohne Schmerzmittel ausgehalten, aber ja, es tut schon weh.

@lilly: Wie geht es dir so mit Job & Kids?

@me: Ich muss morgen noch ins Büro und jemand Neues instruieren. Meine Arbeitskollegin hatte leider einen schweren Unfall.



 1 .. 1871 .. 3740 3741 3742 3743 3744 .. 3751 .. 3757

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.