Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Bräute 2013
Bräute 2013
 1 .. 1872 .. 3742 3743 3744 3745 3746 .. 3752 .. 3757
elea  am 14.08.2017

Re: Bräute 2013

hallo zeme

so still da em Moment :)

hey himbi schön hender so tolli ferie gha und dass alles guet gange esch. ja das cheibe uswerts esse gell. met eusem Hemers gliche Theater set ewigkeite das cheibe ofem stuel sitze und esse esch ja soooo langwilig... s guete esch ja sicher das er in italie gsi send. det hends doch sicher freud wenn sone chline sonneschin omespringt :) oder ned?
hender euch scho weder bez aklimatisiert?

weiss öper (FB oder privat) wis de Emma goht und ob si ehre chli bueb scho becho het?

phu fraue höt hani mi schön ufgregt am morge. ha FA Termin gha und es goht em Baby tiptop ganz zletscht hani dFA no so gfrogt obi vellecht i 2woche oder so döfti reduziere bim schaffe. be jetzt die 33ssw und ha Emmer am nomitag sooooo röggeweh bim schaffe... item of allfell seit si. nei das giengi ned, si chöni mi nome chrank schribe weni au wörkli chrank sig (zB früehzitigi wehe han). d versicherig düchi domm wenn si meh wege "wehwehli" chrank schribi. de hani gseit, ja bide erste ss hani au ab de 36ssw nomeno 50% gschaffet. de meint si ja das sigi jetzt neui. lut gsetzt mussi metem arbetgeber rede, er müssi mer de Arbeitsplatz so irechte dassi bes zode Geburt chan schaffe oder halt dassi 5halbi täg schaffe oder so. de hani gseit, i ha nome a 3ne täg öper wo of de chlii luegt, chan ned eifach täg schiebe und i hocke scho of emne Gym-Ball und ha au es Stehpult. aso i wösst ned was mi Arbeitgeber do no wet verbessere. de seit si weder ja das müssi met ehm aluege.
i be rechtig gfruschtet hai gloffe nachetene. em Moment gotz ne met of zäh bisse, aber ich cha ond wett doch ned bes i wehe ha 3volli täg schaffe!!!!
mi maa het de gmeint i sell mi sost vo mim huusarzt lo chrankschribe. werde jetzt secher mol mini Hebamme froge wani sell mache.
super doofi Situation of all fell....



himbeer  am 15.08.2017

Re: Bräute 2013

mir sind wieder dihei und händ eus guet wieder igläbt, gaht ja immer uh schnell...

hmja imene leere restaurant chan er vo mir us umerenne wie er wott, aber wenns volle isch gahts ja nöd... er gaht zu allne ane und rennt au id chuchi, uf d strass, langt alles ah etc., das isch erstens gfährlich und zweitens hanis selber au nöd gern wenn eltere so gar nöd uf ihri chind lueged s personal finds immer herzig aber wenns natürli viel ztue händ chönds au nöd immer bäbele. vo dem her isch italie scho super, es luegt eifach keine komicsh wenn s chind mal schreit oder sich nöd super benimmt, ich find das scho extrem entspannt.

ui das tönt ja scho komisch mit dinere ärztin. mine hät mi detzumal selber gfrögt öbi no mag und öbi wott reduziere. dass du nöd eifach dini arbeitstäg chasch schiebe sött aber au verständlich sii. ich würd au hebamme und husarzt mal fröge, ich mein so lang isches ja jetzt nüme und du häsch ja nöd nachere reduktion ab de 20. wuche gfröged, so lang gahts ja bi dir echt au nüm.



elea  am 15.08.2017

Re: Bräute 2013

ui ja himbi weiss wad meinsch. au wenn di andere lüt seget es störi si ned, eschs denn amigs glich unagnehm. euse chlii meint au er müssi denn jedem im Restaurant hallo sege und möglichsch no absekle vor em mami. u lässig de gsehni amigs Emmer di aneder lüt met erne chend wo 2h eifach am tisch hocket und froge mi wi die da mache

ja bide erste SS het si mi ab de 28ssw gfrogt obs gieng met schaffe. dasmol het sis nie agsproche und das het mi scho komisch donkt. bes is de ebe vo mer us agsproche han. ja jetzt hani no 7 Woche bes zom Termin. und eifach de cheibe nomitag henk mer so so ah. de wördi gern langsam striche und de eifahc no ade mörge go. hend eh em Moment au bez flaute em Büro drum wer das förs gscheft au ned schlemm
i luege jetzt mol was mer mini Hebamme rotet und ebe sost gangi zom huusarzt... chas jo echt ned si eigentli



himbeer  am 15.08.2017

Re: Bräute 2013

ja gell, ich ha das au gmerkt, jede tag schaffe isch voll ok gsi aber halt nüm so langi täg, de namittag hänkt irgendwenn recht ah... cha ja au nöd sii dass zerst öpis "richtigs" muesch ha, eigentlich sött sone reduktion ha verhindere das mer komplett usfallt vorem termin.

hahaha ja säg nüt. euse fangt amigs scho a schreie wenn mer ines restaurant inelaufed will er gnau weiss was chunnt. er isch jetz in italie glaub insgesamt 10 minute ufeme stuehl ghocked i dene 2 wuche. ganz selte malt er mal 30 sekunde oder luegt 15 sekunde es büechli ah, total entspannend. die hcli vo minere schwö hockt eifach e stund im stuehl und isst es stuck brot, ich chönnt amigs brüele



Emma13  am 15.08.2017

Re: Bräute 2013

Hoi zäme

Oh ja euses Schätzeli isch da

Euse Chli isch am 9. August ufd Welt cho, mir hend e wunderschöni und super schnelli Spontangeburt dörfe erlebe ich han paar Täg vor de Geburt immer wieder Wehe gah, letzt Zistig, 2 Wuche vor ET, isches denn sowiit gsi und ide Nacht isches losgange, bin im Spital acho mit 7cm offenem Mumu, e halb Stund spöter isch d Fruchtblase platzt und e Stund nachher isch euse Schatz da gsi ich bin sooo froh dasi Vertraue i mir selber gah han und mir so öpis wunderschöns hend dörfe erlebe. Leider het de Chli e bitz Startschwierigkeite gah und isch no uf de Neo aber s gaht ihm scho sehr viel besser und mir freuet eus wenn mär ihn endli dörfet mit heineh. S isch grad chli en astrengendi Ziit aber euse grossi Bueb isch sonen brave und erliechteret eus sehr viel. S gaht eus allne guet und mir werdet denn d Kuschelziit dihei ganz fest nahhole, ach ich bin soooo verliebt



elea  am 15.08.2017

Re: Bräute 2013

oh liebe Emma, gratuliere vo herze zo euchem chline Sohn und vorallem schön hesch en tolli und schnelli Geburt döfe erlebe! mags der vo herze gönne! vorallem nach de erste Geburt... hesches dopplet verdient
freu mi ganz ganz fescht för euch und hoffe das er gli dörf zo euch hai cho! wünsche der e gueti erholig und euch allne ganz e schöni kennelehrzit!


ja genau himbi, die regel chame ja metem reduziere no bez lenger schaffe as wenn me metem gliche Pensum witer fahrt. mini Hebamme het mer grad vori gseit me chöni ned vell mache. i selli soscht is Spital go woni werde entbinde und dete noh froge. oder ebe halt zom huusarzt... so oder so doof und unnötig ufwendig...

ja gell Emmer di andere hend di zfredne chend i weiss genau wenni ehm wörd s natel ge zom öpis luege giengs, aber do hani mi de amigs au ned deför. ond wet ne ja au ned belohne för sis doofe Getue



himbeer  am 21.08.2017

Re: Bräute 2013

ou emma, gratuliere ganz herzlich! das tönt ja würkli nachere traumgeburt gnüsseds ganz fest und en guete start eu allne!

hahaha elea, ich känns. ich tue mer peppa pig au ufspare für die moment wos würkli nötig isch das er mal ruhig sitzt. zb letzt wuche bim architekt. natürli häts denn det aber nöd klappt will er natürli all die chline husmodell hät müesse aluege, isch aber au verlockend



snet  am 22.08.2017

Re: Bräute 2013

Hallo Miteinander

@himpi: Das ist ja toll, dass die 2 Wochen Italien super waren. Das mit dem nicht am Tisch essen wird sich sicherlich bald wieder legen. Unser Kleiner sitzt eigentlich immer am Tisch, aber weil er auch so gerne isst :-)

@elea: Das war bei der Schwangerschaft mit M. genau gleich, die FA wollte mich nicht krankschreiben. Aber ich hatte ja tatsächlich ein Rückenleiden, nämlich die ewige Blockade des ISG und deshalb hat mich dann auch meine Hausärztin krankgeschrieben. Begleiterscheinungen der Schwangerschaft können ja genauso eine Arbeit verhindern und ich finde Rückenschmerzen gehören da definitiv dazu. Dieses Mal war es kein Problem, ich wurde reduziert und ca. 2.5 Wochen vor ET habe ich ganz aufgehört zu arbeiten.

@emma: Herzliche Gratulation zu eurem Bueb! Wie heisst er denn? Und wie geht es ihm? Konntet ihr schon nach Hause? Schon lustig, dass es bei dir schon 2 Wochen vor ET losgegangen ist und ich z.B. ewig warten musste.



elea  am 23.08.2017

Re: Bräute 2013

guete morge zeme

himbi, haha bi eus esch bob de boumaa de letschti Rettigs anker aber ebe de Joker muesi spaarsam isetze ja das glaubi dass denn bim Architekt grad ned klappet het. het ja sooo vell chlini sächeli zom kabott mache
wo Sender jez eigentli grad dra metem Architekt? bzw was esch grad so de stand bi euchem huus?

snet, ja stemmt jez magi mi weder dra erennere dass züg wod gha hesch wegem chrankschribe bide erste SS. und ebe dass di denn au de husuarzt chrank gschrebe het! emmerhen het sis dasmol tschegget und hesch ned weder müsse de Umweg öbere huusarzt go.
bi mer het sech jez das ganze au "vo ellei" klärt. ha die letscht Woche zobe Emmer mega schmerze gha em oberbuuch, schweissusbröch und gmeint i muss breche vor schmerze. denn am Donnstig morge eschs so schlemm worde dassi de FA aglüte ha und si het gmeint i sell sofort cho. si het de alles kontrolliert und gseit em Baby giengs guet und si chöni ned gnau sege vowo die schmerze chöme. i selli of all fell bez chürzer träge und reduziere... aha..... das huehn hetti eifach sele of meh lose, ha jo gseit mag nöme und wet reduziere und jez hets de körper halt au no zeigt. set dere Woche schaffi nomeno am morge und es dud mega guet nachem mettag metem chline chöne änezligge. d schmerze send zwar nonid wörkli besser und i ha jez bez angst dass si bes zode Geburt die ganz zit die chrämpf han aber esch jommere of höchem Niveau, well am Baby gohts jo guet :)



himbeer  am 28.08.2017

Re: Bräute 2013

elea, mir händ d grundriss praktisch fertig und sind det nur no chlini sächeli am ändere. denn händ mer vor zwei wuche die erste vorschläg übercho für d fassade beziehigswiis platzierig vo de fenster, und jetz sind mehr mehrheitlich det no dra am luege wie und obs eus gfallt eso. aber ich bi scho voll happy. min maa hät au gseit "ah de söll jetz eifach die hütte baue, mir würds gfalle"

oh, gueti news mit de reduktion, aber schad häts jetzt zerst müesse sowiit cho. ich drucke duume dass es bald besser gaht!



 1 .. 1872 .. 3742 3743 3744 3745 3746 .. 3752 .. 3757

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.