| Passwort vergessen?
Sie sind nicht angemeldet.  Anmelden
Bräute 2013
 1 .. 469 .. 936 937 938 939 940 .. 2349 .. 3757
22.11.12 12:44
himbeer 

Re: Bräute 2013

hallo ihr alli, ich bi au wieder mal da...

schmetterling: ich ha jetz scho zweimal vo eusem fest träumt und das alles id hose isch. debi hürated mer erst im september! wie chunnt echt das no use churz vorher?

lus: ich bi au scho langsam nervös wägem samstig... ich hoff würkli ich find öpis schöns. ich ha en teil vo kleider wo mer gfalled au gsammled, aber guet erinnereisch mich namal dra, denn tueni nämli mini sammlig au mal no update vorem samstig.

apropos kleid... mini schwö hät schins letztens mit mim mami gredt und sie hät gmeint, sie chaufi sich denn au no es neus kleid fürs fest, es schwarzes. also ich find grundsätzlich schwarz nöd schlimm und finds au sehr schön, aber bi mim mami bini nöd sicher öb sie echt es statement demit will abgeh will sie vo de hochzit nöd so begeistered isch und au min schatz nöd akzeptiert. ich weiss jetz eifach nöd öbi das söll persönlich neh oder nöd. aber ich lahs glaub eifach abpralle, ha susch gnueg züg woni mi muess kümmere

22.11.12 13:11
Lus

nicht registriert

Re: Bräute 2013

Hmmm schwarzi Chleider an sich finde i drum ou no schön, mer mueses eifach mit öppisem farbiem kombiniere dases nid grad nach Truur usgeht..
I weiss nid werum dis Mami nid sooo begeischteret isch vom Hochzyt und di Ma nid ma ha, aber meinsch würklech dass si das so würdi usdrücke? Hetsi dir de scho persönlech gseit dass sis nid e gueti Idee findt? I finde, es persönlechs Gschpräch wär emu angebrachter vo ihre mit dir aus dass sis ahand vome Chleid würdi usdrücke, het für mi chli öppis chindisches

22.11.12 13:20
Sanis

nicht registriert

Re: Bräute 2013

Ig bi oscho schwarz a näs HZ. Het sich so ergä und das Chleid wo mir gfauä het hets eifach "nur" schwarz gä...aber ig ha de rosa schuä, hantäschä, Lippästift und haardeko gha und de geits o wieder.

@Himbeer. ig würds nid persönlich nä... we si dir öppis z sägä het de söu sis eifach machä wenn nid cha sis la si... wär schwarz chunt und dirs glich isch chunnt in schwarz und di angärä chömä farbig...

22.11.12 13:39
himbeer 

Re: Bräute 2013

haha ja sie häts scho gnueg oft gseit, vorallem am afang wo mer zäme cho sind. wo mer eusi verlobig bekannt geh händ hät sie au nur d auge verdreht. das hani aber zum glück selber nöd gseh, haha. ja ich ignorier sie eifach. ich chönnt mer ebe sehr guet vorstelle dass sies drum macht, mini schwö isch au grad recht hässig worde schinbar. mir macht ebe prinzipiell es schwarzes chleid würkli nüt us. ich ha jetz uf all fäll id iladige no inegschribe das schwarz natürlich au erlaubt seg, das nimmt irgendwie chli de wind us de segel find ich.

ah ich mach eifach wiiter wie bisher, ich nimm mis mami au mit am weekend zums chleid ussueche und so. ich tue eifach als wänn sie sich au mega würd freue. s schlimme isch ebe, au wenn sie sich tatsächli würd freue, sie chönnts im läbe nie zuegeh. aber me kännt sini lüt ja schliesslich und drum hani mi für ignoriere entschiede.

22.11.12 13:47
Sanis

nicht registriert

Re: Bräute 2013

sehr cool dasst uf d Amäudig gschribä hesch! de merkt si de viläch wie affig dasäs isch dir a dir HZ eis wöuä ga üswüschä!...

Auso no we si di Partner nid super fingt... weshalb auch immer - ischs nid so das mä sich i jedäm fau mit äm gschwüschtäti freut solangs glücklich isch?!...

22.11.12 14:16
Lus

nicht registriert

Re: Bräute 2013

@himbeer
schön dass du dir dür ds verhalte vo dim mami nid lasch la verunsichere und dr dini luune lasch la verderbe !! Bi de ou gspannt, was du übere Chleiderchouf z brichte hesch

@hochzytschleid
Um chli usezfinde, was mim GG würdi gfaue hanim öppe die es Föteli vome Brutchleid under d Nase gha und ihn gfragt öb ihm das so gfaui?
De hanim mau es Föteli usem Internet under d Nase gha vome Chleid vo Sincerity us dr "grosse grössen" Abteilig. De luegt är das Föteli nume so a u seit "was isch de das fürne Wuchtbrumme?". I bi grad sprachlos gsi und när hets mi vertätscht vor lache
Zum Glück weisi dasers nid würklech ärnscht meint

22.11.12 14:50
himbeer 

Re: Bräute 2013

sanis, es isch mis mami, nöd mini schwö... aber für das gilt sicher s gliche :-)

ou ja lus, spätistens am mäntig chönd mer eus denn über eusi shopppingerläbnis ustuusche, so cool!

mir sind ja a de big love gsi und det häts e chlini chleiderusstellig gha. ihm und mir hät s gliche chleid am beste gfalle, drum hani da nöd so angst. eher dass mir denn nüt gfallt im lade, haha. ich bi voll nöd de prinzessinnetyp, also mit rüsche, raffige, mäscheli und strass chasch mi jage. usserdem hetti so gern es kleid wo KEIS bustier-oberteil hät. das chönnt au no es problem sii :-)

22.11.12 14:52
elea 

Re: Bräute 2013

haha da hani bi mim frönd au gmacht do er ke ahnig het was ehm gfallt bi brutchleider hani em belder zeigt ond emmer gfrogt "gfallt der das?" "oder das?" " ond das?" i ha de schloss entli eifach usegfonde dass er absolut ke ahnig het waas ehm öberhaupt gfallt ond för ehn bes zo dem ponkt eifach nome die normale prinzessine chleider existiert hend aso hani denkt, ehm eschs chleid eh egal, de chaufi eifach da wo mer gfallt

22.11.12 14:57
Lus

nicht registriert

Re: Bräute 2013

@himbeer
Hei mir hei dr glich chleidergschmackt.
I ha am liebschte es schlichts, eifachs chleid, darf ruhig öppis farbigs ha aber jaaaa nid das graffte zügs da oder z vieu Glitzersache.... Aber wär weis, vilicht sis genau die Chleider wo mir/üs de schlussändlech am beschte stöh?

22.11.12 14:57
himbeer 

Re: Bräute 2013

haha das isch sehr clever elea :-)

ja ich bi mega froh gsi dass er überhaupt hät chöne säge was ihm gfallt det. ich hett eher erwartet dasser seit "mir isch glich" oder so

 1 .. 469 .. 936 937 938 939 940 .. 2349 .. 3757
natürlich   richtig   irgendwie   eigentli   eigentlich   wirklich   Zuletzt   vorallem   Hochzit   schaffe   bearbeitet   Zeremonie   gspannt   natürli   langsam   einfach   schnell   himbeer   Problem   Kollegin