Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Diätfrauen
Diätfrauen
 1 2 3 4 5 .. 22 .. 38
Chatzezuengli  am 08.05.2012

Diätfrauen

@ Diätfrauen

dachte mir ich eröffne einen neuen Thread für uns.

Also ich werde ab morgen mit dem Farhrrad zur Arbeit gehen 7.5 km Bergauf und mich etwas bewusster ernähren. Nicht immer so Süsskram in mich hineinstopfen

Mein Aktuelles Gewicht ist: 60.5 kg
Erreichen möchte ich wieder mein Wohlfühlgewicht von 56 kg.

Und los gehts..

** Am 20 Oktober 2012 wird die Braut geküsst **



Muus  am 08.05.2012

Re: Diätfrauen

Merci, Chatzezüngli! :) Schalte mich gerne auch ein. Bin nämlich recht frustriert; mit 2kg mehr von Neuseeland zurückgekommen, seither noch ein gutes halbes Kg mehr.... :( UAber der Sommer macht's einem ja einfacher, sich zu bewegen. Wenn nur das Büro nicht wäre...



saerli  am 08.05.2012

Re: Diätfrauen

Ja das leidige Büro :) hehe
Ich sehe, es sind alle "motiviert" etwas zu tun. Teilen wir diese Aufgabe und dann geht es ringer

°°°22. September 2012°°°



Chatzezuengli  am 08.05.2012

Re: Diätfrauen

@Büro

hab lezte Woche meinen Bürostuhl etwas runter gestellt. Jetzt brauch ich mehr Oberschenkelmuskeln beim Aufstehen Obs was bringt ? Keine Ahnung

** Am 20 Oktober 2012 wird die Braut geküsst **



Proeschu  am 08.05.2012

Re: Diätfrauen

@Chatzezuengli

Hihi, das metem Bürostuehl esch loschtig .... muesch nome ufpasse, dassd nöchst Woche no magsch vom Stuehl ufstoh, ned dass denn z'vell Muskelkater hesch.....
aber Hut ab, dass du metem Velo sone Strecki machsch! Ich wäri voll verschwitzt, wenni ide Bude achome.... wie machsch du denn das? Oder besch en Cooli ?

@Muus
Besch ned du die gsi metem noie Töff letscht Woche....? Hättisch gschieder es Velo kauft.. Nei seich, ich hoffe för dich, dass du dKilos schnell weder donde hesch!

01. & 04.Juni.2011



Chatzezuengli  am 08.05.2012

Re: Diätfrauen

Hihi Pröschu,

Ha ja zum Glück no Rölleli am Bürostueh, de chani im Notfau no umeröllele

Ig bi ja letscht Jahr o scho äs paarmau mit em Velo gange u da hanis so gmacht, dasi am Morge nachem ufschta hurti churz chaut abdüschele när i d'Velochleider stürze u los. De schwizeni weniger. Bi üs ir Bude hets grossi Garderobe (für Produktionslüt) mir vom Büro hei aber o äs Schäftli. Dert chami när Umzihe. Im Notfau häts dert o ä Duschi. Ha geng äs Dusch derbi

Am Morge isches haut Aschrängend wüus aues Bärguf geit. Derfür hanis am Namitag wess heiss isch lichter, geit aues abe

** Am 20 Oktober 2012 wird die Braut geküsst **



Muus  am 08.05.2012

Re: Diätfrauen

@Proeschu: So unwahr hesch du gar nid. Wüu i lehre ja Töff fahre, das bruucht Freizyt, und wenni ufem Töff hocke macheni ke Sport... (ok, momentan scho no, wüu i mi rächt verchrampfe, aber das gilt gloubs nid... ;)).

I pändle äbe jede Morge mitem Zug, loufe immerhin 15 min. a Bahnhof, aber so wie mi Mah wärs natürlech besser: 25min. mitem Velo jede Morge und Abe.

I bi vom Hochzyt eifach no ziemlech erschöpft und ha viu los. I hoffe, dasses nach Uffahrt besser chunnt!

@Chatzezüngli: Dä isch guet mitem Bürostuehl! :D



angiyves  am 08.05.2012

Re: Diätfrauen

Guets Thema

Also ich ha im Momänt um die 54 und nachem Training hani knapp über 53. Mi Ziel isch am Morge 53 zha. Ich iss im Momänt eifach 3 Mol, nit zviel Kohlehydrat, längeri Pause und nur 1 Mol öbis richtig Siesses- aber was ich grad Luscht ha. Und ich versuech nach de 18.00 nümme ässe. Es lauft grad ganz ok, nur am weekend isch schwierig mit de lange Pause will me jo nit am 8i Zmorge isst. Am Morge gits um die 50g Müesli miteme früschpresste Saft. De Räscht isch immer verschide. Sobald i chli mehr iss und nit so konsequänt bi, nimmi natürli grad zue. Das isch so mi Wäg jetzt.

Liebe Grüsse

Angi <3 Yves , am 14.8.2012 ist es endlich soweit!



Purzel2012  am 08.05.2012

Re: Diätfrauen

@all Ich bewundere eu das ihr das so chönd. Ich bin so undiszipliniert und unkonsequent. Den will ich öpis unbedingt (imoment abneh) Naja den gahts 2-3 Täg guet, viellicht au 2-3 Wuche. Naja und en gihts mal eh Usnahm da, eh Usnahm det. Chli SChoggi da, oder bringt öper en Chueche is Gschäft, chasch ja nöd eifach Nei sege.
Ich rege mich amel so richtig ab mir selber uf aber ändere tueni den glich nüt. Naja immerhin hani nach x Aläuf entlich chöne ufhöre Rauche. Defür zuegnoh
Drum versuech ich mir es bispiel zneh ah eu, damit na es bitz Kilo purzlet ide nöchste zwei Mönät

7.7.2012



angiyves  am 08.05.2012

Re: Diätfrauen

Purzel

Also ich schrib mini 3 Mohlzite ime kleine Büechli uf, woni immer drbi ha. Und ebe, es git nur 3 Mol was- nüt zwüschedure- das hilft mir zimli. Und am Beschte isch au, wenn me sich am Morge scho überlegt und zrächtlegt, was me isst.

Liebe Grüsse

Angi <3 Yves , am 14.8.2012 ist es endlich soweit!



 1 2 3 4 5 .. 22 .. 38

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.