| Passwort vergessen?
Sie sind nicht angemeldet.  Anmelden
Tanzkurs
 1 2 3 4 5 6
18.05.10 15:01
Joene 
Tanzkurs

Hoi zäme

Mir hend am Sunntig euse allerersti Tanzkurs ka. Es isch super gsi!!!Ich han scho dänkt das
das chli stressig und agspannt wird, well min Schatz überhaupt kei lust ka het zum tanze. Ich han ihn richtig müese mitschleppe!
Es isch aber en super lustige und schwungvolle Sunntig Namittag gsi!!!

Ich chan also alne empfähle so en Hochziitstanzkurs z mache.

Am 14.08.2010 isches sowiet!!

18.05.10 16:05
cosa87 

Re: Tanzkurs

Hallo Joene,

hend ihr nur de Hochzietstanzkurs gmacht oder gard chli gmischt?
min Fründ isch ebe genau glich.. aber mir sind nonid so wiet wie ihr.. :) mir meldet üs erst im Oktober ah :)

18.05.10 16:20
Joene 
Re: Tanzkurs

Hey Cosa

Mir hend i de Tanzschuel Läderach (Oerlike) en Hochziitstanzkurs gmacht. De gaht 3 mal. Det lernt mer eifach Discofox, Wiener Walzer und Englischer Walzer. Mit dene 3 Tänz sött mer eigentlich recht guet durecho a de Hochziit. Det lernt mer auch grad wiemer de Hochzitstanz chan mache usw. Mer chan sogar sis eigete Lied mitnäh und mit em Tanzlehrer bespreche was am beste für en Tanz dezue passt. Isch echt super!!

Am 14.08.2010 isches sowiet!!

18.05.10 17:12
Diseli 

Re: Tanzkurs

Hey!

Mir hei dä Donnstig üsi 2. Lektion. Mir hei gfunge wemer scho wöi e tanzkursmache de mache mer grad dr Grundkurs de heimer när vo de typische Tänz echli aues agluegt. Und mir hei e witzig zämegwürfleti gruppe. das isch vom senior über teeni so um di 16/17 und 2 öbbe 12/13 jährigi meitschine wo mit de vätere chöme cho lehre tanze.

fröie mi scho wieder uf dä donnstig! :-)


*** üse grossi Tag: 28.08.2010 ***

18.05.10 17:15
cuenca 

Re: Tanzkurs

Das tönt wirklich gut. Mit Discofox kannst Du 80-90% der Stücke tanzen.

Wir sind über Weihnachten/Neujahr in einen Intensivkurs und kamen nicht mehr davon los! Nächste Woche startet schon der 6 Kurs und es wird immer spannender, je mehr Figuren und Tänze dazukommen!

Für alle aus der Regio Winterthur: In den Sommerferien hat die Tanzschule Catwalk wieder Intensivkurse. Sie bieten aber (leider) keinen Hochzeitstanzkurs an. Aber wer sagt dann, dass man danach aufhören muss Zudem gibts Intensivkurse in Standardtänzen, sowie in DiscoSwing (Schritte zu 90% identisch mit Discofox) und Salsa (Puertorico). Einfach so als Tipp und Info (soll keine Werbung sein!)

_____________________________________
Wir heiraten kirchlich am 4. September 2010

19.05.10 08:21
cosmologia 

Re: Tanzkurs

Sali cosa

Mir händ letscht Johr 3 Stufe Tanzkürs gmacht, do hämmer aber nonig gwüsst, dass mir das Johr hürotet. Min Fründ hät mr dr erschti Kurs als Wiehnachtsgschenk geh, wil er gwüsst hät, dass ichs guet fänd, wenn er tanze chönt. Ich han ebe währed de Schuelziit mehreri Tanzkürs bsuecht. Er hät 2 Johr bruucht, bis er sich überwunde hät zum üs für de Kurs aazmelde. Es hät ihm aber soooo riese Spass gmacht bim Tanze, dass us eim Kurs 3 worde sind. Bi üs hät leider de 4ti Kurs nümm statt gfunde, wils zwenig Aameldige geh hät, sus hätte mr gad wiitergmacht.

Wil mir aber für dHochziit wieder bim Tanze möchtet fit si, hämmer es Kollegepärli gfrogt (wo jahrelang im Tanzkurs xi sind), öb sie üs nöd en Uffrischig chöntet geh und das hät am Sunntig statt gfunde. 2 vo mine Bruutjungfere sind debi xi eini devo ohni Fründ und mir händ en mega luschtig Nomi mit allne Standard- und Latintänz, wo mir glehrt ka händ, verbrocht. Sisch chli wie Velofahre xi, mir händs würkli nöd verlernt ka, es hät nur wieder en Uffrischig bruucht.

En Grundkurs beinhaltet aber doch no recht vil vome Hochziitstanzkurs. Das hät uf jede Fall üsi Tanzlehrerin xeit und sie hät gmeint, dass mr nach eim Grundkurs sogar meh Üebig hät, wie nach dem Crashkurs. Das isch aber jedem selber überloh.

Mir sind bi de Migros Dance Academy in Oerlike xi, wil mir gad i de Nöchi wohned.

Wünsch allne no vil Spass bim Tanze!!

##Zivil am 10 Juni 2010 -- Trauung am 10 Juli 2010##

19.05.10 09:38
cosa87 

Re: Tanzkurs

Hallo Mitenand,
Jo mir hend üs au für die Grundkurs entschiede... oder besser gseit :) ich ha mich für de entschiede... min fründ mueni chli zum glück zwinge.. aber ich glaub da isch eifach bis er es erst mol döte isch ;)
demfall isch da guet wenn mir de Grundkurs machet.. den bini froh.
danke.

19.05.10 10:29
Carmile 

Re: Tanzkurs

hey zeme

was i eu au sehr chan empfehle..am schluss villicht nomol 1- paar privatstunde zneh. die sind zwor tüürer als e kursstund, aber me lernt extrem viel und dlehrerin chan ganz persönlich uf eim igo. mer hend vor 5 johr versch. tanzkürs gmacht und ide zwüschetzit nünt meh. jetzt hend mer 2x 1.5h privatkurs gnoh und i han sgfühl mer seget so oft go tanze ide letschte johre :-) häts würkli sehr brocht. sie luegt denn wos no chli hakt, ufd haltig, wie me dhend am beste hebt..eifach so, dass en walzer nöd nur vode schrittfolg her bspw. ufgoht, sondern au schön schwungvoll überechunt. grad morn obet isch wieder sowit und üse tanzlehrer hät versproche bis denn üses gmix us walzer-disco fox und hip hop zplane, dübergäng zmache etc.

viel spass bim tanze!


20.05.10 08:06
sniffi 

Re: Tanzkurs

Min Maa und ich sind scho siit längerem mitenand am tanze....hend mal ä churzi Pause gmacht aber jetzt ufs Hochziit im September hemer wieder agfange. Aber mir werdet au no äs paar Privatstunde müässä neh, vorallem für dä Hochziitstanz. Söll ja nach öppisem usgseh mir sind üs nunig würkich einig, öb mer änn englisch Walzer oder än Wiener Walzer wend tanze

Frohes Tanze eu!

Lg
sniffi


seit 1. April 2010 verheiratet - am 4. September 2010 wird richtig gefeiert!

21.05.10 00:16
Carmile 

Re: Tanzkurs

hey sniffi

ob englisch oder wiener walzer, das merksch schnell sobald es lied id tanzschuel mitnimmsch. i würd de wiener neh, au de chan no recht schnell si. de engilsch findi zu stressig mit em kleid und v.a. willsch es jo no chli gnüsse, chli enand id auge luege, am afang muesch no chli id schritt cho will de villicht glich chli nervös bisch etc.

mer hend hüt grad wieder tanze ghau und sind jetzt um 12 am obet dihei durs wohnzimmer tanzt :-) (sorry ihr arme pflanze). hend brav walzer mit drehige, special forme und disco fox mit üsne vorzeigforme repetiert. ohni übig gohts eifach gar nöd :-)

grüessli


 1 2 3 4 5 6
Tanzkurs   Schnubel   v=aqRCA8B-dSc&feature=fvst   Hochzietstanzkurs   v=BDIO6c8vlTE&feature=related   2011«»~«»«~»   Wiehnachtsgschenk   Hochzeitstanz   gesselschaftstanzkurs   hochzeittanzkurs   Standardtanzkursen   Weltmeisterschaft   Hochzeitstanzkurs   eigentlich   privatstunden   «~»«»~«»Hochzeit   Standaart-tanzkurs   Hochziitstanzkurs   Hochzeitseinladung   gemacht
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!