Hoi zäme

Eg be drom bäte worde, öich z'verzöue wie öises trash the dress gsi esch.

Super! Es het wörkli sehr Spass gmacht ond d'Föteli sind genial worde. Mis Chleid het die ganzi Aktion guet öberstande. Es het paar Fläcke abbecho natürli ond dr Chnopf wo me d'Schleppe het chöne ufestecke esch abgrisse. Söscht gsets guet us.
Mer händ aus Location es auts Industrieareal gha, wo dr Fotograf öis vorgschlage het. Dört hät me auso no stondelang chöne witer fötele.
Mim Ma hets ou gfaue, obwou er zerst chli skeptisch gsi esch (was esch denn das scho weder? Ha doch dänkt, dass s'Brutmonster jetzt wäg esch...)
Före Fotograf (ond för öis natürli ou) eschs en Premiere gsi, aber e be sehr zfrede met em Ergäbnis. Ond es esch eifach schön gsi, nomau is Brutchleid z'schlöpfe. Me het sech grad weder so gfüeut wie am Hochzit...

Chas auso aune nor Empfähle wo Lost hei so öpis z'mache.

Gruess
Piglet

• Zitieren

hey piglet

häsch fotos gmacht wo mer de link däzue dörft ha? würd mi sehr wunder neh. wie trashig isch es denn gsi? also was hend er für pose etc. gmacht? dur was hät sichs vom paarshooting amene hochzit abghobe ussert em industrieareal? gwundrigbin :-)

grüessli

• Zitieren

Danke Piglet für Din Bricht. Klingt echt toll.

Die Froge vode Carmile würed mich au wunderneh. Häsch denn no e Frisur mache loh? Die wod am Hochzig au gha häsch oder wie häsch das gmacht?

lg Yasi

• Zitieren

Hallo!

Ui, auso, e hoffe e cha öich aues beantworte:

Jo, e ha mer vom Coiffeur nomau die glich Frisur lo mache wie am Hochzit. Gschminkt hani mi säuber, esch no rächt guet usecho
Auso e ha jo mis Chleid ned rechtig trashed, auso kapott gmacht. Aber mer händ ned gross Röcksecht gno druf wägem dräckig wärde. Sprich es het jetzt z.B. Rostfläche etc. vom alähne ond so. Hät ou guet chöne passiere, dass es en Schranz gä het. E ha natürli scho ufpasst. E ha rächt müesse omechlättere ons so, drom hani onderem Chleid ou d'Wanderschue agha. Nach Bedarf hani denn id Brutschue gwächslet vor Ort.
Öb d'Föteli so andersch sind aus emne normale Paarshooting...hmm... zom Teil scho, zom Teil ou ned. D'Location esch secher ned so, wie me se förnes normals Shooting wörd wähle. Ebe wägem dräckig wärde ond es wär vöu z'asträngend zom dört go ennerhaub chorzer Zit Föteli go mache. Mer händ jo öppe vier Stond lang gfötelet ond gmacht.

Do dr Link zor Galerie, be jo gspannt was der meinet:
Link wieder entfernt

För öis esches of jede Fau en super Ergänzig zo öisne Hochzitsföteli. Die sind ou schön worde, aber e däm Senn ned speziell usgfalle oder so.

Grüessli
Corinne

Zuletzt bearbeitet am 06.05.2010

• Zitieren

also ich findes au schöni föteli.. aber für mich isch da nöd "trash the dress"
unter dem verstohn ich mit ein chleid in see gumpä, mit farb bekleckerä, äs auto reparierä und volle öl werdä...

********** Unser Fest findet am 29.Mai 2010 in der **********
Ostschweiz statt

• Zitieren

@bettinli: Das kannst du gerne mit deinem Kleid machen.... übrigens ist in den See hüpfen auch nicht wirklich trash the dress... das Kleid wird ja nicht beschädigt. Ich hab immerhin in meinem Kleid Kohle geschaufelt... ich wollte es einfach so machen, dass das Kleid nachher wenn möglich wieder sauber wird. Aber das muss jeder für sich selbst entscheiden.

@calla: Hochzeit war im Oktober, TTD vor zwei Wochen, wetterbedingt, wir wollten auch Fotos draussen machen können und in diesen Hallen war es selbst jetzt noch ziemlich frisch...

@all: Danke für die Komplimente, ich find die Fotos auch super

• Zitieren