Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Tüfelskreis
Tüfelskreis
 1 2
Chaosbrut  am 10.03.2013

Tüfelskreis

Hallo zäme,

I ha mi grad neu i däm Forum agmädlet. Be zwar scho einige Zyt am Mitläse aber ha no nie s Bedörfnis gha öbis z schribe. Jez hani mi aber doch dezue entschlosse. Allerdings hocki sett öb ere viertu Stond vorem PC ond weiss ned wo afo.

Zersch mol mer hürote e knapp 3 Monet. Ond i ha s Gfühl es wachst mer alles öbere Kopf. Mer händ vor ca. 1 Johr afo plane. Ond am Afang esch das no alles rechtig toll gsi. Denn het de Stress em Gschäft zuegno ond met minere Motivation ond de Psyche esches bärgab. Em letschte Herbscht hets denn agfange met Schlofstörige ond ständig schlächter Luune. Ha nüt meh möge verlide. Afangs Johr send denn no Kreislaufproblem dezue cho. I be de mol zum Huusarzt ond dä het gmeint weni so witer miech heigi gli es Burn Out. Aso hani mi dezue entschlosse mol zunere Kinesiologin z go zum de ganz Stress chli abbaue. Ond die het Wonder bewerkt bereits nach einer Sitzig hani weder chöne dore schlofe ond ha ou sösch weder vell meh Energie gha. Sethär esch eigentli weder vell besser gange. De Stress em Gschäft esch ou weder ufs erträgleche abe.

Em Momänt esches sogar eher langwilig ond trotzdäm magi weder gar nüt verlide. Sobald 2-3 Sache metenand send hani s Gfühl es wärd mer z vell.

Dezue chont dasi be Stress so rechtige Fressafäll ha. Ha em Sommer voreme Johr fasch 10 Kilo abgno. Ond d' Hälfti hani jez de scho gli weder droffe. Jez hani Angst, dasi gar nöm i mis Chleid passe. Ha scho öbbe 3 Kilo zuegno settis kouft ha. Ond das stresst mi natürli grad nomol meh. Je meh Stress, desto meh essi, desto weniger passsi is Chleid, desto weniger Freud hani allem.

Ergendwie weisi halt eifach ned wieni us däm Tüfelskreis use chome. Ond met öpper dröber rede chani ou ergendwie ned. I go mer jo afe säuber ufd Närve met däm ständig gliche Thema. Wörd am liebschte vor mer sälber devo loufe. Aber es het guet do das mol z schribe.

Danke euch förs Zueläse



thomel

nicht registriert

am 10.03.2013

Re: Tüfelskreis

Ich denke das Beste wird sein, du gehtst wieder zur Kinesiologin und suchst dir nebenbei noch eine Sportart aus die entspannt z.B. Yoga, Pilates usw. Und was ich auch ganz wichtig finde, dass du dich selber inkl. Macken und Schwächen akzeptieren kannst und auf deinen Körper hörst.

Was dein Kleid angeht mach doch einen Termin im Geschäft ab und geh es nochmals probieren, so hast du diesen Stress eliminiert.
Mit dem Frustfressen mach ich es so ich esse nur wenn ich dabei kein schlechtes gewissen habe, sonst gehe ich nach draussen (durch den Tag) oder ins Bett schlafen. Am nächsten Morgen sieht das ganze wieder ganz anderst aus.



sonne13  am 11.03.2013

Re: Tüfelskreis

hi teufelskreis! oh jeh, das klingt sehr verzweifelt... ich kenne das sehr gut, ich habe früher auch mein stress und negative gefühle unter zusatz von ganz vielen kalorien runtergeschluckt. glücklicherweise liegt meine letzte fressattacke schon eine ganze weile hinter mir (das ist mir gerade eben erst bewusst geworden!). ich glaube, thomel hat recht - ich würde dir auch bewegung vorschlagen. seit ich sport mache, fress ich meinen frust nämlich nicht mehr in mich hinein. ich habe andere wege gefunden, um stress abzubauen. ich denke, es reicht schon, einfach an die frische luft zu gehen, ob bei sonne oder regen, tief durchzuatmen und in sich hinein zu hören.
als es bei mir mal ganz schlimm war und sich dies allmählich auch auf der waage bemerkbar machte, habe ich mir folgendes vorgenommen:

1. bevor ich der lust nachgebe, warte ich eine halbe stunde. meist ging ich dann nach draussen - und wenn ich zurück kam, war die lust verschwunden.

2. bevor ich was esse schreib ich in ein buch, was ich essen will, wieso ich es essen will, und wieso ich denke, dasss es mir gut tut. gleichzeitig habe ich mir überlegt und aufgeschrieben, wie ich mich nahher fühle... meist hat mir das geholfen, die "bösen" guetzli & co nicht anzufassen...

du magst mich jetzt für bescheuert halten, aber teilweise hab ich aus lauter wut auf chips und keks ganze packungen davon zertrampelt und weggeschmissen! evt. hab ich so auch etwas von meinem stress abbauen können...

sei nicht zu streng zu dir! du schaffst das bestimmt! und wenn du's geschafft hast, dann bist du sooooo etwas von stolz auf dich, und dann gehts bestimmt wieder bergauf!!!

vielleicht noch was am rande: mir ist wirklich gerade bewusst geworden, dass ich durch den sport gelernt habe, anders mit stress umzugehen. wer weiss, vielleicht ist dies ja deine chance, auch für dich was zu finden das dir hilft - auch in zukunft, wenn in deinem leben wieder mal eine "downphase" auf dich zukommen sollte...

ich wünsch dir ganz viel glück und alles liebe!



elea  am 11.03.2013

Re: Tüfelskreis

guete morge chaosbrut!

hmm bi sonere hochzit cha eim schnell alles öbere chopf wachse. ond vorallem wenn me de zb em gschäft no streng het de esch das rechtig energie-raubend. au wenn de plötzli nömme vell los esch eschs de ame glich schwerig em chopf weder echli abezfahre. de chopf fendet emmer ergend öpis woner cha studiere. wie i dem fall jetzt wegem chleid!
i wörd of all fäll so wied thomel gseit het witer zor kinesologie go. wel anschinend het der das jo guet dO, aso wördi das witer mache!
wegem chleid wördi au sege nomol aprobiere, velecht machsch der jo wege nüt sorge ond es passt emmerno tiptop! wennd es gschnüerst chleid hesch, chame jo eh no bez öpis met de grössi mache! ond notfalls chame das chleid secher weder es bezli grösser mache. i de regel dönd si s chleid zo zeme ne dass mes weder cha ndere. wörd das aber secher mol metem lade aluege wos kauft hesch. wersch jo chum die einzig brut of de welt si wo vorher no bezli zuegno het oder? ;)
ond wasi of all fäll wörd mache esch gwösst sache vode hochzit halt lüt abge wod vertrausch. weisch das zo ehne erlech beshc ond seisch, es esch der momentan echli zvell ond du bruchsch helf bide organisation. dis mami oder dini trauzügin werdet der secher echli öpis chöne abneh.
aber vorallem wördis au dim frönd sege. mengisch helfts nome scho wenn mes öperem cha verzelle..
am afang vode planig beni fasch dorredreiht weli sooo angst gha ha das mer ke location ond ke musiker ond nüt fendet. es het mi tag ond nacht beschäftigt. ond i ha doch ned sone terror brut wele si wo doredreiht! aber i has de mol mim frönd verzellt ond er het mi wörkli weder echli chöne abehole ond beruige! red met dim frönd, er esch jo secher din engste vertroue!



Chaosbrut  am 11.03.2013

Re: Tüfelskreis

Hallo zäme,

Danke för die ufmonternde Wort ond Tipps. Eigentli kenni jo die Tipps alli ou ond normalerwis funktioniere si scho, aber geschter esch grad ergendwie chli vell gsi. Höt gseht d Wält scho weder besser us. Ha geschter grad chli en Wocheänd- Hochzyts- Koller gha.

Debi esches gar ned so schlemm ond üchi Rotschläg hani eigentli alli scho vorem schribe befolgt Morn hani en Termin bede Kinesiologin. Dänke das helft mer secher. Ond nöchscht Woche leggi denn s Chleid nomol ha, werd wohl no passe . Has ebe scho be mim Mami do se mer d Änderige werd mache. Ond vom Organisiere här esch eigentli eh scho zemli alles planet oder denn send d Ämptli verteilt. Eigentli chönti quasi nor no helegge ond mi druf freue. Aber das muess zersch mol no e mim Herni rechtig acho.

Het aber trotzdäm guet vo euch z Läse. Danke.

Liebi Grüess vode Chaosbrut



elea  am 11.03.2013

Re: Tüfelskreis

jo mengisch chame sech de chopf öber sache zerbreche wo me eigentli gar ke grond het dezue. aber i so krise-moment esches schwerig objektiv zblibe do chame sech super i öpis ine steigere...
ond ebe mengisch helfts nomescho wenn mes neumet cha useloh.
denke di meischte vo eus hend scho so krise moment gha. i ha au scho denkt, gopf wiso gömmer ned eifach es standesamt ond nacheten ine kebab-lade? wer soo eifach zom organisiere
aber ebe, d fraue-hirn scaffe halt mengisch e bezeli me als si müesste... ;)



sonne13  am 11.03.2013

Re: Tüfelskreis

Hey chaosbrut, schön dass es der besser goht! Ich glaub de meischte wachst zwüschedüre mol alles chli über de chopf, ha au scho s'eint oder andere krieseli hinder mir mis chleid isch imfall scho apasst worde bim chauf, fascht es johr im voruus! (Ha dene eifach vertraut - bi jo schliessli aafängerin) ha mi denn au gfrogt ob das schlau isch. Guet, wachse wirdi nümm sie hend de gmeint wenns gschnüert isch si 1,2 kilo plus oder minus keis problem!



Chaosbrut  am 11.03.2013

Re: Tüfelskreis

Jo das esch scho so, meh cha sech sehr guet i öbis ine steigere. Standesamt ond Mc Donalds wär doch ou no öbis
Jo vo de Längi här esches secher keis Problem, do hani jez eifach no ufd Schueh müesse warte. Aber vom Omfang. Ha keis gschnüerets ond es esch mer scho zemli perfekt gsässe. I gsehs jo denn. Ond sösch hani emmer no 2 Monet zum die paar Kilos loswärde. Ergendwie werd denn das scho klappe
Ond be de nöchschte Krise schribi sösch eifach werder do ine Ehr brenget eim jo weder super ufde Bode.



sabrinella  am 11.03.2013

Re: Tüfelskreis

chaos brut schüsch dueschdoch eifach öbis trinke wend e attacke hesch kaffi oder so???
oder den issisch rüebli bisd usgsehsch wie en haas
du schafsch das sicher!!!!



elea  am 11.03.2013

Re: Tüfelskreis

sonne mer eschs glich gange! mer hends s chleid au 11mönet em vorus apasst! ha au ke ahnig gha wie das lauft! ond jez eschs mer ca. 5cm z äng und i muess es witer lo witer mache! aso besch ned di einzig, chaosbrut, wo ned is chleid passt (momentan)
han au kes gschnüerts chleid :/ ond soo vell chame ebe ade broscht ned abne( emo ich ned)

jo genau wend weder fruscht hesch denn verzellsch es eus!!!!



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.