Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Was ich eifach mal muess los werde....
Was ich eifach mal muess los werde....
 1 2 3 4 5 .. 8
nimbini  am 27.07.2011

Was ich eifach mal muess los werde....

Hi Ladies,

Mir isch grad langwilig im Büro und so han ich agfange, chli in Erinnerige a die vergangene Mönät z'schwelge... Im "ich freue mich-thread" passts ja irgendwie au nöd ine und suscht gits au nüt passends....

Bin grad chli truurig und sentimental, dass Eusi wunderbari Zyt scho verbi isch und so bini grad chli uf Eusere Homepage go schneugge, han Föteli agluegt vo de Hochzyt, vo Eusere Hochzytsreis, vo Eusere Vegas-Polterwuche und Brichtli gläse.... Es isch eifach so e geniali, unvergässlichi Zyt gsi....

Selbst s'ganze letschte Jahr, wo ich mit plane und organisiere beschäftigt gsi bin, hät so mega Spass gmacht. Leider erfüllt mich min Job momentan nöd zu 100% und drum schwirr ich so oft da im Forum ume und han jetzt sogar no agfange, i anderne Fore z'schneugge Ja ich weiss, nöd normal, aber irgendwie muess ich mich ja beschäftige de ganzi Tag!

Sorry, hani eifach müesse los werde und villicht gits ja no die eint oder ander, wo eifach mal was muess los werde wo suscht eifach nirgends ine passt.....

Lg Nimbini



PrinzessinN

nicht registriert

am 27.07.2011

Re: Was ich eifach mal muess los werde....

Liebi nimbini

Mir gohts ähnlich. Min Job erfüllt mich au nöd 100% und ich bin froh, dass ich mis HZ organisiere chan. So bini doch beschäftigt. Ich mag gar nöd dra denke, wies isch, wenn die Zit verbi isch .

Chan dich drum sehr guet verstoh. Finds aber sehr schön, dass du so schöni Erinnerige hesch a dis HZ, d Polterreis usw. Das zeigt doch, dass ihr s Fest vo euem Lebe gha hend und nüt bereuet, nüt nög gmacht hend usw...das chan leider au nöd jede vo sich behaupte.

E Fründin vo mir nervt sich hüt no, dass sie kei "richtigi" HZ gha het. Sie het kei gueti Fotis, het keis "richtigs" Kleid agha usw....das nervt sie hüt no. Sie het mir drum gseit, mach alles, wo du wotsch, sust bereusch es denn. Klar mues es im Verhältnis si und me mues es chöne finanziere...aber das hani mir zu Herze gno und ich glaub mir hend alles für s HZ, wo üs wichtig isch und ich hoffe, dass mir au en unvergessliche Tag werdet ha, wo üs so gueti Erinnerige beschere wird, wie eues HZ bi eu.

...Today, Tomorrow And Forever...You'll always be my love...8. Oktober 2011



nimbini  am 27.07.2011

Re: Was ich eifach mal muess los werde....

@prinzessin, ach da bini froh, dass es lüüt git, wo mir chönd nahfühle ;o)! ich bin total froh, dass es das forum git, vor de hochzyt bini froh gsi und jetzt au, wils für mich eifach e gueti beschäftigung isch.....

dini kollegin hät würklich rächt! gnüss die vorbereitige i volle züg und versueched, uf nüt müesse z'verzichte, wo eu wichtig isch! egal wänn ihr über em budget sind, solangs eu nöd reut, machts nüt! mir sind au total über em budget gsi, aber mir bereud no immer kein rappe wo mir für all das usgäh händ..... da hät dir dini fründin also würklich en guete tip gäh! gnüss d'vorfreud no, d'zyt lauft soooo schnäll, das isch eifach wahnsinn! und irgendwie isch nach de hochzyt alles verbii.... also nei, so natürlich scho nöd grad, aber grad bi eus isch jetzt halt au zerscht mal spare agseit, so e hochzyt rupft halt s'bankkonto scho ziemlich! drum isch mer grad no meh langwilig, ich weiss zwar, uf was ich spare (es baby, es huus, die nächste ferie), aber das isch alles so nonig griffbar und ich bruche halt eifach amigs öppis vor auge, wo ich mich chan druf freue und wo irgendwie au chli absehbar isch..... hach ja....



Cherita  am 27.07.2011

Re: Was ich eifach mal muess los werde....

Liebi nimbini

I cha di u mega guet verstah u mir geits genau glich!

Mir hei fasch zwöi Jahr planet u ig ha Moneyboxe gmacht, es ufwendigs Wunschbuech, stundelang uf Projectwedding Idee gsammlet u hunderti vo Stung uf däm Forum vrbracht. Üsi zwöimonatigi Hochzitsreis isch o vrbi u jtze muessi wieder schaffe. U im moment isches bi üs eifach nume mühsam bim schaffe. Aues isch am umstrukturiere u ja!

Was mir hiuft isch anes nächschts Projekt denke. Irgend e Lichtblick

Liebs Grüässli

PS: Isch ds angere Forum swissmom.ch? Derte gani u gern ga läsä u muess hüfig gränä, lachä, schmunzle oder o dr Chopfschüttle. Bi üs isch dr Chinderwunsch no ganz wit entfernt, aber es isch u interessant

****** ***** **** ** 28. Mai 2011 ** **** ***** ******



livipivi

nicht registriert

am 27.07.2011

Re: Was ich eifach mal muess los werde....

@Nimbini: KNUDDEL. Mir gahts zwar ned schlecht wenn ich a die schöne Täg zrug denke, aber ich würd vieles drum geh, wenn ichs namal erläbä chönt. Ich verstoh dich mega das es grad wenn'd ned erfüllt bisch im Job- mega schwer isch und du au mal trurig bisch.
Glaube es gaht viele so, wos scho düre hend- wie au d Prinzessin seit, sie sich sogar jetzt scho dri chan versetzte..., versuech dir öpis ander s sueche wo dich beschäftiget und dich freut. Es neus Projekt. Bilder Male, Reise plane, mit Fründe verruckti Sache mache wie z.b. Seilpark oder irgend en coole Wasserpark oder halt was es na alles git (evtl. Bunjeejumping? (has sicher falsch gschriebe))

Ich wett endlich wieder me male- aber mir fehlt d Inspiration und d Ziit momentan. Also privat lauft eifach sooo viel. Ich wett ich het bim schaffe so z tue

Hand in Hand... ein Leben lang, seit dem 07.05.2011



PrinzessinN

nicht registriert

am 27.07.2011

Re: Was ich eifach mal muess los werde....

jo ich glaub du hesch mol gschriebe, wie tür eues hz gsi isch . mir möchtet scho luege, dass es no im rahme bliebt. hend s budget scho 2-3 noch ufe korrigiert.

wie du seisch...mir hend eifach gwüssi sache, wo für üs wichtig sind und uf die mir nöd verzichte wönd und die kostet halt au gnueg. aber es git au paar pöste, wome guet spare chan. ich han z.b. kei limo wöle, do heti jetzt gspart. jetzt schenkt üs min brüeder das...findi schön.

oder z.b. bi de blueme wömer jetzt au chli luege...ich find eifach, es söt scho no chli im verhältnis si. es goht mir nöd drum, ob ichs zahle chan....ich wot eifach nöd so viel geld für ein tag usgeh. wenn ich amigs drüber nodenke, wirds mir grad anderst. für das chame es auto kaufe

aber ebe...wenn ich denn ghöre, dass mini fründin so nöd happy isch, wenn sie vo ihrem hz verzellt...denn isch es au schad. obwohls do im forum jensti brüt git, wo es "günstigs" hz gha hend und au uf nüt verzichtet hend...das isch echt cool!!!

mir gohts ähnlich wie dir...wenn ich weiss, wofür ich spare, denn gohts...aber wenns so nöd absehbar isch, denn hani au müeh. aber denke, das sind alles sehr schöni sache, wofür du spare tuesch. das lohnt sich würklich und ebe...me mues noch em hz au zerst mol wieder chli geld uf d site tue...

du hesch recht...d zit goht cheibe schnell ume. es goht no chli meh wie 2 mönet...wenn ich denke...vor kurzem sinds no 4 oder 6 mönet gsi und soooo wit weg. und jetzt hani s gfühl...wow ich mues no so viel erledige und han nur no so wenig zit....und ich glaub de tag selber wird au zu schnell ume go...do tuet me 1 johr plane und schwups isch de tag ume...

...Today, Tomorrow And Forever...You'll always be my love...8. Oktober 2011



nimbini  am 27.07.2011

Re: Was ich eifach mal muess los werde....

@cherita, hihi ja genau, bi swissmom gangi jetzt au no go mitläse! bin zwar nonig aktiv, aber wer weiss, villicht wird ich det au no das jahr aktiv, schön wärs und dänn würd ja eigentlich au scho de nächst liechtblick da si, wo ich voll und ganz chönnti ufgah inere neue ufgab ja am umstrukturiere sinds bi eus im büro ebe au, drum isch es no müehsamer! d'lüüt sind unzfriede, vieli gönd etc... wänni nöd so en tolle chef und en guete lohn hetti, wäri allweg au scho lang weg....

@livipivi, also schlächt gahts mer nöd, wänni a die zyt zrugg dänke, bin dänn eifach chli truurig, wils verbi isch, aber es tuet mer ja guet, wänni dänn chli chan föteli aluege und in erinnerige schwelge! reisli plant hani scho wie verruckt, han i dere zyt, sit mir wieder zrugg sind, scho es paar neui reiseprogrämmli zämegstellt für die nächste reise, aber ich chan eifach nöd ganz drin ufgah, wänni nöd weiss, wänn dass ich eini vo dene reise dörf verwürkliche, das fehlt mer momentan eso fescht! hihi und go bungee jumpe bini au scho aber ja, ich han dänkt, dass ich jetzt mis eigne projektli bin i nächster zyt, dass ich leuge, dass es mir guet gaht, dass ich wieder gsünder läbe und mich chli meh um mich sälber tuen kümmere (au mit abspecke und aktiver und eifach zfriedner werde)..... aber ebe, isch amigs gar nöd so eifach, sich am abig no ufzraffe! wie du seisch, mir händ privat au immer sehr viel ob und wänn ich dänn 8 stund am tag im büro umehocke, dänn chum ich eifach krise über, wänni weiss, dass ich dehei no soviel chönnti mache und tue.....

@prinzessin, gäll ihr händ eu natürilch au nöd grad die günstigst location usgsuecht! han übrigens müesse a dich dänke, mir gönd nämlich morn zu euere location is kino am berg, han e kuschelloge für min maa und mich buecht, eifach, dass mir eus mal wieder was guets tüend und eus chil verwöhne lönd und en schöne abig chönd zäme gnüsse ich glaube, schlussendlich spielts kei rolle, wieviel dass e hochzyt chostet, ich han müesse feststelle, dass s'wichtigste a dem tag d'lüüt sind, mit dene ihr fiired, wänn das gueti lüüt sind, wo eu am herze lieged und umgekehrt, dänn chan eigentlich gar nüt meh schief gah! wänn dänn no cooli musik dezue häsch, isch au no party grettet ! und primär isch es eh wichtig, dass es für eu stimmt und das wirds ganz bestimmt, du stecksch ja glaubs öppe soviel zyt i die ganze vorbereitige ine wie ich au und drum wirds ganz bestimmt für eu de perfekti tag werde.... falls es dich beruhigt, ich han nöd s'gfühl gha, dass euse tag extrem schnäll verbi gange isch! also scho schnäll, aber ich han trotzdem jedi minute chönne gnüsse und miterläbe und han au nöd s'gfühl, ich mög mich a gwüssi sache nüme erinnere! isch sicher au, wil ich de grossteil sälber plant han und immer gnau gwüsst han, was als nächsts passiert! han gwüsst, wänn eusi trauzüge öppis plant händ und han mich so chönne mental druf istelle und jede momänt gnüsse..... und s'gfühl nach de hochzyt isch au so unbeschrieblich schön und wird sicher au no es paar täg wänn nöd sogar wuche anehebe, das isch so de tolli nacheffekt



PrinzessinN

nicht registriert

am 27.07.2011

Re: Was ich eifach mal muess los werde....

jo nimbini du seisch es...d location isch nöd grad die günstigst und me het eifach kei anderi alternative. aber das hemer jo scho vorher gwüsst. aber isch halt scho eher tür s ganze esse am obig. jenu...min schatz isch en hobbykoch und ihm isch s esse sehr wichtig und de ort bedütet üs zweine viel. vo dem her passts ebe scho.

das glaub ich dir, dass d gäst viel usmachet. mir hend nur lüt iglade, wo mir gern hend und wo üs am herze liegget. vo dem her alles paletti

und jo, ich han scho sehr viel zit is ganze organisiere, plane usw. investiert. ich bin halt e perfektionistin und möcht au, dass d farbe zäme harmonieret usw...wot halt, dass es schön ussieht . und es macht mir spass, im internet noch schöne bilder z sueche

ich denke, wenn bi eu de nochwuchs gli chunt, denn hesch würklich wieder e beschäftigung. denn chasch dich voll i das thema inehänge...weisch wie schön

und i de zwüschezit findi dis vorhabe, dir öppis guets ztue, sehr guet!!! das vergisst me nämli schnell...und me söt sich viel meh öppis gönne...wie z.b. de obig mit dim maa im kino..super idee.

aber ich chan dich verstoh....wenn me de ganz tag im büro hockt und nüt ztue het und weiss, was me daheime alles mache chönti...du sprichsch mir grad us de seel...das nüt tue isch schlimmer, wie wenn me stress het. me wird so träge und mag gar nüt mache...us dem uszbreche, isch schwierig. goht mir nämli glich....aber du hesch scho es guets vorhabe...für dich und din körper luege...das machi au

...Today, Tomorrow And Forever...You'll always be my love...8. Oktober 2011



dia

nicht registriert

am 27.07.2011

Re: Was ich eifach mal muess los werde....

Huiiii, do isch aber vill gange inde letzte 2 Stund....
Mir gohts genau glich wie bi euch verhürotete Brütlis!
Ich vermiss au die ganzi Vorbereitigszyt, weiss au nid mit minere ruhige Zyt im Gschäft a zfo, dorum bin ich au die ganz Zyt in däm Forum. (macht fast scho chli süchtig)
Vorhär het me Sache im Netz gsuecht, Termine ka (Location, Probeessen, etc) das vermiss ich scho... Es isch ohni s Thema Hochzyt so ruhig worde...
Mi GG verstoht mi do nid, er schüttlet immer dr Kopf wenn er mi im Forum seht und seit immer: Schatz, d Hochzyt isch verbi!
Ich muess au wieder öbbis neus sueche wo mich packt. Ha zerst dänkt mit de Flittis plane ka ich mi au es zytli beschäftige, aber irgendwie isch es nid s gliche. Das fang ich glaub erst e monet bevor mir gön intensiv afo plane!
Mis nägste Ziel isch au MB z mache, aber das goht au no e zytli bis ich das ka apacke.
Mi Job berauscht mi au nid, aber ich ha wenigi Momänt wos ruhig isch. Do ich in 1-2 Joor au möcht Mami wärde, blieb ich no dört. Würd sunst kei andere Job finde wo me guet verdient au wenn me nur no 30% würd schaffe... Aber wenn ich wüsst, dass kei Famileplanig astoht, denn würd ich mi au langsam nacheme andere Job umeluege!
Aber zum Glück hän mir das Forum gfunde und vili Lüt kenneglernt wo die gliche Sorge, Freud und Leid könne teile! Danke vill mol!!!!

Lg, dia

....unser Traumtag war am 21.5.2011...



sigport  am 27.07.2011

Re: Was ich eifach mal muess los werde....

Die Grosse Hochzeitsvorbereitung ist bei uns noch gar nicht vorbei und mein GG witzelt jetzt schon das mir danach langweilig sein wird!
Aber dann kann ich ja anfangen das Kinderzimmer zu planen

Auch wenn ich mich riisig auf die Hochzeit freue, hab ich wirklich angst davor, dass alles plötzlich vorbei sein wird... aber ich denke lieber noch nicht daran!¨

Das bei der Arbeit kenne ich. Ich arbeite Schicht und oft gibt es bei der Arbeit eine "tote" Zeit wo wirklich nichts lauft und da kann ich wirklich nichts machen... da würde ich schon gerne meine Privaten Dinge erledigen.. doch mehr als im Forum rum zu kurven geht leider nicht.




~°~°~ Liebe ist.... der 25.08.2012 ~°~°~



 1 2 3 4 5 .. 8

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.