Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Winther Hochzeit
Winther Hochzeit
 1 2
nici  am 08.10.2007

Winther Hochzeit

Hy wönsche afe aune e schöne Obe. Hätt do mou e Frog ed Rondi. Het ergend öper Erfahrig met Hochzit wo em Wenther statt fende? Be om aus froh woni a Infos bechom.



cannella  am 10.10.2007

Re: Winther Hochzeit

Hallo Nici

Ich ha zwar sälber ned vor im Winter z hürate, aber mini Eltere hend vor 2 Jahr in Winter ghürate und det sind mini Schwöschter und ich Trauzüüge gsii, ha aso alles hutnöch mitbecho. (Zum Verständnis: min Stiefvater und mis Mami hend ghürate)

Ich cha nur eis säge, es isch absolut romantisch gsii!! Sie hend uf em Standesamt de letscht Termin übercho und bis mier de dusse gsii sind isches scho am Idunkle gsii und es hed afa Schneiie *schmelz*. Es hed wunderschöni Föteli gäh! Die tuusig Schneeflocke im Dunkle wo uf de Föteli im Liecht so richtig glitzered, eifach traumhaft. Üsi Eltere hend de zu allem ane no amene romantische Datum ghürate, nämli am Valentinstag.

Es Grüessli

cannella



nici  am 11.10.2007

Re: Winther Hochzeit

Danke för Dini Antwort mer Hüroted am 15.02.08 Zivilisch ond am 16.02.08 Kerchlech. Ech han de auno mine 25. Gebori ond ergend öpis speziells wet mer scho no lo i faue. Mer hend beidi Trouigsthermine am nomittag am 2. Wen hürotisch Du?



cannella  am 12.10.2007

Re: Winther Hochzeit

Hey, iehr hend ja fascht au de Valentinstag breicht *smile*, findi cool! Wettsch denn, dass es Schnee hed, oder ned? Ich finde irgendwie, zunere Winterhochziit ghört doch Schnee. Wenn du am 16.02. din 25. Geburi hesch bisch ziemlich gnau es Jahr jünger als ich. Ich ha am 10.02. Geburtstag und bi das Jahr 25gi worde :-)
Wo hüratid iehr denn?

Mier hüratid am 08.08.08 zivil und am 09.08.08 kirchlich. Hoffe, dass es mit em 08.08.08 klappet, mier chönd de Termin höchstens es halbs Jahr vorher abmache... aber da üsi Standesbeamtin vo mim erschte Schuelfründ s Mami isch und sie mittlerwile en gueti Fründin vo mine Elter isch und sie au a ihrem Hochziit traut hed, sött das scho z klappe cho ;-) Und inoffiziell weiss sies ja scho und sie hed de gmeint, sie täg üs de scho es Plätzli frei bhalte *vielfreud*

Es Grüessli

Cannella



nici  am 15.10.2007

Re: Winther Hochzeit

Sorry be scho lang nöm do gse ,ha chli Grepe gha.
Mer esches glich wens Schnee het. Wär ergendwie sogar schön. Mer hürote em Steinhuserberg. Lu. Dröck der Dume das es klappt met em Thermin. Met Vitamin B werds scho hi haue. Wo hüroted er den?



cannella  am 15.10.2007

Re: Winther Hochzeit

Oje, hesch das au müesse duremache? Mich heds vorletscht Wuche au verwütscht gha. Janu, chas gäh...

Mier hürated z Oberägeri ZG zivilisch (mier wohnid z Unterägeri) und z Cham ZG i de Schlosskapälle St. Andreas kirchlich.

Uf üsere Homepage chasch die schön Kapälle süsch mal go aluege http://www.wirheiraten.ch/kenel-erni



Tegerli  am 15.10.2007

Re: Winther Hochzeit

Hoi canella

Cooli Page!!

Du hesch jo grad chli truoble gha met dim Chleid Aber deför hesches jo jetzt!

D'Kapelle gseht ou ganz genial us. Öbrigens mer macheds glich wiener (Kath. Kapelle, reformierti Pfarreri, wenn alles klappt.)



cannella  am 16.10.2007

Re: Winther Hochzeit

Danke, es macht au richtig Spass, die HP z gstalte und vorallem au, willt so halt allne immer grad alli News chasch verzellä und üch gahts sicher glich wie mier, wemmer öppis Neus bezüglich em Hochziit hed, wett mers am liebschte luut useposune *schosittlängeremvielfreudha* (Chasch der sicher vorstellä, wie schwers mier fallt, no ned z verzellä, wo genau de Apéro und de s Fäscht stattfindet....aber mier wettid üsi Lüüt chli überrasche)

Das klappet sicher mit üchere kirchliche Trauuig, muesch evt. eifach chli energisch sii, de kath. Pfarrer vo Cham heds ned so lässig gfunde, dass mier i die kath. Kapälle en ref. Pfarrer nämid, aber sie chönds/döffids der ned verwehre, wenn de ref. Pfarrer kei Problem demit hed und das isch ja bi üs de Fall ;-)

Ja, mis Chleid isch echli en Sach gsii, aber ich bin wahrschindlich au kei eifachi Chundin *smile*. Aber ich finde, schliesslich wird ich ja so es Chleid nur einisch aha und drum muess es au perfekt sii!
Has evt. scho neumet gläse, bi aber nüm sicher, hesch du dis Chleid scho?

Es Grüessli

Cannella



arinas  am 16.10.2007

Re: Winther Hochzeit

Hoi Canella

Ha grad gseh, dass du ou wie mir am 08.08.08 hüratisch...:-) Mir hei üsi kirlechi Trouig aber e Wuche speter wie dir...ha mir ou no überleit, ob mir e ökumenischi Trouig wei. mir hürate ire ref. Chile, hei aber no kei Pfarrer...phuu, es git soo viel zum organisiere...:-)

LG, arinas



cannella  am 16.10.2007

Re: Winther Hochzeit

Sali Arinas

Cool, doch no en 08.08.08 Hochziit! Ja, es gid würklich no viel z tue eso en Hochziit z organisiere, aber es macht doch au riiiese Spass, ned? Bekanntlicherwiis isch ja d Vorfreud die schönschti Freud. Mier hend halt scho fascht voremene Jahr agfange üs gwüssni Gedanke mache und sind scho diversi Sach go aluege, drum chunnt bi üs s organisiere so richtig schön "Tröpfliwiis" und mier hend überhaupt kei Stress ;-)

Es liebs Grüessli

Cannella



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.