| Brüütlis usem Ruum Adliswil |
|
|
1 2 3
|
Mausi  am 20.03.2008
Brüütlis usem Ruum Adliswil
Hallo liebi Brüüt!!
Gits echt do au Brüüt usem Ruum Adliswil?
Hend ihr gueti Tipps wege Locations so rund um de Zürisee?
Grüässli Mausi
|
|
|
dodo10 am 20.03.2008
Re: Brüütlis usem Ruum Adliswil
Hallo Mausi!
Wohne zwar nüme in Adliswil, bin aber dört ufgwachse!  Bin jetzt ebe exil-Zürcherin mit Wohnsitz im Aargau...
Bisch du denn in Adliswil ufgwachse oder spöter anezüglet??
Grüessli dodo10
|
Mausi am 20.03.2008
Re: Brüütlis usem Ruum Adliswil
Hallo Dodo!!
Ich bin en exil-Thurgauerin wo weg de Liebi uf Adliswil züglet isch. :-D
Bisch du au weg de Liebi in Aargau zoge? 
grüässli Mausi
|
|
Manuela24 nicht registriert am 20.03.2008
Re: Brüütlis usem Ruum Adliswil
Hoi Mausi
Mir wohnet sit Oktober in Adliswil.
Standesamtlich werdet mer vermuetlich in Adliswil hürate. Kirchlich gönd mer in Kt. St. Galle, will det min Schatz (besser gseit Verlobte, sit gestern ) ufgwachse isch.
Was suechsch denn, es Restaurant oder ä Kirche?
Wunderschön isch sicher s'Schloss Rapperswil, ghört halt eifach nümme zum Kt. Züri.
Wänn wänd ihr hürate?
Lg
Manuela
|
dodo10 am 20.03.2008
Re: Brüütlis usem Ruum Adliswil
Hoi Mausi!
Ja, ich bin au weg dä Liebi in Aargau zoge...! 
Bis jetzt häts sich uf jede fall mega glohnt!!
Wo wohnsch du denn in Adliswil?
Grüessli dodo10
|
Mausi am 20.03.2008
Re: Brüütlis usem Ruum Adliswil
I wohne ade Bernhofstrasse. :-) Wo hesch du gwohnt gha in Adliswil?
ja bi mir het sichs bis ez au mega glohnt. hoffentlich blibt da au so. hihi. nei scherz. i wüsst kein grund warum ned. :-)
Wohnsch scho lang döte? Ich wohn zwar scho es Ziitli do, aber kenne tueni glich no praktisch niemert... Isch mängisch chli "frustrierend". :-)
Grüässli
Mausi
|
Mausi am 20.03.2008
Re: Brüütlis usem Ruum Adliswil
Hallo Manuela!!
Was het eu denn uf Adliswil verschlage? :-)
Mir werdet Standesamtlich au in Adliswil hürote. Mir hend de Termin nonig will mer erst im 09 hürotet.
Chirchlich werdet mer im TG hürote. Da isch min Wunsch. :-) und wenn alles klappet (de Termin isch nonig bestätiget) am 19.09.2009. :-)
Übrigends Manuela, gratuliere ganz ganz herzlich zur Verlobig!!!!!! *mega freu*
Grüässli Mausi
Editiert 20.03.08
|
dodo10 am 20.03.2008
Re: Brüütlis usem Ruum Adliswil
Hallo Mausi
Bin ade Wachtstr. ufgwachse...
Grad uf dä andere Site vo dä Sihl.
Es gaht mer im Fall glich... Kenne in Wettige eigentlich au niemer, usser grad die wo im gliche Huus wohned. Drum bini na mega vill in Adliswil, mini best Kollegin wohnt nämli dört...!
Wo schaffsch du denn? Au in Adliswil oder uswärts...?
Grüessli dodo10
|
Mausi am 20.03.2008
Re: Brüütlis usem Ruum Adliswil
Hallo Dodo10
ach soo!
Ja mini best fründin wohnt ebe au im TG. Darum bini recht viel döte. au weg minere Familie und so.
Wie lang wohnsch du scho in Wettinge?
Ich schaff uswärts. In Winti... isch halt scho chli än weg aber i suech öpis neus. :-)
grüässli
mausi
|
dodo10 am 20.03.2008
Re: Brüütlis usem Ruum Adliswil
Hallo Mausi!
Ich wohne sit knapp 2.5 Jahr in Wettige.
Mini Eltere sind ebe au en grund, wieso das ich so vill na in Adliswil bin.
Ich schaffe in Züri. Han vo Adliswil und vo Wettige öpe glich lang... Isch na praktisch.
Uf Winti isch grad chli en Weg, ich glaub da würd ich au öpis anders suche.
Weg schöne Ort am Zürisee chönt ich dir na s'Al Porto in Lache SZ empfehle, das isch sehr schön. Mir hend euses Fest ebe im Aargau, will mer dört en mega schöni chile und resti gfunde hend...!
Ich hüratet ja erst nächst Jahr....Glaub mer die Vorfreud isch mega schön.. und vor allem Ziit vergaht mega schnell. Fönd uf jede Fall gnueg früeh a mit plane resp. Resti reserviere. Mir hend meh als es Jahr vorher reserviert. 2 Wuche später isch dä ganz Juni usbuechet gsi...!!
Grüessli dodo10
|
|
|
1 2 3
|
Anmelden
