Hallo
@Manuela
Wiit... send mer imfall au nonig! Ich han zwar scho ganz vell Gedanke und Idee, aber ebe.... es sötted jo zwei mettmache

Ich fends aber beruhigend zom läse do enne... es goht allne öppe glich!

@buut09
Schräg aglueget händs mi ned im Lade (sie chönted onderumstände jo scho was verchaufe ) Und ich chamer au ned vorstelle dass mer nur 2 Lüüt darf metneh, aber wenni ehrlich ben hanis gfühl, je meh lüüt, desto meh meinige... Esch schösch scho schwerig!!

Wir Heiraten am 09.05.09

• Zitieren

Hallo zäme,

mir sind öppe au ähnlich wiit wie die meiste do inne. d'Chirche isch reserviert, s'Restaurant au und d'Fotografin isch au buechet. s'Hochzyytschleid hani jo au scho kauft (siehe "Traumkleid"). Suscht isch vieles i oisne Chöpf am Gstalt aaneh. Mir reded scho sehr vill übers Hochzyyg und au min Verlobte froit sich riiesig uf de Tag. Er seit amel, dass er fascht nüme so lang mag warte. :o)

@bruut09
wieso sötted die dich schräg aaluege im Lade? es git en huufe Fraue, wo ihres Bruutchleid scho früeh chaufed. bi mir isches jo au nöd planet gsi, dasis sooo früeh chaufe. ich han übrigens mis Mami, mini Schwöster und mini zuekünftig Schwiegermuetter mitgnoh. han au chli schiss gha, dass die im Lade denn seit, ich hett jo denn au gad chöne die ganz Verwandtschaft mitneh... isch aber überhaupt nöd so gsii. d'Beraterin hät gseit, es seig schomol e Bruut cho, wo 8 (!!!!) Persone mitgnoh hät.
Das wäge de villne Meinige hani mir au überleit gha. Vor allem händ mini drüü Begleiterinne nöd würkli de gliichi Gschmack. isch denn aber sehr interessant gsi. woni mit mim Chleid usecho bin, sind all total hin und weg gsi und händ gfunde, das passi perfekt zu mir.

lg Yasi

Mir froied ois extrem fescht uf oises Hochzig am 1. August 2009!

• Zitieren

hallo bettina
wie hesch dus gschafft, das schöne bildli ufezlade? bi mir wärde alli format nid akzeptiert...
grüessli

• Zitieren

Hoi Kaz

Wie das ganz genau gange isch bi mim Bruutchleidchauf findsch unter de Rubrik "Brautkleider, Make-Up, Frisuren & Ringe" unter "Traumkleid". I han jo würkli nöd planet gha, mis Chleid scho z'chaufe. aber ebe, wills 70% abegsetzt gsi sind, hani gfunde ich lueg eifach emol. Weisch, ide einte Chleider hani mi eifach nöd würkli wohl gfühlt, han mi chum chöne bewege. Woni denn DAS Chleid aagleit han und mich gseh han, hani nuno gstrahlet und mini Begleiterinne händ s'Muul fascht nüme zuebrocht.

d'Verkäuferin hät übrigens no gseit, dass sie immer sehr schnell gseht, obs das Chleid für d'Bruut isch oder nöd. Wenns de Bruut nöd so gfallt, denn lueget sie gar nöd so oft in Spiegel und bewegt sich au nöd würkli vorem Spiegel. gfallts ihre hingege, bringt d'Bruut de Blick fascht nüme vom Spiegel weg und treit sich immer wieder und strahlet natürli übers ganze Gsicht. So isches bi mir au gsiii.

Du wirsches sicherlich merke, wänns DAS Chleid isch. Gang eifach au emol echli id Hocke und tanz echli ume. ich findes mega wichtig, dass me sich au guet chan bewege. schliesslich isch me denn öppe 12h i dem Chleid.

Din Verlobte wird sicher au nochli is Fieber cho. also min Liebschte isch jetzt au nöd so z'begeistere, wänns um mini Frisur oder so goht. aber womer es Restaurant gsuecht händ, ischer voll debii gsi. für guets Esse chan me d'Manne doch schono begeistere.

lg Yasi

Mir froied ois extrem fescht uf oises Hochzig am 1. August 2009!

• Zitieren

Hei Yasi
Merci för din Tip beträff id Hocki go ec... stemmt, mer esch lang im Chleid! (freu mi mega!!! ) Ich has im einte Bruutgschäft au chli doof gfunde, well zemmli vell woni aprobiert han, send mer ned wörkli gange, (zchli, zgross, und dä chamer sichs au ned wörkli guet vorstelle!! ) im ander aber hingäge fast alli! Ich werd eifach nomol go luege (ha jo no vell derziit und vellecht sogar eleige?). Ich han scho ghört dass dBrüüt Föteli gamcht händ, was meined ehr do derzue?

No was zom Aesse. Leider hanen bi dä Location wos oms Aesse goht au ned chönne zor reserve uslocke... Es esch äbe "nur" es Usflugsrestaurant (wo mer zämecho send ) und wo ebe dUmgäbig mega cool esch (Wald und en Turm), sässe aber ebe keini 6* öberchont... Aber vellecht dä sProbeässe Dä ganz si sich secher au extrem mühe!! Ich han mer jetzt chli meh Motivation gwönscht ufä Geburi
Wir Heiraten am 09.05.09

• Zitieren

Mir wärded wenn möglich grad nachem Hochzig id Flitterwuche goh. s'Datum vom Hochzig händ mir extra so gwählt, dases ide Semesterferie vo mim Verlobte isch und mir nachane weg chönd. jetzt muen denn nuno min neue Arbetgeber zuesäge.

Mir wärded nach Kanada goh. Sicher es paar Täg in Quebec und nachane wohrschiinli nochli reise. Mol luege, für was oises Geld genau langet. Aber Kanada isch ganz sicher oisi Flitterwuche-Destination. Scho bevor mir ois kännt händ, händ mir beidi mol i das Land welä. Mir sind halt nöd so die für d'Maledive oder so. obwohls det zwiifellos sicherlich au sehr schön isch.

Mir froied ois extrem fescht uf oises Hochzig am 1. August 2009!

• Zitieren