| hochzeit 2009... |
|
|
1 2 3 4 5 6 .. 18 .. 29
|
|
bruut2009 nicht registriert am 14.01.2008
Re: hochzeit 2009...
hoi zäme....
mier hüürated au am 06.06.2009 um 15.00uhr ....d chile hend mer scho reserviert...und s catering hend mer scho usgwählt...aber da mer mit de lokation nanig 100% sicher sind hend mer dete na nüüt definitiv bueched...aber ich denke wenn mer die sache gmacht het denn chan mer chli zrugg lähne und d verlobigsziit nachli gnüsse, idee sammle und d auge und ohre offe ha....;o)
wieviel vorher dünd ihr im standesamt hüürate (für die wo au kirchlich dünd)?
mier hend denkt 03.06.09 standesamt und am 06.06.09 kirchlich
|
|
|
NaRu  am 15.01.2008
Re: hochzeit 2009...
Hy Bruut2009
I ha mer über z Standesamt no gar nid so viu Gedanke gmacht...
03.06.2009 fingi äs schöns Datum! Isch eifach grad chli nöch am 6.6.
Denn bini sicher scho chum meh asprächbar - Mues de no mittem Chef luege wie mer de das denn wei mache (si si mi scho itze am höchnäh)
Wo tüet dir de Hürate?? und wieso am 06.06??
Liebi Grüess
NaRu
|
|
bruut2009 nicht registriert am 15.01.2008
Re: hochzeit 2009...
findsch denn du das isch z näch..han eifacht denkt da für eus s standesamt nur formalität isch und mer nur mit de trauzüüge und de eltere gönd go esse isch das keis problem nur 3 täg usenand.
aber mer münd eus das vilicht namal überlege...
warum de 6.6.09...
also mal s 2009 weg em finanzielle...demit mer bis dete ane na chönd en grosse batze uf d siite tue...
denn hend mer afange studiere und de jahresplan aluege und sind denn mal schlüssig worde, dass es am beste september oder juni set sii...das denn d wahrschindlichkeit gross isch das es nöd grad 30grad isch....(kei garantie.) aber hoffenltich gliich mit chli sunne ;o)
ja und denn hend mer mal mit eusne geburidate agfange rechne...
7.10 und 1.3...das heisst d mitti vo eusne geburtsdate isch juni und denn 7-1 giit 6...und da das grad en samstig isch und na es schöns datum hend mer eus für das entschlosse.
bi dier isch es ja en geburi gäll....
mier hüürated in züri, und ihr?
wieviel lüüt ladet er ih as fest?
|
NaRu am 15.01.2008
Re: hochzeit 2009...
I finges würklech äs cools Datum - und weni di wär, de würdi das ou eso mache... Bi mir hätti eifach chli anscht, dasi de plötzlech grad chli viu ufz mau hätt (guet si ja viu schöni sache ;-)....
Mir hei z 2009 gwäut wüu mi Zuekünftig das Jahr gschäftlech no viu ungerwägs isch und Juni wüu das mi Lieblingsmonet isch - und der 6.6. isch der Geburtstag vo mim Grospapi...
As Fescht wärde mir "nume" 40-50 Gescht iilade. Die angere dörfe de aui as Apéro cho 
üses lieblingsrestaurant het nid für meh Platz... aber de heimer de vilech chli chli meh zyt für üsi Gescht, mau luege...
und de dir??
Mir wüsse äbä no nid gnau weli Chiuche, aber sicher nöime zwüsche Bärn und Bieu!
|
|
bruut2009 nicht registriert am 15.01.2008
Re: hochzeit 2009...
ja ich denke au so ca. 50 gäste as esse und de rest zum apero nach de kirche...
ah schön..kenne mich i dem gebiet was kirche agaht nöd so us aber suscht isch es ganz e schöni region....
|
|
bruut2009 nicht registriert am 15.01.2008
Re: hochzeit 2009...
hey NaRu
Es gaht nur na 1Jahr 4Monat und 22Tage....
bibber bibber....juuuhhhhuuuiiii freu mi jetzt scho soooo fest...
de moment wenn ich zur kirche ine chum mit em pape am arm und denn MIN MAA gsehne....da seg ich nur na brüele brüele brüele.. ..hihihiihihihhi
Muesch luege das Jahr gaht verbii wie im Flug und scho gli gli münd mer Notfalltröpfe, Baldrian und Schlaftablette iwerfe 
|
NaRu am 15.01.2008
Re: hochzeit 2009...
sägs niid i ha mir überleit, dass sech so ä Reisetrolley ganz in wiss gfüut mit Nastüechli sicher supper würd mache, hihi!
I bi sicher mir wärde no henne viu über üsi Planige mittenang chönne rede und schwärme - wird ä supper Zyt 
|
stupsi am 16.01.2008
Re: hochzeit 2009...
Hallo Brüütlis 2009
Bi eus isches au so, dasmer das jahr noch viel ob hend und drum 2009 gwählt händ. Dä 09.05.09 findi au es cools Datum und es isch dä Hochzietstag vo mine Eltere 
Sind ihr au scho soooo nervös wäner dra dänked? Obwohls no über es Jahr gaht?
|
stupsi am 16.01.2008
Re: hochzeit 2009...
Hallo Brüütlis 2009
Bi eus isches au so, dasmer das jahr noch viel ob hend und drum 2009 gwählt händ. Dä 09.05.09 findi au es cools Datum und es isch dä Hochzietstag vo mine Eltere
Sind ihr au scho soooo nervös wäner dra dänked? Obwohls no über es Jahr gaht?
|
|
bruut2009 nicht registriert am 16.01.2008
Re: hochzeit 2009...
eifacht so kribbelig wenn ich dra denke...wie wenn mer so frisch verliebt isch....uhi nei wie chunt das use 
|
|
|
1 2 3 4 5 6 .. 18 .. 29
|
Anmelden
