nicht registriert

hend ihrs scho vielne lüüt im kollege-kreis und im gschäft gseit das ihr hürated??

• Zitieren

Hallo Brut 2009

Mir hends nur mal de engste gsait... allne andere hemer eifach verkündet, dass mer mal verlobt sind. aber wenn was gnau hemer eigentlich nur de Eltere und Gschwüsterti und de Trauzüüge gsait...

Aber es stimmt ich bin ez scho furchtbar ufgregt. Mir schüsset amel würklich tränä id auge wenn i mir alles so vorstelle...

Redet ihr viel mit eune Männer über da Thema? Min Liebste interessiert sich scho au defür. Aber isch ez ned so, dass es für ihn nur da Thema git. hihihi...

• Zitieren

Bi üs wüsses öppe aui, dass mer hürate und zwar im 09... Begriffe teu haut nid ganz, aber mir isch das eigentlech sehr egau. Vorfreud isch die schönschti Fröid und i finges supper, dass ig mi sooo lang darf fröie!
Z gnaue Datum heimer ersch üsne Eltere und zwe Fündinne verrate und öich i däm Forum ou no

Wäg de Flitterwuche wüsse mer no nid - Schätzu wett ga Heli-Ski-Fahre uf Kanada... Fingi ja ou supper, aber eigentlech nid unbedingt aus Flitterwuche... mau luege

I gloube i rede wäsentlech meh über d Hochzyt aus mi Zuekünftig, aber är isch so nätt und hiuft aube o chli mit - schliesslech het är mi ja gfragt und de chaner itze nid chlemme, hihi!

Wägem Pass hani fasch z Gfüeu, dass du nid um die dopplete Chöschte ume chunnsch Ussert du würdsch di Name bhaute... Wohäre geits de id Flitterwuche??

• Zitieren

Salü
Es gaht nach Australie isch euisäs witä Ziel und das für än ganzä Monät *mega freud*
ICh fänds cooler wänn mer Zivil im Früäli ghüratäd wäns war isch. Da ich ebe Stadschleidig vo mim Heimatsland wet alegä Sri Lanka. Und da im Winter scho rächt chalt isch....Aber äs isch nanig völlig ugschlossä.
Mol mir hüratäd i minerä absolutä Darum Chilä uf em Sternäberg das isch ä chlini Kappälä im Züri Oberland. Freu mi riesig uf dä Momänt. Eus is eigendlich wichtiger Chirchlich hüratä aber leider müämer ja Standesamtlich. Gaht ja nid andersch. JaJa euis allnä wirds glaub diä anderhalb Jahr nid langwilig. Veralem will ich das Jahr eh na Trauzügin dörf sie. Und sicher wieder äs paar Hochziet zum Fotografierä ha.

Das wir äs cheibä spanends und ufregends Jahr.
Schönä Abig + viel Spass bim Treumä wünsch ich eu j

• Zitieren

ja mir sind gleubig und darum wettäd mir i dä chilä hüratä.ich find wänn mer nüt mit em glaubä am huät hät und trozdem i dä chilä hüratäd find ichs nid so richtig. aber das muäss jedä sälber wüsse.wiso hüratäd ihr i dä chilä?
und nach 4 jahr bezieg is ziet än schritt wieter zga.
;-) ein Monät Australie isch würklich voll dä traum. Freu mich riesig.

• Zitieren

Mir hürate ou i der Chiuche - I hätt ou gärn dusse ider Natur ghürate, aber das isch ja leider eso nid müglech - ussert mit freie Theologe und när isches haut ou chli schwirig mittem Wätter. Hoffe mer mau äs sig de denn schön, dass mer schüsch müglechscht viu dusse chöi si.... I würd mi itze nid aus "sehr" glöibig bezeichne, aber da Gott ja sowieso aui liebt wies geng so schön heisst, dänki darf ou ig si Säge ha für mini Ehe. und jede wo äuä id Chiuche geit ga hürate isch ufene wäg glöibig, schüsch würd är das nämlech gar nid wöue.

I warte immer no uf d Info vomene Partyruum - üses LieblingsRestaurant mues am haubi eis zue tue und i wott de denn no nid hei sondern chli tanze und fyre bis mer d'Füess definitiv abgheie und ig no drü Wuche lang öppis dervo ha

• Zitieren