Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Ich bin Trauzeugin    ›   Aufgaben der Trauzeugen
Aufgaben der Trauzeugen
 1 2 3 4 5
nici  am 19.09.2007

Aufgaben der Trauzeugen

Hallo be neu dezue gstosse, ha scho hufe tolli Tipps chönne entnäh. Wörd mi glich no intressiere was be üch Trouzüge organisieret????



jovia

nicht registriert

am 19.09.2007

Re: Aufgaben der Trauzeugen

Hi Nici
Prinzipiell isch d'Hauptufgab vo de Trauzüge s'Bruutpaar z'entlaste, d.h. z.B. Gschänk entgägeznäh und z'verstaue, bim Bruutchleid richte hälfe, eppis z'Trinke zum Astosse fürs Bruutpaar organisiere usw.. Und denn chund's nateyrlich nu druhf ah was für en Tafelmajor ier hend und wievill Hilf är bruicht oder au wett (z.B. bim Leyt zämesueche für d'Föteli, bi de Abigunterhaltig usw.).
Wenn hüratisch denn du?



nici  am 20.09.2007

Re: Aufgaben der Trauzeugen

Danke Jovia för dini Antwort. Mer hürote am 24.Mai 08. Han grad no e gueti Internetsite entdeckt för aui wo ned gnueg Infos chönd ha. www.weddingsstyle.de



jovia

nicht registriert

am 21.09.2007

Re: Aufgaben der Trauzeugen

Hi Nici

Isch doch gärn gscheh - unter Brütli hilft meh sich doch gärn .
Danke für de Tipp, gah mal uf die Homepage goge luege...
Hochzeytsvorbereitige sind soooooooooooo schön



Leilani  am 24.09.2007

Re: Aufgaben der Trauzeugen

I ben echli Ufgregt mit mine Bruutfuehrerinne... bedi noni verhuerated, und nonie Brutfuehrerinne gsi. Weis ned eb's die ganz ufgab vonere Brutfuehrerinn verstoehnd... velecht bin nur echli zu nervoes.

Und denn send das ja au die wo de Polterabig organisieret.
Meined ehr i soel e aduetig mache be dene bede? Ergendwie e unuffaellige shups gaeh? Wie?



nici  am 24.09.2007

Re: Aufgaben der Trauzeugen

Hallo auso ech wörd diräkt ofse zuego vellecht bemene Glas Wy oder so.
Wörd sie informiere we wit er met de Planig set. Be dere Glägeheit chasch du ene e gueti Internetsite oder es Buech empfähle. Chasch au diräkt froge was sie sech vorstöue z organisiere ond sie dörfet euch ruihg froge wenn sie sech onsecher segit. Hoffe das der das witer höuft.



jovia

nicht registriert

am 25.09.2007

Re: Aufgaben der Trauzeugen

Hi
Also ich dänke glich wie d'Nici. Red mit ihne wenn ier mal gmietlich binenand sitzid. Wo ich vor einige Jahr Näbebruit bi meynere Schwester gsi bin han ich ai nid gross Ahnig gha. Mier hend denn aber zäme gredt und sie hed mier denn erklärt was meyni "Ufgabe" sind und wenn ich amigs unsicher gsi bin han ich sie eifach gfragt. Deyni Brutführerinne sind ja sicher Fründinne vo dier, de chamer ja mitenand rede. Sie sind sicher au froh drüber .



Muggi  am 26.10.2008

Re: Aufgaben der Trauzeugen

hoi zämme
was würdet ihr mache,mim Schatz sini Schwöster isch Trauzügin..Im Novämber hani en Termin für Kleider aprob! Er het sie gfrogt ob sie nid mit will..Ihri Antwort nei ich gang mitem mami go luege,i bi so entüscht gsi..Sie frogt au nüt was sie chönt hälfe oder so,jetzt seit er ihre negst Wuche ob sie eigentlich weiss was ihri Ufgab isch!! Wie findet ihr das?

grüessli Muggi

Hürote mi Schatz am 12.09.09 :)



Nadine123  am 27.10.2008

Re: Aufgaben der Trauzeugen

Isch sie denn Trauzügin vu dim Schatz oder vu dir?



maju  am 27.10.2008

Re: Aufgaben der Trauzeugen

ouso i wär o entdüscht we i öper würdi frage für Braukleider pobiere u di Person würdi nei säge..... ouso i wär stolz we i mit öperem chönnti ga luege!
fragse doch selber no mau, we du gärn hättisch we sie würdi mitcho! ouso i kenne niemer wo da würdi Nei säge! viellicht het sie di Schatz eifach fautsch verstande..... weis zwar nid wasme cha fautsch verstah, aber isch ja ä Müglichkeit.......

mir hürate am 02.05.2009



 1 2 3 4 5

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.