Ich werd ihm e Rose schweisse. Ich schaffe i de Maschinebaubranche und mir händ e super Werkstatt. Ich han denkt, es säg e sehr symbolisches Gschenk: e Rose, wo dLiäbi symbolisiert uus rostfreiem Stahl und demnach nöd vergänglich und ich hans mit em eigene "Schweiss" hergstellt. Es isch öbis chlises, aber ich finds mega herzig
Mir händ bis ez aber gar nie drüber gschwätzt und drum hoffi, dass de Überraschigseffekt no grösser wird sii. Dur das häts aber au nie en Druck geh, dass mr denand unbedingt öbis müend schenke. Wie Soefeli seit, es isch es riise Gschenk denand sJa-Wort zgeh...

##Zivil am 10 Juni 2010 -- Trauung am 10 Juli 2010##

• Zitieren

@Cosmologia, das isch würkli e mega herzigi Idee, finde i super!

Bi üs isch es akli anders. I weiss, dass sich min Liebste sit seeehr langer Zyt e mega wertvolli Uhr wünscht und sich die eines Tages emal leiste möchti. U i säge eigentli schu sit i min GG kenne wenn mir hürote würde wär das doch die Glegeheit. Er hät de zwar immer so ta wie i spinne würd. Ja u sit er mir letscht Jahr de schöni Atrag gmacht ka hät, han i gwüsst i muen spare Na klar kann mer iz denke i spinni würkli, isch äuä schu akli so, doch gelled min GG wird das Jahr 30gi, hät de Master mit Bravur bestande u mached üse Troum vum hürote wahr, da han i haut gfunde, es git ke bessere Zytpunkt als iz ihm die Uhr z'schenke U i han eher per Zuefall erfahre, dass i speziel agfertigte Schmuck kriage wird.

Also ja mir isch klar üs set mer ned grad als Biespiel neh! Doch i denke wenns epis git wo Euich beidi verbindet insbesondere zu Eure Gschicht denn i die Richtig epis sueche als Gschenk.

• Zitieren

Soefeli82:

---

Mir wärdä enand nüt schänkä - schliässlech mache mir üs ds gröschte Gschänk i däm das mir enand hürate...

LG

**Zivil: 20. August 2010 * Kirchlich: 28. August 2010**

• Zitieren

hey zeme

sgrösst gschenk machet mer üs natürli mit de hochzit. zudem hend mer sehr exklusivi ring wo mer üs gegesitig schenket, das isch eigentlich so chli üses hochzitsgschenk. mer hend das mol so besproche, da mini eltre sich gegesitig e uhr kauft hend dozmol.

i möcht ihm aber glich no was geh. han denkt am hochzitsmorge selber kriegt er sones herz mit me spruch drin (i glaub isch ton, so um die 20 cm breit), das er mol i üsere spoetrig garte chan anes hübsches plätzli stelle. er liebt krütlis und pflanze und i finds sehr schön vom symbol her. es herz, aber nöd zu kitschig, ide natur, öppis wo üs verbindet, öppis wo bestand hät und au wenns regnet und es herz nümm glich schön isch, es verzellt e gschicht. das isch schön verpackt inere holzkiste. han so tolls wiss/goldigs naturpapier vom globus kauft wo ichs mit ipack.

am morge noach de hochzitsnacht kriegt er denn im schächteli im gliche papier en guetschi für es paar tolli bilder vomene dessousshooting. ich kriegs momentan zitlich nümm her und es wär es inegemoste, drum gits es erst spöter. zudem chani so nomol chli spare:-)

und denn schribet mer üs beid no en brief warum mer üs hürotet, warum mer üs liebet und tüänd die ine sontigs holzkistli wo mer kauft hend mit müscheli etc. druff. das blibt drin, bis es mol kriselet und mer üs zrugg bsinnet. sglich isch mit de traukerze wo üs mini tante selber gstaltet hät. die isch für bsundrigi moment oder ebe au nöd so gueti zite denkt.

i bin eh en fan vo chline gschenkli..han ihm zb. gad gest es schöns blumestöckli gschenkt wo er sich i sim lernrum ar uni chan näbt de pc stelle, näbis farbigs wo ihn ufmunteret wills nöd so guet lauft und es no zudem immer so graus wetter isch. als liechtblick ide farb coral, die farb wo mer denn am hochzit bide blueme hend :-) er isch scho am countdown zelle wie langs no goht bis döt hi, so herzig:-)

liebe gruess

• Zitieren