Mir ligged zimmlich genau bi däm wo mir budgetiert händ: chf 500.- für beidi Ring zämme. Tja, do bin ich wohl die grossi Usnahm gege unde. Aber bi uns isch vo Afang a klar gsi, dass mer Titan Ring wänd. Mir gfalleds sehr, und für min Liebschte isch nüt anders in Frog cho, will de Ring bi sinere Arbet "stabil" mues si.
Üsi Ring sind scho es Zitli bi üs dehei, mir leged si jo aber au nöchscht Wuche scho offiziell a. Bis dört han ichs aber und wirds au in de nöchschte Täg wohrschinlich nid nur bim aluege und bewundere chöne blibe loh. Ich mues das Ding immer wieder use näh, aprobiere öbs au immer no passt, luege öb au d Gravur (immer no... ) richtig gschriebe isch etc. etc.

• Zitieren

Bisch nid die einzig Speedy.Mir hei o nume 850.- Franke für Titanringe usgää.Jedem das Seine!

• Zitieren

hihi speedy, das chunnt mer doch bekannt vor
au ich mues bi üsne ring immer wieder go luege, öb d gravur au würkli richtig gschriebe isch und öb mer de ring au immer no gaht...
und ich mues schliessli no ganzi 17 täg warte, bis mir üsi ring ändlich dörfed aalege
üsi ring sind aber chli tüürer gsi wie eui - mir händ für beidi ring zäme 4150 franke zahlt. sind aber ganz massivi wissgoldring und mine hät no drü steinli drin. und üs isch es das wärt gsi, will mir d ring als öppis bliibends aalueged.

<3 Wir freuen uns riesig auf den 16. & 24. April 2010 <3

• Zitieren

och chichi und speedy, er glaubets nöd. aber han hüt ständig a eu denkt. jetzt gohts bi eu würkli nümm lang. hüt morge isch no so kalt gsi und i han mer denkt, au nei, hoffentlich wirds no wärmer. immerhin schön sunnig :-)

bim nögste bruttreff bini denn gspannt uf euchi ring i live version :-)

grüessli

• Zitieren

hei iehr liebe!

zum thema ring chund mer noh en frag in sinn: was für idee hender so fürd ring-gravure bzw. die wos schoh gmacht hend, was hender lah graviere? das isch öppis wo mer noh nid so würkli wiiter sind. und die wo s`datum hend: hender das vom zivile oder das vo de chile gnoh?

mer lönd üsi ring au vomene goldschmied lah mache. är macht üs die gliiche winner für sini tochter und ihre mah au gmacht hed (für üs äifach in wiisgold - die vo de tochter sind gälbgold). mer hend das ringpaar gseh und mer chah säge: liebe auf den 1. blick.

ich ha denn im lade dörfe die ring fötele und das hani usgibig gmacht - nun ja, ich mues üch wohl nid schildere, wie mängisch ich die fotene aluege

schnäppchen sinds nid. aber für das es äinzelafertigunge und mit vill liebi gmacht, isch es en priis woni beräit bih zum zahle - schliesslich träged mer d`ring jo au tagtäglich.

• Zitieren

Mir händ je de Name vom andere graviere lah sowie s Datum vo eusere Kirchliche Trauuig, find es gseht mega schön us, mer händ usgschriebe: 2. Oktober 2010
Mer werded d Ring aber scho am zivile tuusche und denn au träge, namal vier mönet warte chönnt ich nid! :)

die Krönung unserer Liebe am 4.6.2010 und 2.10.2010

• Zitieren