nicht registriert

Hallo zäme

Mi Frönd ond ech hend etz üses Budget festgleit ond ech muess säge, es chont schnell en Stange Gäld zäme....
Etz hani en Frog a üch, wievel hender för üches hochzitskleid usghä?

(ech ha ke Ahnig, s get glaub mega unterschiede....)

Ech werde secher kei Schleier ond wahrschinlech au kei Handschuhe kaufe...

Danke för üchi Antworte ond bes bald

bienemaya


Mer hürotet am 13.06.09 :-))))

• Zitieren

ouso mis budget isch so bi max. 2000.00 gsi! itze ha i eis für Fr. 2400.00 nume z Kleid......... chunnt no schmuck u schleier drzue....... aus angere probiere i zämedsueche! Aber äbe du fingsch sicher o eis für 1000.00 ömu itze im Ausverkauf! aber i ha itze eifach gfunde, das ig nume einisch hürate u i mir das itze mau due leiste! ok äs günstigers hät i o sofort gno, aber i ha eifach kes gfunde..........ha mi eifach grad i z erste Kleid verliebt.....
aber äbe i ha o geng gseit, schleier u händschä wöu ig nid unbedingt..... u itze ha i beides
viu spass bim sueche! äs isch wunderschön so i brautkleider ineschlüfe u weme när bi eim merkt mou das isches..... de sprudle d emotione!!!

mir hürate am 02.05.2009

• Zitieren

Auso i ha mir ou mau Budget vo CHF 2000.- vorgsteut und ha müesse merke dass es nid längt. Drum han i de mis Chleid im Internet "Secondhand" gsuecht. Auso zersch glueget welles Modell i Frag chunnt und näher afe sueche ufem Second Hand Markt. Chunnt haut immer druf a uf d'istellig. Mir spiuts ke Rolle wenn s'Chleid scho treit isch, angeri lege sehr viu Wert druf dass es neu isch. Aber im Bruutgschäft hett me mir erchlärt, dass 2'000.- säute länge für Chleid mit Zuebehör...

Wünsche Dir uf all Fäll viu Glück, Du wirsch Dis Troumchleid ou finge

Liäbe Gruess
Sevilla09

• Zitieren

Ha mis Chleid neu aber im Usverkauf bem Wicky poschtet. Es het statt Fr. 1'600.-- no Fr. 800.-- koschtet - mit em Zuebehör (Schueh, Strümpf, Strumpfband, Unterwösch, Täschli, Schleier) und de Änderig (mer het's nor no müesse chörze) het denn alles zäme knapp Fr. 1'700.-- koschtet.

Mer cha also au mit weniger als Fr. 2'000.-- es nöis Brutchleid all inclusive finde. I cha also nur empfähle, gli go luege, wel alli Brutmodegschäfter jetzt (wenn überhaupt) Usverchauf hend.

Grüessli
madmadi


Sit em 8. August 2008 glücklichi Ehefrau!

• Zitieren