| Passwort vergessen?
Sie sind nicht angemeldet.  Anmelden
Geld wünschen???
 1 .. 3 4 5 6 7
03.02.10 21:18
Carmile 

Re: Geld wünschen???

hey calla

cool, mer überlegget üs au sonen turm zbaue :-) (chönt si dass ich dä postet han, projectwedding lässt grüssen. hanen zumindets uf mim illustration board)

eifach us tiffanys päckli, aber das häsch dr jo jetzt denke chönne. und du? in hellgrüän mit callas druff. i han imfall no a euri goldene ring denkt. plötzlich hend mer üs vor es paar tag überleit wies echt doch wär was schlichters zkaufe und sind denn go goldigi alegge, will mer di schlichte wissgoldige/platin nöd gfallet. aber es hät eifach nöd recht zu üs passt. jetzt wirds wohl doch türer.


03.02.10 21:28
calla 
Re: Geld wünschen???


nööö callas häts (no kei..?) druf. aber er isch - wie chönts au anderscht si, in wiss/grüen... sisch voll eifach sones ding zmache und dwürkig isch echt cool... bin nanig ganz fertig, de underschti bode fehlt no.. aber die obere 3 stöck hani mal gmacht.

wünsche eusne trauzüge jetzt scho viel spass das ding ztransportiere, nid wills riesig gross wär sondern wills rächt heikel isch, die eint etage isch mit sidepapier gmacht, uiiii, hoffe das riis dänn nid

ich wür gern, aber leider leider chan ich dir eusi ring nid/nanig zeige... mine isch 4mm/gg 5mm breit und sie händ de schmal wäg ganz e fiini struktur drin, wie strichli und ich han ganz en grosse stei drin. zu dim verlobigsring chan ich mir gelgold sehr guet vorstelle aber wänn en farbig ehering würsch wähle, wär würi döte dänn kei stei meh dri neh, suscht isches dänn evt. zu "farbig"... händ ja no es bizzeli ziit.. wänn gaht dini kollegin über de teich?

°oO°oo° ... WEIL ES LIEBE IST ... °oo°Oo°

03.02.10 21:36
peja 

Re: Geld wünschen???

meinet ihr so öppis?
quasi ä hz-torte mit chline schächteli gmacht u än schlitz fürs geld?

http://www.projectwedding.com/photo/brow...;thumbs_page=10

03.02.10 21:39
calla 
Re: Geld wünschen???

genau so en "turm"

°oO°oo° ... WEIL ES LIEBE IST ... °oo°Oo°

03.02.10 21:46
Carmile 

Re: Geld wünschen???

@peja: jo genau sowas..die gfallt mer no guet http://www.projectwedding.com/photo/brow...;thumbs_page=29 schön kitschig mit em bändeli und i find didee mit de runde und eckige tortebode no cool. hey, han gar nöd gwüsst dass sone riese uswahl hät uf projectwedding. wow. freu mi ufs bastle.

@calla: soviel zit hend mer nümm. sie flügt am so uf mexico und goht däno uf NY, bis ende die wuche mönds mer wüsse, damit mers chönd bstelle und reserviere loh. das isch nümm allzu lang. evtl. gönd mer mol no in bucherer in sg. mer hettet gern öppis schlichts, nöd zu breits, eher was klassisches, wo aber nöd langwilig isch :-) super kombi wod eifach nöd findsch. ein stei im ring gseht bi mir komisch us mit em verlobigsring zeme. entweder kei oder denn mehreri.
no e frögle: i möcht jo unbedingt sone money save ding. wie machet ihr das (han din kommentar sichermol näbä gläsä aber nümm im kopf)..chönds au zuesätzlich im internet izahle etc..also isch money box e zuesatz option oder di einzig möglichkeit eu was zschenke?




03.02.10 21:50
peja 

Re: Geld wünschen???

ja hät ä riese uswahl.. han das no gar nie gseh, bzw. ah so öppis dänkt.. all die idee, uff.. aber isch natürli super!

hmm, da nimmt mi au wunder, wie ihr das machet? bi eus isch äs ebe so, das dgäscht eus chönd izahle, bzw. äs gschänk organisiere, vorem hz... dä wär so ne torte glaub chli "komisch", so als ob sie nomal chönte zahle.. oder was meinet ihr?

wünsch eu scho mal ä gueti nacht.. bis morn..

03.02.10 21:58
calla 
Re: Geld wünschen???

ich han euse turm au schön kitschig gmacht, mit verschiedene schächteli grössene, han mich aber uf "rechteckigi" beschränkt, aber sie sind alli anderscht, nid nur i de grössi.
han mal no 2 tüübli kauft für zoberscht, weiss ebe nanig obi um das ganze ding no e grossi masche söll mache, oder so 2 "fiecher" druf due.
soberschte schachteli isch hellgrüen miteme fine wisse papier-band i de miti und am obere rand häts zringelum chlini perleherzli *kiiiiiiitsch*. 2. oberschte isch es wisses schachteli und nur öppe 6cm hoch, und döte hani es öppe 5cm breits liecht durchsichtigs, grüens band zringelum gmacht mitere grosse masche, i die 3. oberscht, oder 2. underscht isch wieder grüen (sidepapier), da isch de schlitz nummere 1 und de rand hani mit perle verziert und um die schachtle hani höch und querewäg wissi stoffbänder umegwickled. die underscht schachtle wird wieder wiss und döte hani es grüens, 10cm breits band, git sicher au wieder es mäschli :-)..

mer händ euses konto uf de hp, theoretisch chöntet dlüüt so iizahle aber sgit ja immer detitig wo sgeld im couvert mitnehmed und so isches guet versorged. ame hochziit vo eusne kollege händ schlussendlich 600.- gfehlt!
eusi turte isch dänn am apéro und am abig jewiils parat

ja dänn händer ja würklich glich nüme soviel ziit, han mich jetzt a dim ticker orientiert.. hmm schwierigi entscheidig...

°oO°oo° ... WEIL ES LIEBE IST ... °oo°Oo°

03.02.10 22:11
Carmile 

Re: Geld wünschen???

hey calla

uuu, do chunt bi mir gad skreative bastelfieber. chan mer euri "money torte" grad super und sehr plastisch vorstelle. wenn mer eus denn villicht wiedermol treffet, bitte foti mitneh:-))

i fänds no schön zum die ufstelle, so für die lüt wo eifach wend es couvert mitneh.zb. bim apero. wenn öppert säget mer mol 30 fr. will schenke isch es doch eifachr es couvert mitzneh statt gross go izahle. i denkes mer machets au so als alternative..und will i eifach sones ding will

was für schächteli häsch gnoh? kauft? wo? oder sus no was gfunde. min schatz hät gmeint me chönt no sones schlössli dra henke. weiss nöd ob er das zur sicherheit gmeint hät (wo jo e nix bringt, chasch jo di ganz torte schnappe:-)) oder zur deko. wohrschinlich letschteres..aber das mit de tübli isch au süess. wenn das mit üsem nachname buchstabe ufde torte nöd klappt, den ngits halt tüblis us tortematerial. hends ade hz mess gmacht, hät superschön fiin usgseh.

bin hüt gad so schaffe-absorbiert gsi..aber jetzt chunt gad wieder dhochzitslust:-)


04.02.10 15:44
cuenca 

Re: Geld wünschen???

Ich weiss nicht, ob dieser Tipp schon von jemandem gekommen ist, sonst ist er jetzt halt zum 2. Mal drin . Wir haben das Problem, dass wir eigentlich bereits eine eigene Homepage haben und diese für unsere Hochzeit umändern werden. Nun stellte sich das Problem mit dem Wunschalbum, denn wir wollen dies auf die Homepage nehmen.

Wir sind deshalb auf diese Seite gestossen: www.hochzeitswunschliste.ch, für alle jene, die "nur" eine Wunschseite möchten. Es gibt aber auch die Möglichkeit, zusätzliche Informationen hineinzutun (bis 3 Seiten, glaube ich). Das Gute daran ist, es hat keine Werbung.

Wir werden diese Liste auf unserer Homepage verlinken und haben somit etwas weniger Aufwand als wenn wir dies alles von Hand nachführen müssten...

_____________________________________
Wir heiraten kirchlich am 4. September 2010

 1 .. 3 4 5 6 7
gesellschafts-geschenk   Wunschliste   money-saving-wedding-cake   kontonummer   Geschenkmöglichkeit   schenken   Geschenke   gemeinschaftsgeschenk   Wunschbuch   wünschen   hochzeitswunschliste   homepage   wirklich   einladung   Hochzeitsreise   einfach   Hochzeit   Einladungskarte   verständlicherweise   Hochzeits-Sparkonto
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!