| Passwort vergessen?
Sie sind nicht angemeldet.  Anmelden
Wunschbuechfrag zum x-te
 1
04.04.08 13:31
nordliecht 
Wunschbuechfrag zum x-te

Ich bin mier ja schwär am uberlege wie ich das mit dem Wunschbuech machä sell. Mier winschit eys wirklich "nur" Gäld fir Flitterwuchenä (Als 5-Chepfigi Familie isch eysä Huishalt wirklich komplett). Jetzt isch mier z'Sinn cho, dass ich eigentlich es Aasichtschartä-Buech chennti mache. Uif denä Poschtchartänä wär hindetruffä denn en EZ aabracht ohni Betrag. So dass jede frei wählä chan. Mier wissit nunig genai, wohi mier jetzt wirklich wend goh flittere (gehnd ai erscht es halbs Jahr später). Derzue meyni Frag:
1. Chan mer die Idee de Schenkändä "zuemuete"?
2. Isch es wichtig, dass Gäscht scho wissit wohi mier genai wänd?
3.. Wie chum ich a so Feriegriässchartänä uis dene Gägende?

Merci und Griässli
nordliecht


miär freyid eys uif de 6. septämber 2008 :-)

Editiert 04.04.08

04.04.08 13:58
Anouk 

Re: Wunschbuechfrag zum x-te

hoi nordliecht...

das thema beschäftigt mich ai scho sit längerem. miär wohnid ai scho lang zämä und hend alläs.
ich findä scho, das iär das eychnä gäscht chend zuämuätä. diä mend vo miär uis ai gar nid wissä, won iär härägehnd.
wo das poschtchartä uberchunsch weiss ich leidär ai nid.
bi eys find ichs äbä schwierig, will miär zimmlich vill leyt ihgladä hend fir am abig. irgändwiä isch miär de das z schwierig irgänd äs biächli allnä z gäh zum ahluägä.
miär mechids etz so, das eysi tätschmeischtär denä nu ä briäf schreybid, wo suscht nu sachä drufästehnd. und de ai nu grad, das miär neyd bruichid. de gits äs konto, und de wo wett cha epis druf iizahlä.

04.04.08 14:35
coerry 
Re: Wunschbuechfrag zum x-te

Hoi Zäme

Mer händ das genau glich gmacht. Wänd au Gäld sammle för Flitterwochen ond i han eifach vo de Reisekatalög schöni Bildli usgschnitte ond ines schöns Buech kläbt. Eifach zom d' Lüt echli gloschtig machen ond denn am Schloss vom Buech eifach Einzahligsschine!!Mer send Rond 70 Gäst am Obig ond mer händ äbe gnueg früh agfangen s'Wonschbuech ome z'gäh ond jetzt send mer scho fascht am Schloss ond das het super klappet. I dänke mer mues eifach emmer wösse wo s'Buech esch ond de Lüt säge, mer mueses denn no witers gäh oder im Brutpaar/Trauzeugen zrog gäh. Esch amigs no witzig gsi, was d'Lüt för Kommentär dezue gschrebe händ. Mer händ äbe no es Blatt vor dri toh ond beschriebe wieso mer das eso wänd machen etc. ond äbe das mer scho en ganze Hushalt binenand händ etc.... denn händ mer sie ufgmonteret eifach no z'onterschriebe oder es Spröchli dri z'schriebe > esch sehr amüsant!
uiuiui...mer freued eus i 6 Woche send mer scho am fötele ond denn gohts los!!

Corinne & Marcel, 16. Mai 2008

05.04.08 09:29
Sally 
Re: Wunschbuechfrag zum x-te

Hallo liebi Nidwaudnerinä und alli andere Dame (bi äbe ursprünglich ai vo Hinnäfirä aber jetz scho es wiili im Zugerland...)
Mir hend üs entschiede, s Wunschbuech im Nostalgielook z gschtalte, passt äbä au zu de Iiladigschärtli, Hochziitschleid ect. So Sepia bearbeiteti Strandbildli oder äs Schwiizerschiigebiet gsed i dem brunton sehr edel us. Mier hend au no kei Ahnig wos häregahd. Zuesätzlich hemmer no anderi "Kapitel", zum Blischtift: Kulturelli Sache (Zuestupf für es Konzert...) Wiiterbildig (Spanischkurs...) und Hushalt (Tiefkühler ) Mir schriibid i üsem Wunschbuech zerscht wie mir üs kennäglert hend und gönd de vo Kapitel zu Kapitel wiiter, was mir alles gärn mitenand möchid und was üsi Träum sind, teilwiis au chli witzig. So findid mir, machds au garn nüt, wenn mir nonig genau beschtimmit für was mir de Hochziitsbaze bruchid, sie hend defür suscht e chlinä Iiblick i üses Läbe.
Schöns Weekend!

 1
Spanischkurs   Flitterwochen   Wunschbuech   Einzahligsschine   tätschmeischtär   Feriegriässchartänä   Wunschbuechfrag   Hochziitschleid   Hochziitsbaze   Poschtchartänä   Reisekatalög   Aasichtschartä-Buech   Flitterwuchenä   ursprünglich   Nidwaudnerinä   onterschriebe   Schwiizerschiigebiet   Nostalgielook   Wiiterbildig   Iiladigschärtli