Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Liebe, Sexualität, Religion    ›   An wen spendet ihr die Kollekte?
An wen spendet ihr die Kollekte?
 1 2 3 4 5 6 .. 11
Inessa

nicht registriert

am 21.04.2009

Re: An wen spendet ihr die Kollekte?

nun maju, das hängt mit meinem verlobten zusammen - er hat angst dass das geld nicht ankommt. was mich betrifft mach dir keine sorgen - obwohl ich kein geld spende nehme ich jährlich an der aktion "weihnachten im schuhkarton" teil bei denen man einen schuhkarton für bedürftige kinder ausserhalb der schweiz packt.

*Das Deutsch-Schweizer Bündnis startet am 29. Mai 2009 mit der zivilen Trauung
& erreicht seinen Höhepunkt am 30. Mai 2009 mit dem kirchlichen Segen

"Ich ergebe mich der Liebe weil Liebe dich ergeben hat" H.-C. Neuert*



maju  am 21.04.2009

Re: An wen spendet ihr die Kollekte?

@inessa
ja d'Bedänke vo dim verlobte cha i verstah, u äs git o organisatione wo ig nid würd spende wüu eifach dr administrativ Aufwand viu z gross isch, u d Projektleiter zum Beispiel Business Class flüge etc............ aber äs git o ganz viu gueti! i kenne zum Beispiel z Kinderwerk Lima, das isch äs Werk wo Kind vo ärmste verhältnis (us de Slums vo Lima, Peru) duet häufe mit ernährigsprogramm u teilweise o schuel. dert chame o Patenschafte ha, u dert chunnt z geld würklich a! nume so ä vorschlag für Lüt wo regelmässig wete spände
mir hürate am 02.05.2009



Schani

nicht registriert

am 12.07.2009

Re: An wen spendet ihr die Kollekte?

@maju: nor well mer i de schwiiz wohnt, heissts ned, dass mer ändi monet emmer no es paar fränkli förig hed zom spände. es gehd au do lüüt wo mönd luege, dass sie ässe för de ganz monet chönd uftriebe...

wenn's be üs eso wiit esch, wärded mer secher för en organisation do i de schwiiz sammle ond spände, händ üs aber no kei gedanke gmacht öber welli. mer verbuttered set johre milliarde i de schwiiz för ergend welchi onderstötzige im ossland (was jo secher au sie's rächt hed), ben aber deför, dass mer au för sini eigete lüüt luegt (altersheim, chenderchreppe, tierli etc.)



verliebt 23.04.06/verlobt 14.02.09/verheiratet 10.07.10



maju  am 12.07.2009

Re: An wen spendet ihr die Kollekte?

ja äs git sicher viu Lüt wo o hie ir schwiz knapp düre müesse, aber knapp isch o immer relativ, ghöre zum beispiel ferie zum grundbedürfnis, oder wi fliessig muesme nöii kleider ha und und und i dänke eifach das ir schwiz ä grossteil vor bevölkerig d müglichkeit het öpis witer z gä! aber äs söu vo härze cho, u die wo das nid wei, söues gwüss la si, das mues jede selber wüsse. i findes eifach so äs privileg das ig hie ir schwiz darf gebore si, u drum finde igs z mindsche wo ig cha isch, chli öpis vo däm glück ä so witerzgä.

mir hürate am 02.05.2009



sunny80  am 12.07.2009

Re: An wen spendet ihr die Kollekte?

Hallo zusammen

Ich finde es grundsätzlich schön, wenn man eine Kollekte an eine wohltätige Organisation spendet, egal ob gross oder klein. Ich selber würde aber wohl auch eher eine kleinere bevorzugen.

Mein Freund und ich, möchten evtl. auch so eine Art Kollekte starten. Wir leben nun schon seit 8 Jahren zusammen und unser Haushalt ist eigentlich komplett. Wir wollen nun so unter dem Motto "wir möchten unser Glück teilen" einfach ein oder mehrere Organisationen suchen, wo die Gäste dann eine Spende machen können. Vielleicht werden wir auch an unserem Fest noch ein Kässeli aufstellen, wo jeder der Lust hat noch etwas einwerfen kann.



cuenca  am 17.03.2010

Re: An wen spendet ihr die Kollekte?

ich lasse dieses etwas ältere Thema wieder mal aufleben, da sich mittlerweile wieder einige "neue" bräute mit dem Thema befassen müssen...

Frage 1) Macht ihr eine Kollekte?
Frage 2) An wen spendet ihr und warum? Bzw. habt ihr einen persönlichen Bezug dazu?
Frage 3) würdet ihr z.B. einem aktuellen Projekt spenden? (wie z.B. Glückskette)

Danke für Eure Antworten...
_____________________________________
Wir heiraten kirchlich am 4. September 2010



karin83  am 17.03.2010

Re: An wen spendet ihr die Kollekte?

mer wärde ide Chile en kollekte izieh.
Die got de diräkt met üsem Pater zrogg of Mocambique.
So chöi mer em chli öppis zrogg gä, wäs är för üs tuet ond mer wösse grad ganz secher dass sgäld i de rechtige händ esch.

GeMeinSAm auf den WEG 28.8.2010



chloro  am 17.03.2010

Re: An wen spendet ihr die Kollekte?

Ich denke wir werden sicher eine Kollekte haben. Und ich persönich würde nie einer grossen Organisation spenden, aber das ist meine Meinung. Wir werden wahrscheinlich die Spielgruppe oder den Kindergarten unterstützen. Denn wir hoffen natürlich dass mal unsere Kinder dort hin gehen und die Kinder sind unsere Zukunft



speedy  am 07.04.2010

Re: An wen spendet ihr die Kollekte?

Mir sind gar nid gfrogt worde öb mer wänd oder nid, bi üs gits eifach e Kolläkte, aber mer dörfed immerhin glich sälber säge, wo ane dass s Gäld denn zahlt wird. Mir händ i üsem Dorf es Behindereteheim wo mer wänd unterstütze. Die lueged würklich guet uf ihri Lüt, die Behinderete sind im Dorf integriert, und glich läbeds ebe hauptsächlich vo de Spände wo si grieged. Ich bi froh, dass mir so öppis im Dorf händ. Glückskette oder ähnlichs wär für mich jetz überhaupt nid in Frog cho.



Lara  am 07.04.2010

Re: An wen spendet ihr die Kollekte?

Bei uns gab es keine Kollekte, obwohl wir kirchlich (katholisch) geheiratet haben. Wir wurden nie gefragt, das war bei uns nie ein Thema. Und selber haben wir gar nicht daran gedacht.



 1 2 3 4 5 6 .. 11

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.