Hallo Zusammen,

Wir haben diesen Sommer geheiratet und sind total Glücklich.
Nun hegt sich der Wunsch nach Kinder immer stärker und wir haben regelrechte pro und contra diskusionen. Der Wunsch ist stark aber der Verstand auch.
Unsere Gefühle sagen immer ja sofort und unser Verstand meint wir sollen warten. Klar da sind div. Punkte die dagengen sprechen, die Wohnung, Schulden, mein GG möchte im Sommer eine Weiterbildung anfangen, zweisamkeit geniessen,...
Aber das Bedürniss nach Familie, der Wunsch Kinder zu haben ist sehr gross.

Kennt von euch auch jemand diese Zerissenheit? Wie geht ihr damit um? Habt ihr sogar eine Lösung?

Vielen Dank
SunShineBride

• Zitieren

Hallo Sunshine Bride! Ich finds guet bereded ihr das au würklich. Isch glaub amigs besser wie en Schnellschuss (chan au guet usecho). Mached eu doch en ziitliche Plan... Ich glaub viel fach hängt mer no viel meh a dem riiise Wunsch, wenn mer quasi kei klari Verhältnis hät. Wenn du zum Biespiel weisch i 6 Mönet fanged mir ah. Den häsch ja wie e Ziit wo no säge chasch das gilt als Vorbereitig... Sparre, Auto, Wiiterbildig was au immer. Und glich weiss mer dass es Absehbar isch.

Ganz ehrlich gad mit Schulde würd ich versueche dass vorher no chöne abzahle. Geld isch wenn es Chind da isch scho es grosses Striitthema was ja sehr schad wer. Den chönted ihr das wie vorher regle und das au als Ziithorizont neh. Was wett den din GG no für e Wiiterbildig mache, gaht die länger?

Am Schluss muss mer hald würklich selber wüsse obs eim wert isch zum warte oder ob mers mit allne positive und negative Konsequenze jetzt probiert und au glaubt dass mers schafft.

Es git hald nöd es allgemeingültig Rezept!

Viel Spass! Und alles liebi!

• Zitieren

Bi GG und mir isch das die nächschte 5 Jahr sicher kes Thema, d Gründ drfür si:

-ig mache no ä Usbildig wo 3 Jahr geit
-mir si nachem HZ pleite
-mir wettä ou no chli ga reise
-e nöii Wohnig finde

Für üs steit fest, dass solang ig no die Usbildig mache und nur 30-40% cha schaffe sicher keini Chind "drinne lige". U weni fertig bi, möchti zersch chlei uf däm Gebiet schaffe, bevor i gad wieder usfalle. I möcht würklech zersch parat si für dä schritt - emotional wie ou finanziell gseh. I würd au warte bis dir die Schulde heit abzahlt, wöu i dänke Chind si scho ä rächt grosse Budgetposte inerä Familie und klar, houptsach dir düet sie liebevoll umsorge und sit immer für se da, aber dir müesst ja die Schulde dänki mal glich irgendwenn zrug zahle und das isch sicher eifacher vorhär als nachhär.

I finde dr Vorschlag vor Pfingstrose ou no cool: setzet öich ä Zytpunkt, bis wenn dass dir das alles weit ufdr Reihe ha und denn chöit dir losleggä... De chasch di jetz schön in Rueh druf vorbereite, Büecher läse, Untersuechige lah mache - kei ahnig wases da alles brucht - etc.!

D Frag isch halt ev. ou no wie alt dir sit?!

• Zitieren

hallo sunshinebride
i be jo devo öberzoge, dass es nie en perfekte zitponkt geht för es Baby. me cha Emmer nomeh go reise, nomeh spare und nomeh witerbildeige mache. aber woni de Pfingstrose ganz klar recht muss ge esch, dassi minimom da met de schulde vorher wörd regle. wenn s Baby mol do esch, werds nor no schwerige das zbegliche. ond das wer nome en zuesetzlichi belaschtig. au wördi mer öberlegge, ob du bereit dezue besch dech i dere zit wo din gg d witerbildig macht elei oms chend zkömmere. din gg wed dzit jo förd witerbildig bruche. em gegezog, wet din gg en teil vode chendheit verpasse ebe weller het müesse lehre und sech of sini witerbeldig konzentriere?
klar goht das, aber die regel wetsch di doch ofs chend konzentriere chöne...

i cha dini zerrisse heit guet nohvollzieh. ebe es geht nie en perfekte zitpunkt, ABER me cha sis möglichste due zom druf vorbereitet si (karriere amene ponkt ha wome zfrede esch, bez öpis gsparet, etc.)

• Zitieren

Also, ich glaube wenn man wirklich will, "muss" man eigentlich gar nichts auf der Seite haben. Aber ja, dann muss man sich die kommenden 20 Jahre sehr einschränken. Natürlich sind das nicht die optimalen Voraussetzungen und ich würde niemandem raten, das so zu machen. Aber es ist durchaus machbar. Meine Eltern haben geheiratet, als mein Vater von nicht einmal mit seiner Ausbildung (1.) fertig war. Ich kam bald auf die Welt. Meine Mum hat gearbeitet so lange es ging uns so bald es wieder ging und ich war dann unter der Woche bei meiner Oma. Als ein Jahr später mein jüngerer Bruder zur Welt kam, blieb sie dann zu Hause (Paps war ja dann auch mit der Erstausbildung fertig). Wir haben noch zwei jüngere Geschwister bekommen. Klar, das war nicht so geplant und man fragt sich vielleicht, ob sie da nicht überlegt haben. Aber das ist ja ein ganz anderes Thema. Man sagt sich vielleicht auch, dass das ja eine ganz andere Zeit war. Aber so lange ist das noch gar nicht her (gut 20 Jahre) und wir vier haben alle eine weiterführende Schulbildung erhalten (alle Gymnasium und die ältesten drei Studium tw. noch nicht abgeschlossen; die jüngste ist noch in der Schule).
Also man sagt allgemein, dass das erste Kind bis es 20 Jahre alt ist 1 Million kostet. Jedes folgende Kind ist etwas billiger, weil man gewisse Sachen ja nicht mehr extra anschaffen muss. Wie viel man aber auf der Seite haben sollte oder wieviel wünschenswärt wäre auf der Seite zu haben, weisss ich auch nicht...

• Zitieren

Hallo Zämä,
Danke für diä regä Rückmäldigä. Ich xeen scho, das isch a villne Ort gspröchstoff!

-Pfingstrose: min GG möchti no äs MBA mache, göchti 2 Jahr und wäri je nach Schuel entweder 1-2 Täg i de Wuche oder als Blöck, Wuchewiis

-Morelia: Tja...verstandi voll, mir chönd ebe fascht alli Pünkt vo oi abhaggä, ussert di 8-10 Jahr Zämä, händ halt erscht 6! Klar über oisi Wohnig chamer sich striite, ich meinti es würdi ga, aber es würdi schwirig wärdä...naja...

-Malinchen: min GG isch 28gi und ich 26gi. Ich schaffe sit eme Jahr, bin aber nöd so druf us zum ewigs wiiterschaffe. Wär gärn Huusfrau und Mami Min GG schaffet sit 2 Jahr. Pleite simmer au nöd, da mer uhh vill liebi Hochzigsgescht gha händ

-elea: Wegem warte bis d'Us/Wiiterbildig fertig isch, hani ebe scho vill verschidnigs ghört. Grad letschthin hät ois öpert xeit, das es au e beriicherig chan si wäred de usbildig scho Chind zha. Mer weisses halt nöd bis mer sälber drin stekt!

-Schulde: Diä sind ufem Auto bim Schwigermami, chöntemer bis im Früälig abzahlt ha...aber ebe, chöntemer...hehe... usserdem sind minere Meinig na Schulden nöd glich Schulden! Wämers binere Bank hät, würd ichs au zimli schnäll welä abzahle, mir händs ja zum Glück bi sinde Eltere und mit dänä hämmers guet. Logisch belaschtets au, aber mer hät chli länger ziit und vor allem kei Zinse...

-Gäld uf dä Siite: Ich dänke es Bölschterli isch sicher supper, aber wiä schaffeds den anderi? Wo er en Mindeschtlohn hät, si kei Usbildig und glich 2-4 Chind ume sind? Mached mir ois nöd eifach vill z'vill gedanke drüber?

• Zitieren