Hoi Sunshine Bride... Es gseht ja scho so us als mached ihr eu richtig Gedanke. Das isch ja scho mal s Wichtigst. Will am Schluss läbed ja niemert anderst usert ihr mit dere Entscheidig. Gibi dir scho chli rächt es git Schulde und Schulde aber am Schluss isches ja eifach so dass mer das eh irgenwenn zrugzahle muss. Isches den no en höche Betrag? Will wenns jetzt no z.B. 10'000 CHF sind den chönted ihr 10 Mönet lang jede 500 CHF zahle und den wers gmacht. Chund hald drufah wie viel ihr verdiened. Und ich meine en MBA "verspricht" ja meistens au en besser zahlte Job. Aber mer weisses hald nie. Was meint den din GG zum ganze?

Ich han mir eifach ganz klar gseit (bin 23 und min GG jetzt den 24), dass mir öpe glichviel sötted uf de Siite ha. Mir schaffed beidi siit 18 und min GG isch au no am Bachelor dra und wird nachher höchst warschiendlich no d AZEK mache. Und evt. werdets mir au riskiere wered dere Usbildig (uf Mitti oder Ändi zue) Chind zha. Die gächti nämlich 1.5 Jahr wenn mers uf Anhien bestaht (was sälte isch) suscht isches den hald 2.

Es isch hald au e Frag vo de Troim wo mer no hät. Mir hetted gern mal es Huus zäme. Und für mich chunds nöd in Frag dass alles min GG zahlt. Ich han bis jetzt genau glich gspart wie er bzw. sogar meh will ich chli meh verdiene. Nacher mit Chind chönti mir nöd vorstele, dass mir mit nur eim Lohn glich spare chönd dass es irgend wenn laned.

Wie das anderi mit em Mindestlohn schaffed... Hm, also d Sach isch glaub so dass mer sich fröge muss ob mer das wott. Mini Eltere sind öpe glich wie de Kleinefeder ihri Eltere. Mis Mami und min Papi sind 20 gsi wo ich cho bin und den 22 bzw. 24 bim nächste. Mis Mami hät ufghört schaffe will erstens kei Oma da gsi isch wo heti chöne luege die hend au müsse schaffe und zweitens wills so Chrippeirichtige nöd geh hät oder eifach ztür. Min Papi isch gad mal eis Jahr us de Lehr gsi als Maler. Het ca. 3800 CHF verdient was ja ächt wenig isch für 3 Lüt. Sie hends au gsschafft. Aber nur wills so am A*** gsi sind dass eifach öpis händ müsse mache. Mir hend dezumals (ich weisses nüme nur vo Erzählige) eigentlich nur Teigware gässe wills am günstigste gsi isch. Nöd so e tolli Wohnig gha und nie Ferie gmacht also nie weg gange usert id Badi vom Dorf. Wenn mer bereit isch sich so izschränke den chan mer das ja mache. Aber ich würdis jetzt nie bewusst so plane. Wenn mer drigrated chan mers immer no meistere. Min Vater hät den enorms Glück gha will dete eifach so en riise Wirtschaftsboom gsi isch. Er hät den s KV no nagholt wo ich scho ume gsi bin und den isch er uf de Credit Suisse go schaffe. Den isch alles Berg uf... Aber mer chan ja nöd uf das setze. Bzw. wenn mers Plane chan den isches glaub sicherer.

• Zitieren

mer hend nonie devo gredet we vell mer wend of de site ha bevor mer los legget. röndine vo mer end jetzt scho amspare of das äne. i ha ned vor konret scho zspare bevor mer öberhaupt am üebe send. aber wenn me bez öpis ofem sparkontro het (was me jo eigentli au set ha ohni baby wunsch) esch me doch au of de sechere site. i mache mer gar ned so gross gedanke wegem geld förd erstusstattig vom ne chend, well i denke de werd me eh au sehr vell gschenkt becho oder mer werde vell us de familie chöne öberneh. ha kolegin die hend gset si hend di erste 2 johr kes einzigs chleidigsschöck för ehri chender kauft wells alles becho hend

weg de scholde gsehnis eso: för me persönlech send scholde gliech scholde. ob ich das ehne bank scholde oder öperem us de familie esch för me ke ondersched. zrog zahle muess /wett is sowiso. au wenn me met de familie velecht bez besser chan rede as met de bank ;)
abr das mönd ehr för euch entscheide ob euch die scholde wörde belaschte oder ob euch das egal wer.
weg de usbeldig denki s glich, das müsste der för euch entscheide ob ehr die doppelbelaschtig wend. mi gg het grad e 3jährigi usbeldig abgschlosse und i hetti nie wele es chend ha i dere zit... er het jo chum zit gha för mech.
aber ebe, allgemein eschs schwerig zom entscheide wenn me sell los legge... wechtig esch, dass es för euch beidi stemmt. i wörd e pro und contra lischte mache, da helft emmer

• Zitieren