Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Liebe, Sexualität, Religion    ›   Lady Comp, Daysy
Lady Comp, Daysy
 1 .. 4 5 6 7 8 9
nisliker  am 14.10.2014

Re: Lady Comp, Daysy

guete morge sasileu

du chöndsch dir mit em daysy es mail schicke la mit ere exeltabelle mit alne date und da mal iträge:

www.mynfp.de

die kurve det zeigts echli besser a findi.... und es rächnet au grad us wenn du din eisprung gha hesch und dini täg sötet cho. ich ha das 3 mönet lang gmacht zum use finde wie min zyklus funktioniert. am afang woni pille abgsetzt ha sind mini zykle schön 28 täg gange. jetzt hani au scho 41 tag gha isch wohl eifach so... de zyklus mues sich hald ipendle und ich hoffe dases denn wieder irgend wenn 28 tag gat. ich ha im april abgsetzt und wie gseit bis jetzt gat min zyklus au recht lang. isch aber alles no im normale bereich. ich wet jetzt ebe au no kei chind drum isches für ich voll easy. weiss hald nöd wies bi eu usgseht.

ha mal e tempkurve aghenkt vo mir vo my nfp.

ich ha das buech no gläse
http://www.amazon.de/Nat%C3%BCrlich-sich...pd_bxgy_b_img_y

sit do chumi recht guet drus. ha unbedingt würkli bscheid wele wüsse wenn ich pille absetze will mir no kei chind wend und mi ma sich chli schwirig duet mit kondom

bi frage meldsch di eifach.

grüessli nisliker



ailuj  am 14.10.2014

Re: Lady Comp, Daysy

Sälü zäme

Ha gseh, dass es paari vo euch im Summer mit Lady Comp / Daysy agfange hei.

Was si so eui Erfahrige bis jtz? Heit dir scho meh grüeni Täg? Oder isch öpper scho schwanger worde?

Ha mir vo Ricardo e Lady Comp bsteut gha u ha däm irgendwie nid so trout. Vilich het er nümm so ganz funktioniert. Er het scho nach 1 Zyklus sehr viu grüeni Täg azeigt u das i dere Zit wo ig ds Gfüeu gha ha, dass i grad dr Eisprung gha heig (i gspüre dä aube...oder i has ömu ds Gfüeu ;-)). Ha jtz d'Daysy bsteut u wett näbebi ono das Buech "Natürlich und sicher" läse, zum säuber ono besser drus z'cho.

Würd mi über eui Brichte freue :-)

Liebi Grüess

Ailuj



elea  am 14.10.2014

Re: Lady Comp, Daysy

hallo ailuj

i ha letscht Dezember agfange messe metem pearly (sozege s gliche wie de ladycomp / gliche Hersteller).
es esch langsam abe gange met de rote täg. ond nach 5mönet hani "nomeno" öpe 10 roti täg gha. d kolegin brucht ne set 10mt ond het jez "nomeno" 8 roti täg.
i ha vo afang a ehn sehr en regelmässige Zyklus gha und ha de eifach ade rote täg zuesätzlich verhüetet.
und obwohl mer eus eigentli Emmer dra ghalte hend und nor ade grüene täg ungschütze sex gha hend beni nach 5 mönet schwanger worde. för eus eschs ned schlemm gsi, aber trotzdem sehr öberraschend... me seit jo vo 100paar werde 3 de halt trotzdem schwanger (geht jo Emmer sone Quote). ond mer send jez halt eis vo dene paar gsi
wet di aber ned verschrecke oder so, ha denkt i schriebe jez do eifach mol mini erfahrig uf.



ailuj  am 14.10.2014

Re: Lady Comp, Daysy

Hallo Elea

zersch mau: I gratuliere ganz härzlech zur Schwangerschaft (obwohl nid plant) :-)

merci für di Erfahrigsbricht :-)...läck...es erchlüpft mi aber jtz scho grad chli...

weisch de wenn dass es passiert isch? auso, hesch denn nid o säuber ds Gfüeu gha, dass es äuä nid würklech e grüene Tag wär?

Für mi chunnt äbe nüt hormonells meh i Frag u d'Chupferspirale isch mir gar nid ghüür...auso chunnt nume natürlech für mi i frag. Vilich muess i haut ono mit NFP u mit sore Liste...

Merci uf au Fäu für dis Brichtli.

Häbs guet :-)

LG



nisliker  am 14.10.2014

Re: Lady Comp, Daysy

also will elea schwanger worde isch verhüet ich jetzt immer mit em diaphragma. bi recht begeisteret! in amerika mached das u viel. das isch nur bi eus nöd so verbreitet. fraueärzt düends ja au nöd vorstelle oder empfele. kei ahnig warum.... vermuetlich verdieneds nüd drah oder nöd so viel we wenn sie pille verschriebed... ich cha nur sege das ich jetzt scho paar mönet mit dem verhüete und voll zfriede bi! ha sogar viel weniger schmerze bim "chli härtere" sex zum diaphragma gits no e creme wo spermie tötend isch. die verwend ich immer mit. es gseht im erste moment chli komisch us aber wenn mers es paar mal gmacht het isches ke sach me... und chöste gönd au voll.. es chost 50.- und mer chans 2 jahr palte und creme langer mir 3 mönet.

http://www.caya.eu/home/

Zuletzt bearbeitet am 14.10.14 14:03



ailuj  am 14.10.2014

Re: Lady Comp, Daysy

Sälü Nisliker

Merci für dini Nachricht.

D'Daysy bruchsch i däm Fau jtz nümm?

Isch de das nid no fasch e "schlimmere Ungerbruch" bim Vorspiel aus wie mit eme Kondom?

LG



nisliker  am 14.10.2014

Re: Lady Comp, Daysy

es isch scho en underbruch aber besser we mit kondom. mit kondom gats bi mim ma gar nöd... er gspüri nüd.. ich cha das hald nöd beurteile

Zuletzt bearbeitet am 14.10.14 14:21



nisliker  am 14.10.2014

Re: Lady Comp, Daysy

zum daysy

ich find en ganz ok. aber sit elea schwanger worde isch, isch er für mich wertlos... temp mässe damit ichs i mini liste cha i iträge chani au mit eme normale fiebermässer für 20.-. ich ha de daysy kauft well ich mich um nüd ha wele kümmere. aber da das nöd verhebed isch er für mich wertlos und somit au viel ztür....



ailuj  am 14.10.2014

Re: Lady Comp, Daysy

Merci für die Zuseatzinfos :-). Das mit em Diaphragma tönt schono interessant.

Elea: Hesch de du bispiuswiis nach Aukohoukonsum u zweni Schlaf (weniger aus 6h) glich o gmässe am Morge?



elea  am 14.10.2014

Re: Lady Comp, Daysy

merci ailuj :)

nei ha ebe gar ned sgfüehl gha! i ha Emmer sehr guet gspührt wenni mi Eisprung ha bzw bechome! ond hane au Emmer öpe zor gliche ziit gha. i weiss bes jetzt ned was do pasiert esch of all fell eschs guet eschs passiert! schecksal ;)


i ha einzig die ferie wenig schlof becho ond det au eher meh Alkohol tronke. i has de au gmerkt ahan vode temp, ond er het mer det denn au vell vell meh roti täg azeigt!



 1 .. 4 5 6 7 8 9

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.