nei, chind sind grundsätzlich no keis thema. wobii sich das ja schnell chan ändere. ich gspühr eifach bi mir so extremi stimmigsveränderige (han a nütem meh würkli richtig freud, es isch sit ich de nuvaring nimm alles eifach immer OK). und ich han angst das das mis hochzyt chli trüebt. zudem hani extrem wasser ide bei, vor allem gägde abig. darum hani s gfühl das alles grundsätzlich besser wär ohni (han ich mir eifach in chopf gsetzt). und wäg de mens...mir gönd nach de hochzyt 3 woche id flitterwoche, vo dem her hani sie sowieso ide woche vode hochzyt oder nacher ide ferie (wott nöd zweimal nachenand de ring neh, han immer uh problem gha mit dem)...äch, was sölli au mache...

• Zitieren

Hallo weddingbee85

Ich ha de Nuvaring 5 Jahr mit Begeisterig benutzt (echt viel praktischer als Pille). Ha zwar au sehr starki Stimmigsschwankige kah und oft au so ä Lustlosigkeit verspürt. Ich ha insgesamt 15 Jahr ohni Pause Hormonell verhüetet und mich im Summer 13 entschiede de Nuvaring absetzte ohni konkretti Familieplän. Ich ha mich aber denn entschiede das erst nachem HZ mache. Zum Glück, will ich ha nöd viel aber doch mit es paar negative NW Kämpfe. Ha schlechteri Huut als vorher und ächli müeh mitem Gwicht aber dafür gahts mer Psychisch und Physisch besser, fühl mich wohler und irgendwie freier. Und mini Mens hani sogar beim erste Zyklus pünktlich becho. Aber dafür hani soooo schmerze bim Eisprung kah, ha mich krümmt vor schmerze. Bim zweite Zyklus isch es denn scho nüm so schlimm gsi.

Jetzt bini gspanne wies wieter gaht, de Körper isch ächli wie ä Wundertüte mit vielne Überraschige.

Es isch natürlich klar das jedi Frau da anderst reagiert aber ich wür glaub jetzt au nöd vorem HZ absetzte sondern na warte und denn nachher absetzte.

Und wegem HZ selber, also da würi mir nöd z'viel Gedanke mache, du wirsch sowieso uf Wulche 7 Schwebe und alles isch wie im Traum da chan dir nüd dini Stimmig trüebe.

Liebs grüessli

• Zitieren

Also ich han en richtige Verhütigsmarathon hinder mir
Ich han z erst d Pille becho und eigentlich gar kei Problem gha. Bis den aber mini Tante und min Vater en Thrombose gha hend. Ich han d Yasmin Pille gha und bi dere hets ja au suscht no Thrombosefäll gä. Drum hani welle wechsle, han den z erst s Pflaster becho, nach es paar Mönet hani aber riiisige Usschläg becho, dasi wieder han müesse wechsle. Denn hani de Nuvaring becho, z erst isch alles super gange, aber mit de Zit het de Schlim nüm richtig bildet und han den u Schmerze gha, wills so trocke gsi isch, also wieder nix. Den hani d Spirale welle. Wo mer si de FA igsetzt het, bini grad Ohmächtig worde und woni wieder ufgwacht bin hani so starki schmerze gha wie no nie i mim Läbe. Nachdems au nach 2 Ponstan gar nüt besser worde isch hani sie wieder müesse entferne. Denn hanis mitere Pille probiert wo gringers Thromboserisiko het (will irgend en Inhaltstoff andersch isch, weiss nüme wele) und die het bewürkt dasi durend Bluetige gha han. Isch also au nix gsi. Und schlussendlich het den de FA gfunde ich söll wieder die ursprünglich Pille nä und halt eifach sehr guet uf Azeiche vo Thrombose achte und falls si was merke, sofort reagiere.
Ich möcht jetzt aber au unbedingt weg vode hormonelle Verhüetig, möcht mim Körper nach 9 Jahr eifach nüm mit dem Züg vollpumpe. Drum hemer üs jetzt entschide, das mer nach de Hochzyt nur no natürlich verhüeted. Also mir wend eigentlich ned grad nachher Chind, aber es wär natürlich nüm so "schlimm" wie früehner, falls es doch passiere wür. Drum simer bereit, s höchere Risiko izgah.
Sit mer das entschide hend, möcht i eigentlich sofort mit de Pille ufhöre, aber ich han wie du Angst vode Reaktione vo mim Körper. Drum hani mi jetzt entschiede bis nach de Hochzyt z warte. Ned dasi nachher vor de Hochzyt no meh stress han, will min Körper druf reagiert.

@LucyLu: Wie verhüted ihr den jetzt?

• Zitieren

Also das mit de Temperatur messe isch tatsächlich e super Methode und würkli sicher... Allerdings langet Temperatur allei nöd ganz. me luegt au uf d Schlimproduktion und Qualität und duet sich so eigentlich zweifach absichere. die wo die Methode vertreted empfehled eigentlich, zum i dene "rote" Täg e kei Sex zha. Denn seg die Methode fasch 100% sicher. Aber klar, mer cha sich i dene Täg au eifach andersch helfe. Aber s Risiko vom Gummi isch natürli scho do.
Aber ich find das isch eigentlich e super Sach. Am Afang isches echli müehsam, bismer weiss, wie mer alles mues uswerte und so. Aber nochher bruchts am Tag nöd meh zit als 3 Minute und mer lernt sin Körper so richtig guet kenne und das macht irgendwie au Spass...
Wennd aber Angscht hesch, dass Pickel überchunsch und so, denn muesch halt nochli warte. Trotzdem wär das sicher die Methode wod in Zuekunft chöntisch awende...

• Zitieren