| Littlefoots DIY Vintage Gartenhochzeit |
|
|
1 2 3 4 5 .. 8
|
littlefoot  am 27.03.2014
Littlefoots DIY Vintage Gartenhochzeit
Huhu ihr liebe
ich mache etz doch en eigete Thread uf, ha immer so vill z verzelle haha. (Janedoe  )
weiss grad nur nid was für Infos ich jetzt muss ineschribe...
Mir hürated am Fritig 27.6.2014 standesamtlich im Rathus Lozärn mit aschliessendem Apero & Fäscht i de Gardenvilla Lozärn.
Es git es Grillbuffet.
Ich han mis Chleid im Domino im Dezember kauft und ha mängisch chli Zwifel gha obs Richtige isch aber ich han müsse igseh dasi mi eifach z fescht vo andere Chleider la verleite la
Min GG und ich sind sit 14 Jahr zäme und händ zwei wundervolli Chind, Sohnemann 6.5 und Töchterli 2.5..
Ich mache die meist Deko selber und bi Etsy und Pinterest Süchtig 
Ah euses Farbmotto: Mint & Peach mit wiss
Was mir scho händ:
- Mis Chleid und de Azug vom Grosse
- Candybar Deko inkl Wimpelchetti
- Kamera mit Selbstuslöser gmietet mit Photobooth Artikelset (perücke, hüet usw...)
- LED Lampions
- Cards Truhe im Shabby Stil
- Mini 1. Schueh
....
Zuletzt bearbeitet am 27.03.14 10:30
|
|
|
Evass  am 27.03.2014
Re: Littlefoots DIY Vintage Gartenhochzeit
ich wett Föteliiii :-)
|
littlefoot am 27.03.2014
Re: Littlefoots DIY Vintage Gartenhochzeit
wett mis chleid mit mint/peach accessoires "ufpimpe". han die abghenkte ohrering bstellt,
ich würd gern en gurt dezue, aber da ich die haarblueme han, glaub ich dass en gurt mit blueme chli vill blueme isch.
han leider no ken gurt gfunde ohni blueme wo schön isch, die mit bling bling wetti nid, passt nid zum gsamtbild...
het öper vo euch en idee ?
ach und eventuell no das armbändeli, finds mega schön.
und zum schmuck, wie gsend ihrs so mit überraschigs-schmuck oder so ? es cha ja durchus si dass irgendöper (mami, omi, usw) öpis "geliehenes" ge will...das würd ja teilwis mega usem konzept falle. me sett glaub am mami sicher mal alles zeige was mer so macht
|
littlefoot am 27.03.2014
Re: Littlefoots DIY Vintage Gartenhochzeit
denn hani mir no gedanke gmacht über mini cool Cardstruhe.
Sie isch ja riesig für es paar Chärtli :) han im chäller no en alte Kohffer entdeckt, wo mini Nähmaschine drin isch. Ich han denkt ich tu etz de Koffer bruche für d Charte, mache us de Jute e chlini Wimpelchetti mit Danke und d Truhe würdi für d Photobooth Artikel bruche. Gseht sicher lässig us so halboffe, und d Sache lueged so chli use.
|
littlefoot am 27.03.2014
Re: Littlefoots DIY Vintage Gartenhochzeit
Evass:
ich wett Föteliiii :-)
vo was denn ? :)
chleid chani dir per PN schicke.
|
Sue87 am 27.03.2014
Re: Littlefoots DIY Vintage Gartenhochzeit
wooow so schöni Sache.....
verfolge gspannt din Thread
vo wo hesch du nöime die Truhe?? genau so öpis wetti ou...hätti zwar eigentlich e Vogelkäfig aber weiss gad nid wasi söu....
hmmm megem Gurt hets de nid vo dete wo du die schöne Bluem für id Haar hesch ou no glichi für a Gurt?
|
Evass am 27.03.2014
Re: Littlefoots DIY Vintage Gartenhochzeit
Jo gern :) denn chani vilicht au überlegge was statt en bluemegürtel würd passe :)
denk föteli vo allem.. ich liebe das farbschema, mega schöni Accessoires.. ich würd sus wennd was geliehenes gschenkt überchunsch wo nöd dezue passt, chasches an brutstruss anemache loh, oder als fuesschetteli träge wenn das goht.. denn häschs ah und debii, aber es bisst sich nöd mitem rest.. wenns nöd farbig isch, sondern nur Gold oder silber, denn chaschs jo eh kombiniere würdi meine..
|
littlefoot am 27.03.2014
Re: Littlefoots DIY Vintage Gartenhochzeit
sue: d truhe hani im ricardo ersteigert. du chentsch sie susch au uslehne für die hochzit gäll :)
bi etz ebe au chli unschlüssig. aber denke mache das so mit dem koffer und denn d Truhe für d Photobooth Sache :)
ich chetn das scho mache wegem gurt aber ich has gfühl es isch denn bald z vill...
evass: hesch PN :)
|
Evass am 27.03.2014
Re: Littlefoots DIY Vintage Gartenhochzeit
also ich bin uf jedefall defür zum uf en gürtel verzichte.. :) und falls glich unbedingt eine wöttsch würdi z.b. wenn de brutstruss eher peach isch, en mintfarbige ohni Schnickschnack empfehle..
|
MiMa27  am 27.03.2014
Re: Littlefoots DIY Vintage Gartenhochzeit
@ Littlefoot: Das chönnti scho fast min eigene Thread si ;-) Zivile am 27. Juni, (Mir hend denn zwar s'Fest 1 Wuche spöter), Farbthema Mint inkl Dresscode *ein Spritzer mint*, DYI Gartehochziit mit Candybar & Photobooth ;-)))
Schad simmer so nöch ufenand, süscht hetted mr bestimmt einiges chöne teile... aber ich folge dir gern bi däm Thread und lah mi inspiriere
Machsch d'Candybar au zum Thema mint? Isch gar nöd so eifach, Candys i däre Farb z'finde, gäll?
Oder wo chaufsch du die?
|
|
|
1 2 3 4 5 .. 8
|
Anmelden
