| Nemo's puzzlige Schlosshochzeit |
|
|
1 .. 8 9 10 11 12 .. 18 .. 24
|
Nemo  am 06.06.2013
Re: Nemo's puzzlige Schlosshochzeit
@vale: die zwei jungs sind schwul. ich han ebe pinkbox abonniert und dänn hani extra zwei so pink-boxe bhalte, damit ich als GAG für sie so eini chan mache. finds eifach en joke wert 
|
|
|
Nemo am 06.06.2013
Re: Nemo's puzzlige Schlosshochzeit
@nisliker: nei, ich han gar nüt organisiert und zahle dörfi au nüt. 
hät alles mini tz gmacht mit natürli de hilf vo mine fründinne. ich han nur e packliste übercho mit was ich muen mitneh und meh hani nöd gwüsst. han aber denn schnell gmerkt dass mir noimeds übernachtet und drum hani gfunde, dass wenn mini mädels mir das alles scho schenked, denn möchti ihne au es gschänkli mache.
jetzt hani die böxli gmacht mit abschminktüechli, schampoo usw.. das chönts denn grad bruche 
|
valey  am 06.06.2013
Re: Nemo's puzzlige Schlosshochzeit
voooooolll coooool nemo :))
wett auuu...
merci schööögeeliii mmmmm
|
nisliker am 06.06.2013
Re: Nemo's puzzlige Schlosshochzeit
suuuuper ideee
|
sonne13 am 06.06.2013
Re: Nemo's puzzlige Schlosshochzeit
wow nemo, meeega cool! die freued sich bestimmt riesig!!!
|
Nemo am 08.06.2013
Re: Nemo's puzzlige Schlosshochzeit
So ihr Liebä... hüt isch de Start vo mim Polterweekend!! Es isch uuu schön, dass mir so hammer Wetter händ und ich freu mi so mega uf all mini Girls und natürli mini zwei jungs 
da ich ja nöd genau weiss wer jetzt alles chunt, bin ich natürli riesig gspannt. Ich han dörfe e Liste minere TZ abgä im Oktober letscht jahr und denn hani nieme öpis ghört wer chunt oder nöd.
uf dere liste isch au mini früündin us düsseldorf gstande. han nie öpis erfahre vo ihre dass sie nöd chan cho oder chunt oder was au immer...
sie hät aber erscch grad im märz ihres baby übercho, darüm chani mir fast nöd vorstellä dass sie chunt, wobie sie isch soooo e lässigi nudle, ihre würdi das ebe no zuetraue.
ich bin vor 3 jahr au a ihre polterabig nach köln gfloge und es sich sooooooo lustig gie! ich hoffes so dass sie chunt, han sie jetzt sit mim 30igste geburi im mai 12 nüme gseh. es wür mi sooo u mega freue!!  
ich han jetzt mis täschli packe (nach de liste vo minere tz) und es isch alles ready. de fründ vo bern sött ca am eis bi mir sie und am 13.30 chunt mini tz. am 13.45 gahts denn los, uuuuiiii ich bin ja so gspannt was sie mit mir vor händ!!
so ihr liebä, jetzt wünschi eu allne ganz es schöns und sunnigs wekkend und bis glie...
nemo
|
nisliker am 11.06.2013
Re: Nemo's puzzlige Schlosshochzeit
warte schon sehnlichst auf deinen Bericht vom Polterweekend....
|
apple-pie am 11.06.2013
Re: Nemo's puzzlige Schlosshochzeit
Ich bin auch schon sehr gespannt!
|
Nemo am 11.06.2013
Re: Nemo's puzzlige Schlosshochzeit
Sooo mini liebä mitbrütlis, jetzt schaffis endli eu mal vo mim polterweekend zbrichte.
Ganz am afang mal vorweg: es iscch unvergässlich gsie, eifach hammer und uuuuu lustig!
Am 13.45 hani müessä parat stah, da mich denn mini tz hät welä abhole bi mir dehei. Am 13.30 isch sie aber denn scho da gstade (ich natürli scho lang parat inkl. Mim trägerliebli wo bride druf staht ) und denn hämmer no mit gg zäme es käfeli trunke, da mir anschienend no zfrüeh gsie sind.
Am 13.50 simmer denn los. Mir sind vo de hustüre d’auge verbunde worde und bin so zum auto bracht worde vo minere tz. Denn isches losgange. Sie isch mit mir eimal chrüz und quer dur dietlike gfhare… und ich han dänkt mir fahred weiss nöd wo hi. Uf all fäll wieder acho (uf mim parkplatz!) simmer usgstiege und ich han müesse errate wer alles da isch. Es sind denn alli i de reihe gstande und ich an müesse d’lüt ertaste. Isch voll fies gsie, die iente händ sich locke gmacht wo gradi haar händ, die eint hät d’haar offe gha wo immer es schwänzli usw… isch uuuuu schwierig gsie. Aber eini hani sofort erkennt, uf sie hani nämli u mega ghofft. Und sie isch wükli cho, jaaaaaa mini fründin us köln isch extra für die zwei täg uf züri cho!!!! Ich han so irsinnig freud gha, mir sind grad trändli cho, abr hehehe, mer häts nöd gseh, han ja immerno verbundeni auge gha.
sie händ denn ufem parkplatz es chlises metalltischli ufgstellt und mir händ deht scho mal s’erste proseccöli trunke.
nachem astosse isches denn aber los richtig luzern. Ufteilt i 4 autos simmer los und jedes auto hät no es drüer päckli piccolos uf de weg übercho
in luzern bim hotel montana acho hämmer eusi täschene packt und sind go ichecke. Und siehe da, wer wartet deht scho uf eus?? De mr. Spax, das isch euse privati buttler gsie. Churzerhand hät er natürli grad checked wer brut isch (bin ja agschriebe gsie) und hät mis gepäck gno und eus uf eusi suite bracht. Buuuuuuaaaaaaa mädels ich säge eu, eifach de wahnsin!!! Uf de suite isch denn scho e chlini bar ufgstellt gsie, es isch über B&O alag scho de geilsti house gloffe und uf de bar sind 2 fläsche perrier champagner inere chüelschale gstande und ganz viel erdbeeri. Mir händs eus natürli nöd neh lah, grad die zwei fläsche zkille )))
er hät denn no eus die zwei zuesätzliche zimmer zeiged, die sind au hammer gsie (sind 12 gsie und suite isch nur für 8). Ich han denn vo ihm es telefon übercho und sis chärtli mit de nummere 580 druffe, wo ich ihm jederziit han dörfe alüte zum sache bstelle usw… da das en ziemliche schnügel gsie isch, händ mir eus das natürli nöd zweimal säge lah und händ ihm gfühlt alli 3 minute aglütet!!
er isch immer i weniger alsere minute dagstande und hät echt alles gä, wahnsinn.
da mir ja so hammermässigs wetter gha händ, hät sich natürli alles uf de therasse abgspielt. Alli händ sich id badeklamotte gschmisse und sind ab is jacuzzi oder eifach go sünnele. Plötzlich chunt de buttler wieder ine und seit, so mini dame, da isch eue dildo-bsuech  
es isch eini vo irgendemene erotikgschäft cho und hät eus die neuste gadgets vorgstellt. Uuuiii mir händ so glached. Isch mega lustig gsie. So nach 20min isch die dame wieder gange und mir händ eus wieder am jacuzzi gwidmet. Die zwüschedziit sind natürli no einigi fläsche prosecco gflosse, mir händ soooo fun gha. Irgenwenn isch denn mini tz cho und hät mit eus allne agfange scharade spiele, natüli alles mit irgendwelche sexualbegriff wommer händ müesse errate, echt witzig gsie und alli händ voll mitgmacht!!
am 18.30 häts denn gheisse: mädels, inere stund müend all parat sie fürs ässe. Also isch die grossi duschaktion losgange. Zersch hämmer mal alli müessä zämesueche die einte im jacuzzi, die andere ide sauna, die nächste ide erlebnisduschi und denn hämmer no badwanne gha, das alles i eusere suite, sooooo geil!!
mir sind denn abe go ässe (au im hotel) mit feinem wii und leckerem fleisch und nach dem feine drü gänger simmer denn zrugg id suite.
denn isches los gange. Mini tz hät en sack füre gholt mit war drin. Motto isch gsie: ich als tourist in luzern. Hmmmm, da ich ja viel reise isch das natürli naheliegend gsie. Sie händ mich denn mitemene pinke t-shirt usgstattet wo „bride in the city“ drufgstande isch und sie händ die glieche gha, eifach mitem bride durgstrieche. Hät cool usgseh, alli in pink! Und ich hasse pink, darum isch natrüli alles i dere farb cho. Han denn no en babyschirm in pink übercho wo mit gold au braut drufgstande isch, es nackechüssi, denn händs mer zöfpli gmacht mit pinkige mäschli und bändeli und e pinkigi trinkfläsche mit gin tonic drin. und nöd zverachte, es paar wiessi puma söckli, woni han müesse i mini schwarze turnschueh alegge...natürli mit churze hose...
|
Nemo am 11.06.2013
Re: Nemo's puzzlige Schlosshochzeit
denn bini no ganz schrecklich gschminkt worde. Ganz wiessi hut händs mer gschminkt und pinkigi bäggli mit pinkigem lippestift. En rucksack händs mer denn au no aghänkt, de isch uuuuuuu schwer gsie!
mir sind denn mitem lift abe und stönd vorem hotel…da chömed zwei wiessi hammermässigi stretchlimos zfahre!! Wuuuuuaaaaaa sooooooooo geil, ich han ja mega freud gha!!!! Mir händ eus denn ufteilt uf die zwei limos und denn isch es los id stadt. Ich han no e charte und es blatt mit frage übercho. Die antworte händ mich denn immer is nächste lokal bracht. Wennis nöd gwüsst han, denn hani müesse passante fröge und die händ mir denn de weg müesse uf de charte zeige. 
als ersts simmer in schwiezerhof und dehte hät de einti fründ vo mir eus en apero spendiert. Deht isches denn losgange, ich han müesse afange mini sache woni im rucksack gha han z’verchaufe. Ihr glaubeds nöd, aber ich han für schnäpsli, duschmüsterli usw… 370 franke igno!!
im havanna (bar in luzern) hani denn mine mädels und jungs e rundi zahlt usem kässeli und denn simmer los richtig schwarzes schaf. Deht händs eus denn nöd ine glah, will mer en polterabig sind… na ja, mir händs trotzdem u glatt gha. Es isch scho drü am morge gsie und die schwangere und halb-chranke händ langsam schlapp gmacht, was au völlig ok gsie isch (het nie denkt dass die so lang mitmached)!!!
näbed drah häts en mc donalds. Alli händ hunger gha, also bin ich ine und han mit mim kässeli geld für 140 franke mc ikauft für alli. Mir händ denn wieder eusi limo bstellt, abr nur no eini. Sind denn i zwei charge ufe gfahre is hotel. Die müede sind vorus und mir händ no s’chäferfäst vorem mc gha. Die vorige schnäppsli vom rucksack hämmer au no killt, läck isch das lustig gsie!!
wo denn d’limo cho isch simmer ufe is hotel und id suite. Im zimmer isch denn alles umgstellt gsie, sie händ denn zusatz better inegstellt und jedem es quitscheäntli ufs chüssi ta, mega herzig
Mittlerwiele isches vieri gsie und mir händs eus nöd neh lah nä no bitz party zschmeisse uf de therasse und im zimmer. Mir sind denn no bitz id sauna, händ no bitz bädeled und händs u funny gha. Am viertel ab foifi simmer denn todmüed is nästli gheit. Im bett händ min bettnachber und ich no paar mega lustigi föteli gmacht. Es isch stockdunkel gsie im zimmer und mir händ immer uf drü zählt und denn hämmer müese e grimasse mache wenn de blitz chunt, sind so lustigi bilder worde. Am nüni bini wieder hellwach gsie und han alli usem näst grüert
mir sind denn am 10.15 go zmörgele. Mmmmmmmmmhhhh, es hammer zmorgebuffet, eifach genial!
ja und denn simmer ufe go köfferli packe und denn isches wieder hai zue gange…. Es isch sooooo schnell verbieg sie.
ich chan eu das SPA IN THE CITY agebot nur wärmstens empfehle, es isch de oberhammer gsie!
Mini Mädels und die zwei jungs sind eifach nume grossartig, sie händ mir de schönst polterabig gschänkt wos nume git (aso für mich ).
Es isch es unvergässlichs erlebniss gsie mit so tolle mänsche so öpis chöne z’erlebe!
so, jetzt hani ja en meeeeega langebricht gschriebe... ui ui ui, wie chunt denn bloss de wom hochziit use??
ich hoffe de spass wo mir gha händ isch bitz übere cho....
nemo
|
|
|
1 .. 8 9 10 11 12 .. 18 .. 24
|
Anmelden
