ich han etz der vertrag vu üserer band für dä obet übercho. isch alles super wo dinä stoht, nur isch nüt vermerkt, dass mier au no verlängerig chön ha und wöviel das chostet. mier hens per mail abgamcht. aber es wür mich beruhigä wens au uf em vertrag wür stoh.

isch das bi eu au so gsi, oder söll ich ihm nomol schribä, dass ich gern en anderä vertrag hett. will jo nid lästig si, aber dmusig isch üs scho wichtig und ich will nid, dass sie am eis ipacken.



.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag

• Zitieren

i würd demfall rücksproch halte und denn das handschriftlich druff vermerke und unterschribe zrugg schicke, han das au scho so gmacht. ebe gnau usem grund damits nöd pingelig wirkt. finds aber en wichtige poste.

• Zitieren

bi üs isch das bimene andere artist de fall gsi. er hät no was vergesse. i han denn kurz es mail gmacht undgseit obs ok seg wenn ichs ergänz und ihm unterschribe zruggsend (smail isch denn immerhin au e schriftlichi bestätigung), eifach so nebetbi. frog mi nöd noch de rechtliche konsequenze. spontan hetti gseit dass es söt verhebe, da en kaufvertrag denn zstand chunt wenn beid dämit iverstande sind. wenn du dband also vorher informiersch, wüsset sie dass du de vertrag nöd unterschribe hetsch, wenn nöd die zusatzklausel drin gsi wär. aber ebe, das thema hend mer dozmol bim kaufvertrag ar uni nöd duregno. mösti au go noluege. google doch sus mol chli.

verlängerige söttet vermerkt si, isch z.B. bi üs im resti au de fall. nöd dass denn e bösi überraschig häsch.

• Zitieren

Hey Silver
Nur schnäll zum Muet mache, no es Episödeli wo i mim Bricht fählt:
Unsere Musiker isch vo 19.00 bis 02.00 Uhr vertraglich agstellt gsi. De Tätschmeischter het ihm denn aber aglütte und ihn churzfrischtig scho e Stund früener ufbote, will mer ebe au früener im Restaurant gsi sind wie ursprünglich plant. So vor em eins han ich mich denn mol gfrogt, öb är denn jetz eifach e Stund früener ufhört, wenn er scho früener het müese cho. Het er aber nid. Am viertel ab zwei hämmerem denn gseit, dass mer am halbi drei müend duss si, und was er no wöll für die gueti Stund woner jetz länger gmacht het. Und jetz chunnts:
Är het nüt welle! Het gfunde, mir heiged eh scho es langs Angagement gha, und d Gsellschaft heig so fröhlich mitgmacht, tanzt, gsunge, är heig sich bi uns richtig wohl gfühlt, und es sig ok mit däm wo mir ihm scho zum vorus zahlt händ.
Ich wünsch dir vil Glück mit eurem Musiker.
Liebe Gruess
Speedy

• Zitieren