Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Rechtliches    ›   Ehevertrag
Ehevertrag
 1 2 3 4 5
speedy  am 30.09.2009

Re: Ehevertrag

Also es isch definitiv kantonal greglet. In Winterthur choschtet en Ehevertrag mit Güetertrennig chf 200.-, das het mir s Notariat so gschriebe. Sind denn aber gar nüm verbi gange für en effektivi Berotig.



Piglet  am 01.10.2009

Re: Ehevertrag

@Nadine: Jo, weme öpis erbt scho. Aber es werd denn kompliziert, wenns en Erbvorbezog esch wo z.b. för nes gmeinsams Wohneigetom igsetzt werd. So Sache sött me de ebe emne Vertrag festhaute.

Mer gönd jetzt nöchst Woche nomau id Berotig, wöu mer öis öberlegge en Wohnig z'choufe.



Cherita  am 27.12.2009

Re: Ehevertrag

Hey Brütli

Jtze hani gad dä Blog gfungä u mi würds interessiere wie dir ds jtze greglet heit?

Mi zuäkünftig isch äbä o selbständig respektive er übernimmt zGschäft i ca. 1-2 Jahr vo sim Vater. Bi üs isches kes Thema gsi bis jtze, aber schliesslich wet ig de o abgsicheret si, we mi Ma (Holz alänge) öbis passiert!!! U nit das i mis Vermöge mit mim Schatz zeme tue u ner bechunt ds alles Eltere über!

Grüässli



speedy  am 28.12.2009

Re: Ehevertrag

Hey Cherita
Mir händs bis jetz nonig gmacht, hätted aber au anderi Gründ gha wie ihr. Bi mir sind Schulde umme vo dr letschte Ehe, won ich min neue Maa drvor möchti schütze. Und händ jetz aber alli (au Awält) gseit, dass in unserem Fall kei Vertrag nötig isch. Mir schiebeds deshalb no so chli vor uns här, me cha jo sonen Vertrag jederzit ufsetze, au nach dr Hochzit.
Aber ich dänk, in dim Fall würd ich unbedingt en Vertrag mache! Es isch jo nid nur zu dim Schutz sondern zu däm vo euch beidne. Ich hoff jo schwär, dass dim Maa mit sim Gschäft nüt passiert, aber falls doch, denn händ ihr wenigschtens no dis Vermöge und Ikomme. Lönd euch do uf jede Fall guet berote, und los dir jo nid irede dass du irgendwie dim Maa nid würdisch vertraue oder so. Sonen Vertrag isch ganz eifach nur e wältlichi Absicherig, für euch beidi wie gseit. Wenn din Liebschte das Thema vor dr Hochzit z fescht stresst (mir kenne doch d Männer...), denn chöned ihr wie gseit dä Vertrag au no spöter mache. Ich würds eifach uf jede Fall mache BEVOR din Liebschte s Gschäft übernimmt.
Vil Glück und alles Gueti
Speedy



ichwuensche  am 28.03.2010

Re: Ehevertrag

bruetli:

Wie mached ihr das??? und was meined ihr zumänä ehevertrag???

Grüässli
Brütli


Hoi Brüetli

Mine will au en Ehevertrag mache. Aber nöd wägem Geld, sonder vor allem, wäge dä chind. dämit im fall vonere scheidig sorgerecht scho gregelt isch. ih sim kollegekreis händ ebe es paar mäner mega schlechti erfharige gmacht mitem hürate und fraue ohne eheverträg. ich chas zwar verstah, ich finds aber au mega unromantisch und au sehr misstrauisch.

ich ha ebe jus studiert und weiss genau, was alles sowieso scho gregelt isch, wämer hüratet...

jetzt luegetmer emal... er hät scho länger nüme über dä ehevertrag grädet.

http://hochzeitscountdown.com/"][/url]



Prisi9  am 29.06.2010

Re: Ehevertrag

Hallo Ihr Liebä

ich het do zu dem Thema au no ä Unklarheit und ev. chan mir öper wiiterhelfe...

wenn mer kein ehevertrag macht (also errungeschaftsbeteiligung gilt) wie gaht denn das im fall vonere scheidig mit dä pensionskasse? ich han scho ghört, das die durch zwei teilt wird, aber erst ab dem ziitpunkt wo mer ghüratet hät. anderi säged, bidä pensionskasse segs eh immer so das die durch zwei gaht au wenn mer en ehevertrag macht...

weiss da öper bscheid?


<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]



Prisi9  am 20.07.2010

Re: Ehevertrag

Han mich über das Thema (mer wet sich eigentlich kei Gedanke mache) mal schlau gmacht und folgendes usägfunde... natürlich nur für die wos interessiert..

Betreffend 3. Säule (bei Errungenschaftsbeteiligung gilt):
Das eheliche Vermögen wird erst im Zeitpunkt der Scheidung aufgeteilt.
Dabei hat - vereinfacht gesagt - jeder Ehegatte Anspruch auf die Hälfte der Errungenschaft des anderen, nicht aber auf dessen Eigengut.
Das Guthaben der 3. Säule fällt in jene Gütermasse, aus der die Einzahlungen erfolgt sind.
Bezahlen Sie die 3. Säule von Ihrem jetzigen Lohn, gehört das Guthaben zur Errungenschaft. Es ist daher bei der Scheidung hälftig zu teilen.
Anders wäre es, wenn Sie die Einzahlungen mit vor der Ehe Erspartem oder aus geerbtem Vermögen finanzieren würden. Das 3.-Säule-Guthaben wäre dann Teil Ihres Eigenguts und müsste bei der Scheidung nicht geteilt werden.

Bi dä Pensionskasse isch es so:
Die Pensionskassenguthaben, die sich während der Ehedauer (die Dauer einer allfälligen Trennung gehört dazu) gebildet haben, müssen bei einer Scheidung immer geteilt werden – also auch dann, wenn das Ehepaar die Gütertrennung vereinbart hat.
Der Grund: Der Anspruch gegenüber der Pensionskasse wird nicht wie Einkommen oder Vermögen behandelt. Sondern wie andere Ansprüche gegenüber Sozialversicherungen wie etwa das Splitting bei der AHV.

<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]



Piglet  am 20.07.2010

Re: Ehevertrag

Hallo Prisi

Da bist du ja meiner Antwort schon selber zuvorgekommen.
Pensionskasse wird immer aufgeteilt, das kann man gar nicht im Ehevertrag regeln.

Ich finds gut machst du dir Gedanken. Das haben wir auch, wir haben auch einen Ehevertrag bei einem Notar machen lassen. So haben wir uns schon vor der Hochzeit mit diesen Themen auseinandergesetzt. Ich finde, viel zu viele heiraten einfach, ohne sich über die rechtlichen Konsequenzen im Klaren zu sein.
Trotzdem, oder gerade deshalb, haben wir unsere Hochzeit sehr genossen und ebenso geniessen wir das verheiratet sein (und hoffen, dass wir vom Ehevertrag nie Gebrauch machen müssen!).



Prisi9  am 20.07.2010

Re: Ehevertrag

Hallo Piglet

Besten Dank für Deinen Beitrag und die Bestätigung, dass ein Ehevertrag nicht so verkehrt ist.

Das Thema beschäftigt mich immer wieder und ich möchte unbedingt alles geregelt haben. Wie Du richtig sagst, hofft man, dass der Ehevertrag nie rausgeholt werden muss. Doch die Möglichkeit besteht leider auch.

Eine Freundin von mir hat sich auch schlau gemacht, doch bei Ihr ist die Situation viel komplexer und komplizierter... bei dem ganzen Rechtskram verliert man ganz schnell den Überblick.

Grüässlii

<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]



steyne  am 23.05.2011

Re: Ehevertrag

mir wärde Güetertrennig mit eme Ehe- und Erbvertrag mache.

Chann üs öpper ä guete Notar empfähle wo sich normaustärblichi chöi leiste?



********** üsi Grosse Täg si am 19. u 20. 8. 2011 **********



 1 2 3 4 5

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.