Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Unterhaltung der Gäste    ›   Band - DJ - Playlist
Band - DJ - Playlist
 1
Sosingle  am 31.07.2014

Band - DJ - Playlist

Hoi ihr liebe mit-hüratende! Ich bin ganz neu da im Forum und hans au nur per zuefall entdeckt, da ich gad chli am google gsi bin wäge musikalischem Abigprogramm. Was hend ihr so für erfahrige gmacht? ich weiss ebe bi eus nonig recht was sbeschte isch han mir sochli en pro und contra lischte gmacht - falls euch no öbbis i wo ich jetzt gar nid dra denke, will eifach kei erfahrig ha?

Playlist:

+ Gratis
+ Wunschlieder können alle berücksichtigt werden
- Keine Stimmungsmacher
- Viel Vorbereitungsarbeit
- Anlage evtl. nicht gut genug
- Jemand muss sich auch während dem Abend darum kümmern
- Halt nicht live

Band:

+ Live ist halt immer wow!
+ Für Stimmung wird gesorgt
+ Evtl. besteht die möglichkeit dies mit der Zeremonie zu verbingen (sängerin)
- Teuer (?)
- Platz muss ausreichend vorhanden sein
- Songwünsche können nicht alle berücksichtigt werden

DJ:

+ Wunschlieder können berücksichtigt werden
+ Günstiger als Band
- Halt nicht live
- Preise doch auch eher teuer für eine einzelne Person

Was meined ihr? mir sind chli am schwange zwüsche DJ oder Band aber hend bi beidem au nonig de richtig abüter gfunde... danke für euri In-puts! Grüessli Sophie!



Immanuel_Kant  am 04.08.2014

Re: Band - DJ - Playlist

Hallo Sosingle

Das esch en schwerigi Frog ond es get minnere Meinig noch kei „rechtig“ oder „falsch“. Ech fende, alli 3 Optione send sehr abhängig vo de Person wo deför verantwortlech esch. En geniali Playlist (wo super of d Gsellschaft ond de Alass passt) esch secher besser als en mieserable Alleinunterhalter wo öppis of sim Keyboard klimperet.

Ech probiere mol dini Liste uszbaue met de Anahm, dass mer kei speziell gueti Connection zo DJ's ond Bands het, ond au ned bem Radio Zuegreff of es ganzes Musigarchiv het. Ech go zuedem be jedere Option devo us, dass die Person wo das macht, en super Job macht!

Playlist:

+ Gratis, sofern die Songs bereits in eigenem Besitz sind
+ Wunschlieder können alle berücksichtigt werden
+ Es muss keine zusätzliche Person eingeladen (verköstigt) werden
+ Wenn man selber macht – weniger Absprachen nötig
+/- Keine Überraschung (kann positiv oder negativ sein)
- Es geht ins Geld, wenn man viele Songs legal besorgen muss
- Keine Stimmungsmacher, bzw. schwierig zu steuern, wann welcher Song läuft
- Viel Vorbereitungsarbeit
- Eine passende Musikanlage muss gemietet werden (= Zusatzaufwand, evtl. teuer?)
- Jemand muss sich auch während dem Abend darum kümmern
- Halt nicht live

Band:

+ Live ist halt immer wow!
+ Für Stimmung wird gesorgt
+ Evtl. besteht die Möglichkeit dies mit der Zeremonie zu verbinden (Sängerin)
+ Musikwünsche können teilweise von der Band erfüllt werden
+ Bringt ihre Anlage mit / besorgt sie selber
- Relativ teuer (alle Personen wollen bezahlt werden, müssen anfahren, wollen essen und trinken, evtl. wird teure Technik benötigt)
- Platz muss ausreichend vorhanden sein, evtl. wird sogar eine Bühne benötigt
- Songwünsche können nicht alle berücksichtigt werden
- Begrenzte Konzertdauer

DJ:

+ Wunschlieder können berücksichtigt werden
+ Günstiger als Band
+ Hintergrundmusik während dem Essen
+ Kann auf jede Situation direkt reagieren (Ansprachen, Spiele, HZ-Tanz, etc.)
+ Spielt so lange wie gewünscht
+ Bringt seine Anlage mit / organisiert sie selber
- Halt nicht live
- Preise doch auch eher teuer für eine einzelne Person


Mis Fazit wär folgendes: Wenn eim Musig wichtig esch, buecht mer en gueti Band oder en guete DJ, vellecht sogar beides. Das choschtet rechtig Gäld, aber de Gägewärt lohnt sech. Wenn eim d Musig ned so wechtig esch, chammer au en Playlist vom Laptop lo laufe. Denn länget au d Stereoalag vom Restaurant ond es chostet relativ wenig.

Im Idealfall könnt mer öpper wo innere guete Band spielt oder het mol en guete DJ ghört wommer weder cha bueche.


Besch du scho witer cho met dinne Öberleggige?



Sosingle  am 04.08.2014

Re: Band - DJ - Playlist

hey danke vill mal für dis usfüehrliche Feedback!

und mir hend jetzt gad am wuchenend bestätigt becho, dasses wie du seisch total ufe abüter achund! muess säge, dasmer vode playlist doch jetzt eher wägcho sind willmer halt gern musig hend...

hend eus daher am Donnschtig abig miteme DJ troffe wo eigentlich en nette idruck gmacht hed aber mir nacher eifach hend müsse säge 1600.00 stutz für ei person wo denn no esse wett und für jedi zuesätzlichi stund nach 01.00 Uhr wiiteri choschte verrechnet isch eus eifach irgendwie zvill ... sicher würder en super job mache aber findeds für ei person eifach ztüür....

denn hemmer eus geschter mit de sängerin vonere band troffe....
... die chömed zvierte oder zzwoite... hend gad chönne säge, dass sie open-end spiiled ohni wiiters zverrechne hend au dementsprechend es breits und grosses repertoire und mached natürlich zwüschedrin au pausene wosi denn aber en playlist debi hend womer gad über ihri alag laufe lah chan (oder eusi eignig aschlüsse das überleggemer eus denn no, villicht macher glich eini für die zwüscheteil) und sie bruched kei bühni, kei garderobe, technik nähmeds mit und isch im priis inbegriffe, töned super, sind mega nett und unkompliziert und choschted zzwoite glich vill wie de DJ wo denn aber nur bis am 01.00 Uhr zudem priis spiile würd.... zvierte wäreds denn scho tüürer aber das isch ja au klar...

.... mir hend gad "ja" gseid ;-)

wäred zerscht eher für DJ gsi aber jetzt womer so es agebot hend isch de fall für eus au klar! (und de zahledmer dene denn gärn no es znacht) :-)



Melanie83  am 12.08.2014

Re: Band - DJ - Playlist

Huhu, ich bin zurzeit daran meiner Schwester bei den Hochzeitsvorbereitungen zu Helfen! könntest du mir angeben, welche Band du gebucht hast? Die Band, welche ich damals hatte gibt's leider nicht mehr und wäre auch nicht gut die selbe Band für meine Schwester, soll ja ihr einzigartiger Tag werden
oder sonst band empfehlungen? nicht zu teuer und aufwändig (wir können keine Bühne stellen etc.)



Sosingle  am 13.08.2014

Re: Band - DJ - Playlist

hoi Melanie83, mir hend jetzt sDuo bueched vo next train home (findsch über google) findsi nid ztür und bisher wirkeds au sehr unkompliziert und früntlich. vilicht wärs ja was für euch!

je nach musicstiel halt wo euch gfallt!



Juheee86  am 30.10.2014

Re: Band - DJ - Playlist

bi eus isch au serschte womer bueched gha hend klar dlocation gsi und nacher hemmer gad gluegt wäge musik. DJ hend eus bis jetzt alli ztüür dunkt und mir stönd uf life musig. Mir hend denn offertene igholt vo Maxin, Piano Beat und Next Train Home und hend eus denn für Gitarre und Sängeri vo Next Train Home entschiede. Mer sueched jetzt aber villicht glich no en DJ wo denn zur entlaschtig vo dene nacher würd übernäh, so abem 11i für die partyfüdlis under eus. öpper en tip?



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.