| Wo habt ihr euch kennengelernt? |
|
|
1 2 3 4 5
|
|
jovia nicht registriert am 23.12.2007
Re: Wo habt ihr euch kennengelernt?
Hi alli zäme
Mier hend eys bim schaffe kenneglehrnt. Hend denn so ca. 2 Jahr zäme gschafft, aber zäme cho simmer erst nachdem ich scho es Jahr wäg vo dere Firma gsi bi - Schicksal lässt grüssen   .
|
|
|
geistleo  am 01.04.2008
Re: Wo habt ihr euch kennengelernt?
Hi zusammen
friendscout 24 lässt grüssen....
das war im Nov 04. Seit Feb 05 sind wir ein Paar und im Aug 08 heiraten wir.
Liebe Grüsse
geistleo
|
dragonfly am 01.04.2008
Re: Wo habt ihr euch kennengelernt?
hallo zäme!
Mer händ eus au bem Schaffe kenneglernt.
I han aber öpe 6 Mönet brucht, besi sini Bemühige bemerkt han..
Ond womer zäme cho send, hämer beidi de Betreb gwechslet ond send sehr schnell i eusi Wonschregion Murten zoge!
Grüessli
Dragonlfy
Wir heiraten am 6. September 2008!
|
madmadi  am 01.04.2008
Re: Wo habt ihr euch kennengelernt?
Mer send sozäge Schuelschätzeli... Drü Johr lang simmer im gliche Schuelhus, är ei Klass öber mer, id Schuel ond händ enand ned wörkli kennt. Sini Zwillingsschwöschter esch denn im dritte vo vier Oberstufejohr i mini Klass cho ond mer send Kolleginne worde.
Im Sommer vorem letschte Schueljohr simmer sehr oft zäme id Badi und näbe velne Kollege esch ou de Roger ame mit vo de Partie gsi. Irgendwenn hani bemerkt, dass ich mech zu ihm härezoge fühle ond mer händ be mängere Täuchlete schüche Körperkontakt gha.
Bem Abschlossfeschtli vo sinere Klass - wo ou es paar anderi iglade gsi send - am 8. August 1998, Vollmondnacht am Hallwilersee, händ mer öis denn s erschte mol kösst.
Ich als 15-jährigi Gomsle ha natürli am 12 müesse deheim si ond ha scho dänkt, ich gsäch de Roger nochhär nömme, wel er jo denn id Lehr cho esch. Ha ou gar ned gwösst, was säge bem Abschied. Das het är mer aber abgno ond gseit, er mäldi sech am nöchschte Tag (ersch denn hani gwösst, dass är wörkli ou Interesse het a mer, vorhär hani eifach so druflos-gschmüselet).
Das esch de Afang gsi vonere mängisch turbulänte, achterbahnmässige Liebesgschicht, wo genau 10 Johr spöter eine vo hoffentli no vielne Höhepünkt erläbt.
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
smil09 am 01.04.2008
Re: Wo habt ihr euch kennengelernt?
Madmadi, das isch jo ganz äs herzigs und romantisches Gschichtli. Und s'chunnt sicher nöd su hüfig vor, dass sonä jungi Liebi dänn würklich au hebet.
Mier händ üs ganz unromantisch im Internet kenne glernt. Für üs stimmt's aber trotzdem 
|
Nicole80 am 01.04.2008
Re: Wo habt ihr euch kennengelernt?
hallo zäme
wir haben uns "ganz normal" im ausgang kennen gelernt. wir waren an einem orientalischen abend und haben ein bisschen geflirtet. ich hätte ihn wohl nicht angesprochen, hatte zu diesem zeitpunkt auch noch einen freund . ich war mit zwei kolleginnen da, die ich natürlich auf meinen flirt aufmerksam machte. eine der beiden stellte darauf lachend fest, dass das ein arbeitskollege von ihr war. so setze er sich zu uns. tja, und dank seiner hartnäckigkeit waren wir einen monat danach ein paar.
wir sind zufälligerweise beide oberstufenlehrer, weshalb wir immer wieder gefragt werden, ob wir uns an einer weiterbildung kennen gelernt haben
|
Angie13 am 04.04.2008
Re: Wo habt ihr euch kennengelernt?
Ich han min Schatz bim zügle känneglernt.
En kolleg vo mir wo au bim zügle ghulfe hät, hät ihn gfraget gha ober mir würd hälfe zügle. Er hät mi no nie gsee, hät aber ja gseit und au no kolleg mit gno zum hälfe.
Tja und eigentlich s peinlichste isch für mi gsii, (sött zwar ned aber i dänke i verstönd warum) isch gsii, dasser mini unterwösch vor mir gsee hät. Ihr fröget jetzt warum? i han ebbe am tag vorher no gwäsche gha und no ufghänkt, ja und da ich ja dä schlüssel gleit han, ischer id wohnig go luege was es alles zum zügle git. Jo und da häter dänkt, die muessi kännelerne
Woner mi gsee hät, häts bi ihm buum gmacht. Dä blitz hät i gschlage. Und i han das gar nöd gmerkt. I bin ebbe no inere beziehig gsii woni han welle beende drum bini züglet.
2 täg spöter häter mir gseit dasser sich i mich verliebt hät und für üs möchtig da sii. Er hät verstande dass ich zerscht öppis wött abschlüsse. Und eigentlich hani au nöd welle mi grad i öppis neus stürze. Was er au verstande hät und gseit er gäbi mir so viel ziit wieni bruche. Er sägi au als "fründ" da für eus. Wänn ich das zueläsi. Ich han mir die ziit gno. Und en monät spöter simmer es paar gsii.
Er hät sich regelrächt i eusi herze gschliche. Er isch für eus besti was eus hät chöne passiere. En liebe Maa und en liebe "Papi".
Und mir freuet eus alli sehr uf dä 06.06.08. Au d chind, und das isch schönschte.
liebi grüess
Mir hüratet am 06.06.2008 i dä Trotte z Rekinge.
Angela & Rico
|
mindli84 am 22.07.2008
Re: Wo habt ihr euch kennengelernt?
Wie ehuufe anderi han ech min Schatz au im Internet könne glehrt bim bluewin-chat (gehts de öberhaupt no???)! Am 15. Januar 2001 hämmer eus serscht mol gseh ond send of anhieb es Paar gsi. Am 15 Januar 2009 werdid mer eus den ofem Zivilstandesamt s'JA Wort gäh ond am 16. Mai 09 denn no Kirchlich. Ech froi mech so!
Lg Mindli
Ech säge am 16. Mai 09 JO!
|
|
Mara nicht registriert am 23.07.2008
Re: Wo habt ihr euch kennengelernt?
Mer hei üs im Usgang Disco/Pub kenneglernt. Eg ha ehn bim "Töggele" usegforderet. Zwöi Wuche später si mer es Paar gsi
Ha zersch gar kei Beziehig weue, die letscht isch ersch früsch usenand gange, aber es het eifach alles gstumme
Tamara & Simeon ~01.06.07~09.08.08~
|
Kaz am 23.07.2008
Re: Wo habt ihr euch kennengelernt?
Hallo Zusammen...
Ich finde es super, so Liebesgeschichten zum Lesen!!
Ich und mein Verlobter, haben sich bei seinem Job und meinem Hobby kennengelert (ca vor 10 Jahren) Jungwacht/Blauring. Ich wahr aber nicht mer lange im Blauring, aber er schuldete mir noch einen Gefallen. 
Und so wurden wir Kollegen, aber wir haben uns dann bald darauf ineinader Verliebt... Leider siegte damals sein Verstand  
Aber nach ein Paar Jahren Freundschaft (ich eine andere Beziehung), als ich wieder single war (wir sahen aber uns schon in der zwischenzeit) traffen wir uns wiedermal und das Treffen stellte sich als Perfektes Date heraus... welches auch ein Kuss zum Schluss gehörte Dieser Veränderte alles auch wenn ich eigentlich nicht wollte
Nach 5 Jarhen Trauen wir uns nun
Wir Heiraten am 09.05.09
|
|
|
1 2 3 4 5
|
Anmelden
